აფხაზეთის ავტონომიური რესპუბლიკის უმაღლესი საბჭოს რეგლამენტში ცვლილების შეტანის შესახებ

1. 57-ე მუხლის მე-2 პუნქტი ჩამოყალიბდეს შემდეგი რედაქციით:

„2. უმაღლესი საბჭოს სათათბირო საბჭოებია:

ა) უმაღლესი საბჭოს გენდერული თანასწორობის საბჭო;

ბ) უმაღლესი საბჭოს ხაზინადართა საბჭო;

გ) უმაღლესი საბჭოს საკონსულტაციო საბჭო.“.

2. რეგლამენტს დაემატოს შემდეგი შინაარსის 57³ მუხლი:

„მუხლი 57³. უმაღლესი საბჭოს საკონსულტაციო საბჭო

1. უმაღლესი საბჭოს უფლებამოსილებას მიკუთვნებულ საკითხებზე რეკომენდაციებისა და წინადადებების შემუშავების მიზნით უმაღლესი საბჭოს თავმჯდომარის ბრძანებით იქმნება უმაღლესი საბჭოს საკონსულტაციო საბჭო.

 2. საკონსულტაციო საბჭოს შემადგენლობას ამტკიცებს უმაღლესი საბჭოს თავმჯდომარე.

3. საკონსულტაციო საბჭოს უფლებამოსილება და საქმიანობის წესი განისაზღვრება საკონსულტაციო საბჭოს დებულებით, რომელსაც ამტკიცებს უმაღლესი საბჭოს თავმჯდომარე.

4. უმაღლესი საბჭოს საკონსულტაციო საბჭოს თავმჯდომარეობს უმაღლესი საბჭოს თავმჯდომარე  ან მისი დავალებით – უმაღლესი საბჭოს ერთ-ერთი წევრი.“.