ენერგოეფექტურობის ეროვნული სამოქმედო გეგმით გათვალისწინებული პოლიტიკის ალტერნატიული ღონისძიებების შესახებ ენერგეტიკული გაერთიანების სამდივნოსთვის შეტყობინების წარდგენის წესის დამტკიცების შესახებ

მუხლი 1

საქართველოს ეკონომიკისა და მდგრადი განვითარების სამინისტრო ვალდებულია ენერგოეფექტურობის ეროვნული სამოქმედო გეგმის დამტკიცებიდან 3 (სამი) თვის ვადაში, ენერგეტიკული გაერთიანების სამდივნოს წარუდგინოს „ენერგოეფექტურობის შესახებ“ საქართველოს კანონის მე-4 მუხლის მე-10 პუნქტის, ამავე კანონის მე-5 მუხლის მე-3 პუნქტის მიხედვით და ამ წესის შესაბამისად მომზადებული შეტყობინება პოლიტიკის ალტერნატიული ღონისძიებების შესახებ (შემდგომში – შეტყობინება), რომელიც მოიცავს ინფორმაციას და მეთოდოლოგიას პოლიტიკის ალტერნატიული ღონისძიებებით ენერგოდანაზოგების მოთხოვნილი რაოდენობების მიღწევისა და  პოლიტიკის ალტერნატიული ღონისძიებების კრიტერიუმების დაკმაყოფილების შესახებ.

მუხლი 2

ენერგოეფექტურობის ეროვნული სამოქმედო გეგმით გათვალისწინებული ენერგოეფექტურობის ვალდებულების სქემ(ებ)ის განხორციელების შესახებ შეტყობინება, იმ შემთხვევაში, თუ ენერგოეფექტურობის ვალდებულების სქემა  არ ითვალისწინებს საგადასახადო ღონისძიებებს, უნდა მოიცავდეს შემდეგ ინფორმაციას:

ა) ვალდებულ, მონაწილე ან უფლებამოსილ მხარეებს, ან განმახორციელებელ საჯარო უფლებამოსილ პირებს/ორგანოებს;

ბ) სამიზნე სექტორებს;

გ) ენერგოეფექტურობის ვალდებულებების სქემების მოქმედების და, მათ შორის,  შუალედური პერიოდების განმავლობაში, ენერგიის დაზოგვის მაჩვენებლის დონეს ან მოსალოდნელ დანაზოგებს;

დ) ენერგოეფექტური  ვალდებულებების სქემ(ებ)ის მოქმედების და, მათ შორის,  შუალედური პერიოდების ხანგრძლივობას;

ე) სათანადო ღონისძიების კატეგორიებს;

ვ) გამოთვლის მეთოდოლოგიას, დამატებითი და არსებითი ხასიათის დადგენის მეთოდოლოგიის ჩათვლით, და რომელი მეთოდოლოგია და ნიშნულები გამოიყენება საინჟინრო გამოთვლების განხორციელებისას;

ზ) ღონისძიების მოქმედების ვადებს;

თ) კლიმატის  ცვლილებების შემარბილებელ და ადაპტაციის მიდგომას;

ი) ენერგოეფექტურობის ვალდებულების სქემ(ებ)ის განხორციელების ხარისხის სტანდარტებს;

კ) ენერგოეფექტურობის ვალდებულების სქემ(ები)ს შედეგების გაზომვისა და დადასტურების ოქმებს და როგორ არის დაცული ამ ოქმების შედგენის პროცესის დამოუკიდებლობა  ენერგოეფექტურობის ვალდებულების სქემ(ები)ს განხორციელებაზე ვალდებული, სქემაში მონაწილე და უფლებამოსილი პირებისგან;

ლ) ენერგოაუდიტის ოქმებს.

მუხლი 3

იმ შემთხვევაში, თუკი ენერგოეფექტურობის ეროვნული სამოქმედო გეგმით გათვალისწინებული პოლიტიკის ალტერნატიული ღონისძიებები მოიცავს საგადასახადო ღონისძიებებს, ამ ღონისძიებების შესახებ შეტყობინება ამ ბრძანების მე-2 მუხლით განსაზღვრულ ინფორმაციასთან ერთად, ასევე  უნდა მოიცავდეს შემდეგ დეტალებს:

ა)  სამიზნე სექტორებსა და გადასახადების გადამხდელთა სეგმენტს;

ბ)  განმახორციელებელ საჯარო უფლებამოსილ პირს/ორგანოს;

გ)  მოსალოდნელ მისაღწევ დანაზოგებს;

დ) საგადასახადო ღონისძიების ხანგრძლივობას და შუალედურ პერიოდებს; და

ე) გამოთვლის მეთოდოლოგიას, გამოყენებული ფასის ელასტიურობის ჩათვლით.

მუხლი 4

საქართველოს ეკონომიკისა და მდგრადი განვითარების სამინისტრო უზრუნველყოფს ყველა დაინტერესებული პირის ჩართვას ამ წესის შესაბამისად ენერგოეფექტურობის ეროვნული სამოქმედო გეგმით გათვალისწინებული შეტყობინების შემუშავებაში.

.