„საჯარო სამართლის იურიდიული პირის – ციფრული მმართველობის სააგენტოს დებულების დამტკიცების შესახებ“ საქართველოს იუსტიციის მინისტრის 2020 წლის 4 აგვისტოს №590 ბრძანებაში ცვლილების შეტანის თაობაზე

1. მე-4 მუხლის პირველ პუნქტს დაემატოს შემდეგი შინაარსის „ყ¹“−„ყ³“ ქვეპუნქტები:

„ყ¹) კომპეტენციის ფარგლებში, ჩაატაროს მესამე კატეგორიის კრიტიკული ინფორმაციული სისტემის სუბიექტის:

ყ¹.ა) ინფორმაციული უსაფრთხოების პირველადი აუდიტი და პერიოდული აუდიტი;

ყ¹.ბ) პენეტრაციის ტესტი;

ყ²) ინფორმაციული უსაფრთხოებისა და კიბერუსაფრთხოების სფეროებში კომპეტენციის ფარგლებში განახორციელოს შემდეგი მაკოორდინირებელი საქმიანობები:

ყ².ა) ფართომასშტაბიან კიბერინციდენტებზე რეაგირების პროცესში კოორდინაცია გაუწიოს მესამე კატეგორიის კრიტიკული ინფორმაციული სისტემის სუბიექტის საქმიანობას;

ყ².ბ) ზედამხედველობა გაუწიოს მესამე კატეგორიის კრიტიკული ინფორმაციული სისტემის სუბიექტის მიერ ინფორმაციული უსაფრთხოებისა და კიბერუსაფრთხოების სფეროებში სამართლებრივი, სტრატეგიული და მარეგულირებელი დოკუმენტების აღსრულების პროცესს;

ყ².გ) საქართველოს მთავრობას წარუდგინოს ანგარიში მესამე კატეგორიის კრიტიკული ინფორმაციული სისტემის სუბიექტის მიერ ამ კანონით გათვალისწინებული ვალდებულებების შესრულების თაობაზე;

ყ³) განიხილოს მესამე კატეგორიის კრიტიკული ინფორმაციული სისტემის სუბიექტის მიერ „ინფორმაციული უსაფრთხოების შესახებ“ საქართველოს კანონის 10⁴−10¹⁰ მუხლებით გათვალისწინებული ადმინისტრაციული სამართალდარღვევის საქმე და მიიღოს გადაწყვეტილება ადმინისტრაციული სახდელის დადების შესახებ;“.

2. მე-5 მუხლის მე-2 პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) უფლებამოსილია სააგენტოში დასაქმებულ პირზე მოახდინოს საქართველოს კანონმდებლობით მისთვის მინიჭებული ცალკეული უფლება-მოვალეობების დელეგირება. აღნიშნულ პირს ეკრძალება მისთვის დელეგირებული უფლება-მოვალეობების სხვა პირისთვის გადაცემა, თუ ამის თაობაზე სპეციალურად არ არის მითითებული უფლება-მოვალეობების დელეგირების შესახებ გადაწყვეტილებაში;“.

3. მე-14 მუხლის:

ა) „გ“ ქვეპუნქტი ჩამოყალიბდეს შემდეგი რედაქციით:

„გ) „ინფორმაციული უსაფრთხოების შესახებ“ საქართველოს კანონით გათვალისწინებული მესამე კატეგორიის კრიტიკული ინფორმაციული სისტემის სუბიექტთა იდენტიფიცირება და შედეგების მიწოდება სამინისტროსთვის.“;

ბ) „ლ“ ქვეპუნქტი ჩამოყალიბდეს შემდეგი რედაქციით:

„ლ) საქართველოს კანონმდებლობით დადგენილი წესით, „ინფორმაციული უსაფრთხოების შესახებ“ საქართველოს კანონით გათვალისწინებულ მესამე კატეგორიის კრიტიკული ინფორმაციული სისტემის სუბიექტებში ინფორმაციული უსაფრთხოების მექანიზმებისა და სტანდარტების ამოქმედებისა და დანერგვის ხელშეწყობა;“.

4. მე-15 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. კიბერუსაფრთხოების დეპარტამენტი ასრულებს კომპიუტერულ ინციდენტებზე დახმარების ჯგუფის − CERT.DGA.GOV.GE - უფლებამოსილებას.“;

ბ) მე-2 პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) კიბერუსაფრთხოების სფეროში მოქმედ საერთაშორისო და რეგიონულ ორგანიზაციებთან, უცხო ქვეყნის შესაბამის სტრუქტურებთან კომპეტენციის ფარგლებში თანამშრომლობა, ინფორმაციის ურთიერთგაცვლა;“.