„დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის შემუშავებისა და განხორციელების მიზნით სამთავრობო კომისიის შექმნისა და დებულების დამტკიცების თაობაზე“ საქართველოს მთავრობის 2021 წლის 23 ივნისის №302 დადგენილებაში ცვლილების შეტანის შესახებ

1. პირველი მუხლის პირველი პუნქტი ჩამოყალიბდეს შემდეგი რედაქციით:

„1. დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის შემუშავებისა და განხორციელების მიზნით, შეიქმნას  სამთავრობო კომისია (შემდგომში − კომისია) შემდეგი შემადგენლობით:

ა) საქართველოს საგარეო საქმეთა მინისტრის პირველი მოადგილე ან მოადგილე − კომისიის თავმჯდომარე;

ბ) საქართველოს იუსტიციის მინისტრის პირველი მოადგილე ან მოადგილე − კომისიის წევრი;

გ) საქართველოს თავდაცვის მინისტრის პირველი მოადგილე ან მოადგილე − კომისიის წევრი;

დ) საქართველოს შინაგან საქმეთა მინისტრის პირველი მოადგილე ან მოადგილე − კომისიის წევრი;

ე) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე ან მოადგილე − კომისიის წევრი;

ვ) შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველი მოადგილე ან მოადგილე −  კომისიის წევრი;

ზ) საქართველოს ეროვნული უსაფრთხოების საბჭოს აპარატის უფროსი − კომისიის წევრი;

თ) საქართველოს სახელმწიფო უსაფრთხოების სამსახურის უფროსის პირველი მოადგილე ან მოადგილე − კომისიის წევრი;

ი) საქართველოს დაზვერვის სამსახურის უფროსის პირველი მოადგილე ან მოადგილე − კომისიის წევრი;

 კ) საქართველოს საგარეო საქმეთა სამინისტროს პოლიტიკური დეპარტამენტის დირექტორი − კომისიის წევრი;

ლ) საქართველოს საგარეო საქმეთა სამინისტროს პოლიტიკური დეპარტამენტის დირექტორის მოადგილე − კომისიის წევრი;

მ) საქართველოს საგარეო საქმეთა სამინისტროს პოლიტიკური დეპარტამენტის კონფლიქტის დარეგულირების პოლიტიკის სამმართველოს უფროსი − კომისიის მდივანი.“.

2. მე-3 მუხლი ჩამოყალიბდეს შემდეგი რედაქციით:

„მუხლი 3. დაევალოს სამთავრობო კომისიას „დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ შემუშავება და დასამტკიცებლად საქართველოს მთავრობისთვის წარმოდგენა 2022 წლის 30 ივნისამდე.“.