„მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში ცვლილების შეტანის თაობაზე

1. მე-3 მუხლის:

ა) „კ“ – „მ“ ქვეპუნქტები ამოღებულ იქნეს;

ბ) „ნ“ ქვეპუნქტი ჩამოყალიბდეს შემდეგი რედაქციით:

„ნ)  რძის  მწარმოებელი  –  ფერმერი,  რომელსაც  ჰყავს  არანაკლებ  1  და  არაუმეტეს  25 ერთეული მეწველი მსხვილფეხა საქონლისა;“.

2. მე-4 მუხლის მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. ალტერნატიული საქმიანობა ახალგაზრდებისთვის მიმართულების პოტენციური ბენეფიციარი (კაცი – 18-დან 35 წლის ჩათვლით, ხოლო ქალი – 18-დან 40 წლის ჩათვლით) უნდა იყოს შესაბამისი მუნიციპალიტეტის ადგილობრივი მაცხოვრებელი.“.

3. მე-5 მუხლის:

ა) პირველი პუნქტის:

ა.ა) „დ“ ქვეპუნქტი ამოღებულ იქნეს;

ა.ბ)  „ე“ ქვეპუნქტის შემდეგ დაემატოს შემდეგი შინაარსის  „ვ“ და „ზ“ ქვეპუნქტები:

„ვ) ალტერნატიული საქმიანობები ახალგაზრდებისთვის;

ზ) მზის ენერგიაზე მომუშავე ელექტროსადგურის მოწყობა.“;

ბ) მე-2 პუნქტი ჩამოყალიბდეს შემდეგი რედაქციით:

„2. პროგრამა ითვალისწინებს ამ მუხლის პირველი პუნქტის „ა“, „ე“, „ვ“ და „ზ“ ქვეპუნქტებით განსაზღვრული მიმართულებებით, როგორც ახალი საქმიანობის დაწყებას, ასევე არსებულის გაფართოებას/მოდერნიზებას/ გადაიარაღებას, ხოლო ამ მუხლის პირველი პუნქტის „ბ“ და „გ“ ქვეპუნქტებით განსაზღვრული მიმართულების შემთხვევაში – მხოლოდ არსებული საქმიანობის გაფართოებას/მოდერნიზებას.“;

გ) მე-4 პუნქტის შემდეგ დაემატოს შემდეგი შინაარსის მე-5 – მე-7 პუნქტები:

„5. საშუალო ზომის რძის გადამამუშავებელ საწარმოსა და რძის შემგროვებელი პუნქტის ბენეფიციარის თანადაფინანსება მოიცავს სპეციალური სატრანსპორტო საშუალებების, შენობა-ნაგებობებისა (მხოლოდ რემონტი/რეაბილიტაცია) და მანქანა-დანადგარების თანადაფინანსებას.

6. ალტერნატიული საქმიანობა ახალგაზრდებისთვის მიმართულების ბენეფიციარისთვის დაშვებულია არაუმეტეს 100 კვ/მ სათბურის მოწყობა.

7. რძის პირველადი წარმოების, რძის შემგროვებელი პუნქტის ან რძის გადამამუშავებელი საწარმოს მიმართულების ბენეფიციარზე გასაცემი თანადაფინანსების თანხით ასევე შესაძლებელია სურსათის უვნებლობის საერთაშორისო სტანდარტის/სისტემის დანერგვის თანადაფინანსება.“.

4. მე-6 მუხლის მე-2 პუნქტის:

ა) „ა“ ქვეპუნქტი ამოღებულ იქნეს;

ბ) „ბ“ ქვეპუნქტის შემდეგ დაემატოს შემდეგი შინაარსის „გ“ ქვეპუნქტი:

„გ) დანართ №1-ის 1.1, 3.1, 3.2 ან 3.3 პუნქტებით განსაზღვრული მიმართულებების ბენეფიციარს შეუძლია, თანადაფინანსება მიიღოს დანართ №1-ის მე-5 პუნქტით განსაზღვრულ მზის ენერგიაზე მომუშავე ელექტროსადგურის მოწყობის მიმართულებაზე.“.

5. მე-7 მუხლის „ე“ ქვეპუნქტი ჩამოყალიბდეს შემდეგი რედაქციით:

„ე) ბენეფიციარის თანამონაწილეობა შესაძლებელია იყოს როგორც საკუთარი ფულადი სახსრები, ასევე საფინანსო ორგანიზაციიდან მიღებული სესხი;“.

6. მე-12 მუხლი ჩამოყალიბდეს შემდეგი რედაქციით:

„მუხლი 12. პროგრამის გავრცელების გეოგრაფიული არეალი

პროგრამის ვეტერინარიისა და ხელოვნური განაყოფიერების მიმართულების გავრცელების გეოგრაფიული არეალია საქართველოს მასშტაბი. ალტერნატიული საქმიანობები ახალგაზრდებისთვის და მზის ენერგიაზე მომუშავე ელექტროსადგურის მიმართულების გავრცელების გეოგრაფიული არეალია იმერეთი, სამეგრელო და ზემო სვანეთი და სამცხე-ჯავახეთი. პროგრამის დანარჩენი მიმართულებების არეალი კი არის საქართველოს შემდეგი რეგიონები: ქვემო ქართლი, კახეთი, იმერეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი და სამცხე-ჯავახეთი.“.

 7. დანართი №1 ჩამოყალიბდეს თანდართული  რედაქციით.