დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„აკვაკულტურის ნებართვის გაცემის წესისა და სანებართვო პირობების დამტკიცების შესახებ“ საქართველოს მთავრობის 2021 წლის 19 მაისის №232 დადგენილებაში ცვლილების შეტანის თაობაზე | |
---|---|
დოკუმენტის ნომერი | 254 |
დოკუმენტის მიმღები | საქართველოს მთავრობა |
მიღების თარიღი | 16/05/2022 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 19/05/2022 |
სარეგისტრაციო კოდი | 400060000.10.003.023465 |
|
„აკვაკულტურის ნებართვის გაცემის წესისა და სანებართვო პირობების დამტკიცების შესახებ“ საქართველოს მთავრობის 2021 წლის 19 მაისის №232 დადგენილებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „აკვაკულტურის ნებართვის გაცემის წესისა და სანებართვო პირობების დამტკიცების შესახებ“ საქართველოს მთავრობის 2021 წლის 19 მაისის №232 დადგენილებაში (www.matsne.gov.ge, 21/05/2021, 400060000.10.003.022787) შეტანილ იქნეს ცვლილება და დადგენილებით დამტკიცებული „აკვაკულტურის ნებართვის გაცემის წესისა და სანებართვო პირობების“:
1. მე-4 მუხლის მე-2 პუნქტის: ა) „ბ“ ქვეპუნქტი ჩამოყალიბდეს შემდეგი რედაქციით: „ბ) საქართველოს ეკონომიკისა და მდგრადი განვითარების სამინისტროს სსიპ – მინერალური რესურსების ეროვნული სააგენტო აკვაკულტურის საწარმოებლად შერჩეულ ფართობზე სასარგებლო წიაღისეულის საბადოს ან გამოვლინების არარსებობის დასადასტურებლად ან თუ აკვაკულტურის წარმოება იგეგმება წიაღის ფონდის მიწაზე, ამ მიწის სარგებლობის ან სხვა ფორმით გაცემის საკითხზე გადაწყვეტილების მისაღებად;“; ბ) „თ“ ქვეპუნქტი ჩამოყალიბდეს შემდეგი რედაქციით: „თ) სამინისტრო – ადმინისტრაციული წარმოების ფარგლებში ბიომრავალფეროვნებასთან ან ნიადაგის ნაყოფიერი ფენის მოხსნასთან დაკავშირებული საკითხების გადაწყვეტისას;“. 2. მე-6 მუხლის მე-5 პუნქტი ჩამოყალიბდეს შემდეგი რედაქციით: „5. თუ ნებართვის მაძიებელი ითხოვს წელიწადში 40 ტონაზე მეტი წარმადობის აკვაკულტურის მეურნეობის მოწყობას ან აკვაკულტურის მიზნით შეკავებული ან დაგროვებული წყლის მოცულობა 10000 მ3-ზე მეტია, ნებართვის მაძიებელმა, გარემოსდაცვითი შეფასების კოდექსის შესაბამისად, სააგენტოს ჯერ უნდა მიმართოს სკრინინგის განცხადებით და მიიღოს სააგენტოს გადაწყვეტილება იმის თაობაზე, ექვემდებარება თუ არა დაგეგმილი საქმიანობა გარემოზე ზემოქმედების შეფასებას.“.
|
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები