დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „შინაპატიმრობის აღსრულების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 28 დეკემბრის №146 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 834 |
| დოკუმენტის მიმღები | საქართველოს იუსტიციის მინისტრი |
| მიღების თარიღი | 02/06/2022 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 02/06/2022 |
| სარეგისტრაციო კოდი | 100110000.22.027.017325 |
|
„შინაპატიმრობის აღსრულების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 28 დეკემბრის №146 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „არასაპატიმრო სასჯელთა აღსრულების წესისა და პრობაციის შესახებ“ საქართველოს კანონში ცვლილების შეტანის თაობაზე“ საქართველოს 2018 წლის 5 ივლისის №3130 კანონის მე-2 მუხლის მე-5 პუნქტის შესაბამისად, ვბრძანებ: |
| მუხლი 1 |
„შინაპატიმრობის აღსრულების წესის დამტკიცების შესახებ“ საქართველოს სასჯელაღსრულებისა და პრობაციის მინისტრის 2017 წლის 28 დეკემბრის №146 ბრძანებით (საქართველოს საკანონმდებლო მაცნე (www.matsne.gov.ge), 29/12/2017, სარეგისტრაციო კოდი: 100110000.22.038.016904) დამტკიცებულ წესში შეტანილ იქნეს ცვლილება:
1. მე-5 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით: „ა) ამ მუხლის პირველი პუნქტით გათვალისწინებული არანაკლებ სამი გაფრთხილების მიღება;“. 2. მე-10 მუხლის შემდეგ დაემატოს შემდეგი შინაარსის 101 მუხლი: „მუხლი 101 1. საღამოს 18:00 საათიდან დილის 09:00 საათამდე პერიოდში, მსჯავრდებულის მიერ შინაპატიმრობის რეჟიმის 1 საათზე მეტი ვადით დარღვევის ან/და მიმღებ მოწყობილობაზე კომუნიკაციის განხორციელების შეუძლებლობის შემთხვევაში, სააგენტოს ორგანიზაციული მხარდაჭერის დეპარტამენტის სწრაფი რეაგირების ჯგუფი (შემდგომ − ჯგუფი) გონივრულ ვადაში უზრუნველყოფს შინაპატიმრობის აღსრულების ადგილზე გასვლას/გადამოწმებას. 2. განსაკუთრებულ შემთხვევაში, ჯგუფი უფლებამოსილია, მოახდინოს ამ მუხლის პირველი პუნქტით გათვალისწინებული რეაგირება შინაპატიმრობის რეჟიმის დარღვევიდან 1 საათის გასვლამდეც. 3. თუ მსჯავრდებული ჯგუფს შინაპატიმრობის აღსრულების ადგილზე დახვდება, ჯგუფი ადგენს ხარვეზის მიზეზს და უზრუნველყოფს მის აღმოფხვრას, ხოლო ჯგუფის შესაბამისი თანამშრომელი − შემოწმების შედეგების შესახებ ოქმის შედგენას (დანართი №9), რომელიც ეგზავნება შესაბამისი ბიუროს უფროსს. 4. თუ მსჯავრდებული ჯგუფს შინაპატიმრობის აღსრულების ადგილზე არ დახვდება, ჯგუფის შესაბამისი თანამშრომელი უზრუნველყოფს ამ მუხლის მე-3 პუნქტით გათვალისწინებული ოქმის შედგენასა და აღნიშნული ფაქტის შესახებ შესაბამისი ბიუროს უფროსისათვის შეტყობინებას.“. |
| მუხლი 2 |
ეს ბრძანება ამოქმედდეს გამოქვეყნებისთანავე.
|
|
დოკუმენტის კომენტარები