ჩხოროწყუს მუნიციპალიტეტის საკრებულოს დებულების (რეგლამენტის) დამტკიცების შესახებ „ჩოხროწყუს მუნიციპალიტეტის საკრებულოს 2014 წლის 25 ივლისის №7 დადგენილებაში ცვლილების შეტანის შესახებ

ა) დადგენილებით დამტკიცებული რეგლამენტის  მე-18 მუხლის მე-5 პუნქტს დაემატოს 5¹ და 5² პუნქტები:

„5¹.  საკრებულოს თავმჯდომარის პირველი მოადგილე ზედამხედველობს საფინანსო-საბიუჯეტო და ქონების მართვისა და ბუნებრივი რესურსების საკითხთა კომისიების მუშაობას, საჭიროების  შემთხვევაში გასცემს რეკომენდაციებს.

5². საკრებულოს თავმჯდომარის მოადგილეები კოორდინაციას უწევენ სამანდატო, საპროცედურო საკითხთა და ეთიკის, სოციალურ  საკითხთა  და სივრცით-ტერიტორიული დაგეგმარებისა და ინფრასტრუქტურის კომისიების მუშაობას.“;

ბ) დადგენილებით დამტკიცებული რეგლამენტის 116-ე მუხლს დაემატოს  შემდეგი შინაარსის 116¹ მუხლი.

„მუხლი 116¹. ჩხოროწყუს მუნიციპალიტეტის მიერ დაფუძნებული კერძო სამართლის იურიდიული პირის  მიერ გაწეული საქმიანობის ანგარიშის წარმოდგენის წესი.

1. მუნიციპალიტეტის მიერ დაფუძნებული კერძო სამართლის იურიდიული პირის ხელმძღვანელობაზე პასუხისმგებელი პირი ვალდებულია  ჩხოროწყუს მუნიციპალიტეტის საკრებულოს შესაბამის  კომისიას წარუდგინოს წელიწადში ერთხელ ანგარიში გაწეული საქმიანობის შესახებ.

2. კომისია განსახილველ საკითხთან დაკავშირებით იღებს რეკომენდაციას, წინადადებებს, დასკვნას, რომელსაც შემუშავების შემდეგ წარუდგენს საკრებულოს ბიუროს.

3. საკრებულოს კომისიის ან ბიუროს გადაწყვეტილებით მუნიციპალიტეტის მიერ დაფუძნებული კერძო სამართლის იურიდიული პირის ანგარიში განიხილება საკრებულოს სხდომაზე, საკრებულო აფასებს მათ მიერ გაწეულ საქმიანობას და საჭიროების შემთხვევაში გასცემს რეკომენდაციებს.

4. კომისიის ან/და ბიუროს მოთხოვნით მუნიციპალიტეტის მიერ დაფუძნებული კერძო სამართლის იურიდიული პირი მუნიციპალიტეტის საკრებულოს წარუდგენს რიგგარეშე ანგარიშს.“.