„კორუფციის წინააღმდეგ ბრძოლის უწყებათაშორისი საკოორდინაციო საბჭოს შემადგენლობისა და დებულების დამტკიცების შესახებ“ საქართველოს მთავრობის 2013 წლის 30 დეკემბრის №390 დადგენილებაში ცვლილების შეტანის თაობაზე

1. დადგენილების პირველი მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს მთავრობის ადმინისტრაციის უფროსი – ანტიკორუფციული საბჭოს თავმჯდომარე;“;

ბ) „ა“ ქვეპუნქტის შემდეგ დაემატოს შემდეგი შინაარსის „ა¹“  ქვეპუნქტი:

„ა¹) საქართველოს მთავრობის ადმინისტრაციის უფროსის მოადგილე – ანტიკორუფციული საბჭოს თავმჯდომარის  მოადგილე;“;

გ) „ზ“ ქვეპუნქტი ჩამოყალიბდეს შემდეგი რედაქციით:

„ზ) საქართველოს გენერალური პროკურორის მოადგილე;“;

დ) „მ“ ქვეპუნქტი ჩამოყალიბდეს შემდეგი რედაქციით:

„მ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე;“;

ე) „პ“ ქვეპუნქტი ჩამოყალიბდეს შემდეგი რედაქციით:

„პ) საქართველოს კულტურის, სპორტისა და ახალგაზრდობის მინისტრის მოადგილე;“;

ვ) „ფ“ ქვეპუნქტის შემდეგ დაემატოს შემდეგი შინაარსის „ფ¹“ ქვეპუნქტი:

„ფ¹) სპეციალური საგამოძიებო სამსახურის უფროსი;“;

ზ) „ჯ“ ქვეპუნქტი ჩამოყალიბდეს შემდეგი რედაქციით:

„ჯ) საქართველოს მთავრობის ადმინისტრაციის ანტიკორუფციული სამდივნოს უფროსი/მოადგილე, ანტიკორუფციული საბჭოს მდივანი.“.

2. დადგენილებით დამტკიცებულ „კორუფციის წინააღმდეგ ბრძოლის უწყებათაშორისი საკოორდინაციო საბჭოს დებულებაში“ შეტანილ იქნეს ცვლილება და მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ანტიკორუფციულ საბჭოს ხელმძღვანელობს და მის სხდომებს წარმართავს ანტიკორუფციული საბჭოს თავმჯდომარე.“;

ბ) მე-10 პუნქტი ჩამოყალიბდეს შემდეგი რედაქციით:

„10. ანტიკორუფციული საბჭოს სამდივნოს ფუნქციას ასრულებს საქართველოს მთავრობის ადმინისტრაციის ანტიკორუფციული სამდივნო (შემდგომში – ანტიკორუფციული სამდივნო). სამდივნო უზრუნველყოფს ანტიკორუფციული საბჭოსა და მის ფარგლებში შექმნილი სამუშაო ჯგუფების ანალიტიკურ და ორგანიზაციულ მხარდაჭერას, ადმინისტრირებას უწევს ანტიკორუფციული საბჭოს საქმიანობას. ანტიკორუფციული სამდივნოს ფუნქციები განისაზღვრება ანტიკორუფციული სამდივნოს დებულებით.“.