„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

1. მე-5 მუხლს დაემატოს შემდეგი შინაარსის მე-5 პუნქტი:

„5. სამინისტროს სისტემიდან დათხოვნილ პირს, თანამდებობიდან დროებით გადაყენებულ ან კადრების განკარგულებაში აყვანილ მოსამსახურეს (გარდა 34-ე მუხლის მე-3 პუნქტით გათვალისწინებული შემთხვევისა), ასევე, სამინისტროს მოსამსახურეს ამ წესის 65¹ მუხლის მე-5 პუნქტით გათვალისწინებული ფსიქიატრიული ექსპერტიზის (სტაციონარული) დასკვნის წარმოდგენამდე, ჩამოერთმევა სამსახურებრივი მოწმობა, სპეციალური ჟეტონი, სამსახურებრივ-საშტატო იარაღი, სპეციალური საშუალებები, სამსახურის კუთვნილი სხვა ქონება და ეკრძალება სამინისტროს შესაბამისი ფორმის ტანსაცმლის ტარება.“.

2. 33-ე მუხლის მე-3 პუნქტი ამოღებულ იქნეს.