„საჯარო სამართლის იურიდიული პირის – სახელმწიფო სერვისების განვითარების სააგენტოს ტერიტორიული სამსახურების ტიპური დებულების დამტკიცების შესახებ“ საქართველოს იუსტიციის მინისტრის 2020 წლის 25 თებერვლის №501 ბრძანებაში ცვლილების შეტანის თაობაზე

1. პირველი მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. ტერიტორიული სამსახურების საქმიანობას კოორდინაციას უწევს სააგენტო.  ტერიტორიული სამსახურები, გარდა სამოქალაქო აქტების ცენტრალური არქივის, სამოქალაქო აქტების თბილისის არქივისა და საინფორმაციო-სამისამართო ბიუროსა, ექვემდებარება სააგენტოს სამოქალაქო რეესტრის დეპარტამენტს.“;

ბ) მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. სამოქალაქო აქტების ცენტრალური არქივი, სამოქალაქო აქტების თბილისის არქივი და საინფორმაციო-სამისამართო ბიურო ექვემდებარება სააგენტოს თავმჯდომარის მოადგილეს.“.

2. მე-5 მუხლის:

ა)  მე-2 პუნქტი ჩამოყალიბდეს შემდეგი რედაქციით:

„2. სამსახურის უფროსი, გარდა ამ მუხლის 2¹ პუნქტით გათვალისწინებული სამსახურების უფროსებისა, ანგარიშვალდებულია სააგენტოს თავმჯდომარისა და სამოქალაქო რეესტრის დეპარტამენტის დირექტორის წინაშე.“;

ბ) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. სამოქალაქო აქტების ცენტრალური არქივის, სამოქალაქო აქტების თბილისის არქივის და საინფორმაციო-სამისამართო ბიუროს სამსახურების უფროსები ანგარიშვალდებულნი არიან სააგენტოს თავმჯდომარისა და სააგენტოს თავმჯდომარის მოადგილის წინაშე.“.

3. მე-6 მუხლის:

ა)  მე-4 პუნქტი ჩამოყალიბდეს შემდეგი რედაქციით:

„4. განყოფილების უფროსი, გარდა ამ მუხლის 4¹ პუნქტით გათვალისწინებული ტერიტორიული სამსახურების განყოფილების უფროსისა, ანგარიშვალდებულია სამსახურის უფროსის, სააგენტოს თავმჯდომარისა და სამოქალაქო რეესტრის დეპარტამენტის დირექტორის წინაშე.“;

ბ) მე-4 პუნქტის შემდეგ დაემატოს შემდეგი შინაარსის 4¹ პუნქტი:

„4¹. სამოქალაქო აქტების ცენტრალური არქივის, სამოქალაქო აქტების თბილისის არქივის და საინფორმაციო-სამისამართო ბიუროს განყოფილების უფროსები ანგარიშვალდებულნი არიან სამსახურის უფროსის, სააგენტოს თავმჯდომარისა და სააგენტოს თავმჯდომარის მოადგილის წინაშე.“.