“საქართველოს ახალგაზრდობის საქმეთა სახელმწიფო დეპარტამენტის თავმჯდომარის 2001 წლის 15 თებერვლის №4 ბრძანებით დამტკიცებულ საქართველოს ახალგაზრდობის საქმეთა სახელმწიფო დეპარტამენტის სათათბიროს დებულებაში ცვლილებებისა და დამატებების შეტანის შესახებ”

სახელმწიფო რეგისტრაციის კოდი 040.050.000.12.201.005.810

საქართველოს ახალგაზრდობის საქმეთა სახელმწიფო დეპარტამენტის თავმჯდომარის

ბრძანება №12

2003 წლის 21 აპრილი

ქ. თბილისი

საქართველოს ახალგაზრდობის საქმეთა სახელმწიფო დეპარტამენტის თავმჯდომარის 2001 წლის 15 თებერვლის №4 ბრძანებით დამტკიცებულ საქართველოს ახალგაზრდობის საქმეთა სახელმწიფო დეპარტამენტის სათათბიროს დებულებაში ცვლილებებისა და დამატებების შეტანის შესახებ

1. საქართველოს ახალგაზრდობის საქმეთა სახელმწიფო დეპარტამენტის თავმჯდომარის 2001 წლის 15 თებერვლის №4 ბრძანებით დამტკიცებულ „საქართველოს ახალგაზრდობის საქმეთა სახელმწიფო დეპარტამენტის სათათბიროს დებულების” (სსმ III, 2001 წ., №18, მუხლი 158,) მე-9 პუნქტი ჩამოყალიბდეს შემდეგი რედაქციით:

9. „სათათბირო შედგება თხუთმეტი წევრისაგან, რომელთაგან 7 წევრს ფარული კენჭისყრით ირჩევენ რეესტრში გატარებული ბავშვთა და ახალგაზრდული კავშირები, ხოლო 7 წევრს ნიშნავს საქართველოს ახალგაზრდობის საქმეთა სახელმწიფო დეპარტამენტის თავმჯდომარე.”.

2. მე-14 პუნქტს დაემატოს შემდეგი შინაარსის „გ” ქვეპუნქტი:

გ) „სათათბიროს წევრი, რომელიც არის იმ კავშირის წევრი, რომლის მიერ წარმოდგენილი პროექტის განხილვაც მიმდინარეობს სათათბიროს სხდომაზე, არ მონაწილეობს აღნიშნული პროექტის კენჭისყრაში.”.

ზ. გაიპარაშვილი