წალკის მუნიციპალიტეტის თრიალეთის ადმინისტრაციული ერთეულის დაბა თრიალეთის ქუჩების სახელწოდებების გადარქმევის და უსახელო გეოგრაფიული ობიექტების სახელდების შესახებ

წალკის მუნიციპალიტეტის საკრებულოს

განკარგულება №გ-119.119221513

2022 წლის 31 მაისი

წალკის მუნიციპალიტეტის თრიალეთის ადმინისტრაციული ერთეულის დაბა თრიალეთის ქუჩების სახელწოდებების გადარქმევის და უსახელო გეოგრაფიული ობიექტების სახელდების შესახებ

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „ა.ე“ ქვეპუნქტის, „გეოგრაფიული ობიექტების სახელდების შესახებ“ საქართველოს კანონის მე-8-მე-10 მუხლებისა და „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების   შესაბამისად, წალკის მუნიციპალიტეტის საკრებულომ გადაწყვიტა:

1. წალკის მუნიციპალიტეტის თრიალეთის ადმინისტრაციული ერთეულის დაბა თრიალეთის ქუჩებს სახელწოდებები გადაერქვათ დანართი №1-სა და თანდართული რუკის შესაბამისად.

2. განხორციელდეს უსახელო გეოგრაფიული ობიექტების სახელდება:

ა) ალექსანდრე პუშკინის ქუჩასთან არსებულ ჩიხს განესაზღვროს სახელწოდება ალექსანდრე პუშკინის პირველი ჩიხი.

ბ) პროექტით გათვალისწინებული 26 მაისის ქუჩასა და ედუარდ ბრაიშის ქუჩას შორის არსებულ უსახელო გეოგრაფიულ ობიექტს განესაზღვროს სახელწოდება მე-10 ქუჩა.

3. წალკის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

4. განკარგულება შეიძლება გასაჩივრდეს თეთრიწყაროს რაიონულ სასამართლოში (ქ. თეთრიწყარო, კოსტავას ქ. №11) საქართველოს ადმინისტრაციული საპროცესო კოდექსის 22-ე მუხლის მესამე ნაწილით დადგენილი წესით, გაცნობიდან ერთი თვის ვადაში.

ირაკლი გიგინეიშვილი

წალკის მუნიციპალიტეტის საკრებულოს თავმჯდომარე

დანართი №1

დაბა თრიალეთი

1. საბჭოს ქუჩა – კლდეკარის ქუჩა;

2.  ალექსანდრე სუვოროვის ქუჩა – იაკობ გოგებაშვილის ქუჩა;

3. ხრამჰესის ქუჩა – ედუარდ ბრაიშის ქუჩა;

4.  1 მაისის ქუჩა – 26 მაისის ქუჩა;

5. ლენინის ქუჩა – ვახუშტი ბატონიშვილის ქუჩა;

6. სკოლის ქუჩა – ცოდნის ქუჩა;

7. შოთა რუსთაველის ქუჩა (დარჩა უცვლელი);

8. ფეოფილაქტე ზუბალოვის ქუჩა (დარჩა უცვლელი);

9. ალექსანდრე პუშკინის ქუჩა (დარჩა უცვლელი).