დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის – საზღვაო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 15 აპრილის №1-1/592 ბრძანებაში ცვლილების შეტანის თაობაზე | |
---|---|
დოკუმენტის ნომერი | 1-1/189 |
დოკუმენტის მიმღები | საქართველოს ეკონომიკისა და მდგრადი განვითარების მინისტრი |
მიღების თარიღი | 26/04/2022 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 27/04/2022 |
სარეგისტრაციო კოდი | 040030000.22.024.016738 |
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:
|
მუხლი 1 |
„საჯარო სამართლის იურიდიული პირის – საზღვაო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 15 აპრილის №1-1/592 ბრძანებით (სსმ, ვებპორტალი, 040030000.22.024.016067, 20.04.2011) დამტკიცებულ „საჯარო სამართლის იურიდიული პირის – საზღვაო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობებში“ შეტანილ იქნეს შემდეგი ცვლილება:
1. მე-3 მუხლის პირველი პუნქტის: ა) „ჰ54“ ქვეპუნქტი ამოღებულ იქნეს. ბ) „ჰ56“ ქვეპუნქტი ჩამოყალიბდეს შემდეგი რედაქციით: „ჰ56) საქართველოს სახელმწიფო დროშით მცურავი საშუალებების კონვენციური და არაკონვენციური სერტიფიკატებთან/მოწმობებთან შესაბამისი ყოველწლიური ან/და საქართველოს სახელმწიფო დროშით დასარეგისტრირებელი გემის წინა სარეგისტრაციო შეფასება:
“; გ) „ჰ59“ ქვეპუნქტი ჩამოყალიბდეს შემდეგი რედაქციით: „ჰ59. საქართველოს ნავსადგურში გემის შესვლა-გასვლის გაფორმება: 100-1000 GT – 280 ლარი; 1001-5000 GT – 510 ლარი; 5001-15000 GT – 820 ლარი; 15001< GT – 1050 ლარი. შენიშვნა: თუ გემი ერთი შემოსვლის ფარგლებში შედის საქართველოს რამდენიმე ნავსადგურში, პირველ ნავსადგურში შესვლის დროს იხდის ამ ქვეპუნქტით გათვალისწინებული მოსაკრებლის 100%, ხოლო მეორე და შემდგომ ნავსადგურში შესვლის შემთხვევაში ამ მუხლით გათვალისწინებული საფასური მცირდება 50%-ით.“; დ) „ჰ86“ და „ჰ87“ ქვეპუნქტები ამოღებულ იქნეს. ე) „ჰ90“ ქვეპუნქტი ამოღებულ იქნეს. ვ) „ჰ91“ ქვეპუნქტი ჩამოყალიბდეს შემდეგი რედაქციით: „ჰ91) სხვა ქვეყნის დროშის სახელმწიფო რეესტრში რეგისტრირებული გემის მიმართ შესაბამისი საერთაშორისო საზღვაო კონვენციიდან გამომდინარე დაზღვევის დამადასტურებელი სერტიფიკატის გაცემა – 300 ლარი;“. 2. წესის მე-3 მუხლის: ა) პირველ პუნქტს დაემატოს შემდეგი შინაარსის „ჰ94“, „ჰ95“ და „ჰ96“ ქვეპუნქტები: „ჰ94) საქართველოს სახელმწიფო დროშით მცურავ გემზე, შესაბამისი საერთაშორისო საზღვაო კონვენციიდან გამომდინარე დაზღვევის დამადასტურებელი სერტიფიკატის გაცემა – 300 ლარი; ჰ95) მშრალი დოკის, სლიპის და ელინგის აღიარება: განაცხადის შეტანის 21-დან 40 დღის განმავლობაში – 5000 ლარი; განაცხადის შეტანის 15-დან 20 დღის განმავლობაში – 7000 ლარი; ჰ96) მშრალი დოკის, სლიპის და ელინგის კომპლექსური შემოწმების/მონიტორინგის საფასური – 2000 ლარი.“; ბ) დაემატოს შემდეგი შინაარსის „43“ და „44“ პუნქტები: „43) ამ წესებით გათვალისწინებული გემის სახელმწიფო რეგისტრაციასთან დაკავშირებული საფასურის გადახდის ვალდებულება არ ვრცელდება იმ კომპანიის საკუთრებაში/მფლობელობაში/მართვაში არსებულ მცურავ საშუალებებზე, რომლებიც სარგებლობენ „საქართველოს საგადასახადო კოდექსი“ საქართველოს კანონით განსაზღვრული „საერთაშორისო კომპანიის“ სტატუსით; 44) ამ წესებით გათვალისწინებული გემის მომდევნო წლის რეგისტრაციის განახლების საფასურის გადახდის ვალდებულება არ ვრცელდება საერთაშორისო ნაოსნობაში ჩართულ იმ გემებზე, რომლებიც საქართველოს დროშის ქვეშ რეგისტრაციის პერიოდში, ბოლო 24 თვის განმავლობაში, არ არის დაკავებული არცერთი ურთიერთგაგების მეომორანდუმის ნავსადგურის სახელმწიფო კონტროლის მიერ.“. |
მუხლი 2 |
ეს
ბრძანება ამოქმედდეს გამოქვეყნებისთანავე. |
|
დოკუმენტის კომენტარები