„საქართველოს თავდაცვის სამინისტროს თავდაცვის ატაშეების და წარმომადგენლების დეპარტამენტის დებულების დამტკიცების შესახებ“ საქართველოს თავდაცვის მინისტრის 2019 წლის 27 დეკემბრის №51 ბრძანებაში ცვლილების შეტანის თაობაზე

„დ¹) საერთაშორისო ორგანიზაციებში შესაბამისი სტრუქტურების სხდომებზე დასწრება და ანგარიშების მომზადება;

დ²) საერთაშორისო ორგანიზაციებში არსებული სამშვიდობო ოპერაციების სამსახურებთან რეგულარული და მჭიდრო მუშაობა, თანამშრომლობის სხვადასხვა გზების მოძიების მიზნით;

დ³) საერთაშორისო ორგანიზაციებთან, მათ შორის გაეროს უშიშროების საბჭოს სამხედრო კომიტეტთან, სამომავლო თანამშრომლობის გეგმებზე მუშაობა;

დ⁴) საერთაშორისო ორგანიზაციებში საქართველოს მუდმივ წარმომადგენლობასთან მჭიდრო თანამშრომლობა, თავდაცვის და უსაფრთხოების მიმართულებით;

დ⁵) საერთაშორისო ორგანიზაციებში სამხედრო-პოლიტიკური მიმართულების ფარგლებში წლის განმავლობაში ჩატარებულ კონფერენციებზე, სამუშაო შეხვედრებსა და პრეზენტაციებზე დასწრება, შესაბამისი ანგარიშების მომზადება და სამინისტროში გადაგზავნა;“.