,,სიღნაღის მუნიციპალიტეტის საკრებულოს საფინანსო - საბიუჯეტო კომისიის დებულების დამტკიცების შესახებ“ სიღნაღის მუნიციპალიტეტის საკრებულოს 2014 წლის 22 ივლისის №13 დადგენილებაში ცვლილების შეტანის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

,,სიღნაღის მუნიციპალიტეტის საკრებულოს საფინანსო - საბიუჯეტო კომისიის დებულების დამტკიცების შესახებ“ სიღნაღის მუნიციპალიტეტის საკრებულოს 2014 წლის 22 ივლისის №13 დადგენილებაში ცვლილების შეტანის შესახებ
დოკუმენტის ნომერი	17
დოკუმენტის მიმღები	სიღნაღის მუნიციპალიტეტი
მიღების თარიღი	22/06/2022
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 23/06/2022
სარეგისტრაციო კოდი	010250000.35.168.016354

PDF გადმოწერა

,,სიღნაღის მუნიციპალიტეტის საკრებულოს საფინანსო-საბიუჯეტო კომისიის დებულების დამტკიცების შესახებ“ სიღნაღის მუნიციპალიტეტის საკრებულოს 2014 წლის 22 ივლისის №13 დადგენილებაში ცვლილების შეტანის შესახებ

საქართველოს ორგანული კანონის ,,ადგილობრივი თვითმმართველობის კოდექსი“ 24-ე მუხლის პირველი პუნქტის ბ.დ ქვეპუნქტისა და ,,ნორმატიული აქტების შესახებ" საქართველოს ორგანული კანონის მე-20 მუხლის მე-4 პუნქტის შესაბამისად, სიღნაღის მუნიციპალიტეტის საკრებულო ადგენს:

მუხლი 1

,,სიღნაღის მუნიციპალიტეტის საკრებულოს საფინანსო-საბიუჯეტო კომისიის დებულების დამტკიცების შესახებ“ სინაღის მუნიციპალიტეტის საკრებულოს 2014 წლის 22 ივლისის №13 დადგენილებით (www.matsne.gov.ge, 25/07/2014, 010250000.35.168.016110) დამტკიცებულ დანართში შევიდეს შემდეგი ცვლილება:

1. მე-2 მუხლის პირველი პუნქტის ,,ლ“ ქვეპუნქტი ჩამოყალიბდეს შემდეგი რედაქციით:

„ლ) განიხილავს და საკრებულოს წარუდგენს დასკვნას შესყიდვების გეგმის შესაბამისად წინა წელს განხორციელებული შესყიდვების ანგარიშის შესახებ;“.

2. მე-2 მუხლის პირველი პუნქტის ,,ო“ ქვეპუნქტი ჩამოყალიბდეს შემდეგი რედაქციით

„ო) განიხილავს საქართველოს ორგანული კანონის „ადგილობრივი თვითმმართველობის კოდექსი” 140-ე მუხლის მე-2 და მე-3 პუნქტებით დადგენილი აუდიტორის ანაგარიშს და დასკვნას.“

3. მე-2 მუხლის პირველ პუნქტს დაემატოს „ნ¹“ ქვეპუნქტი შემდეგი რედაქციით:

,,ნ¹) განიხილავს და შეიმუშავებს წინადადებებს ადგილობრივი თვითმმართველობის მოხელეთა საშტატო ნუსხისა და თანამდებობრივი სარგოების განსაზღვრის შესახებ;“.

მუხლი 2

დადგენილება ამოქმედდეს გამოქვეყნებისთანავე.

სიღნაღის მუნიციპალიტეტის საკრებულოს თავმჯდომარე დავით ჯანიკაშვილი