„საგამომცემლო სახელმწიფო სამეცნიერო გრანტების შესახებ საგრანტო კონკურსის დებულების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 23 აგვისტოს №176/ნ ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად,  ვბრძანებ:

„საგამომცემლო სახელმწიფო სამეცნიერო გრანტების შესახებ საგრანტო კონკურსის დებულების დამტკიცების შესახებ“ საქართველოს განათლების, მეცნიერების, კულტურისა და სპორტის მინისტრის 2019 წლის 23 აგვისტოს №176/ნ ბრძანებით (www.matsne.gov.ge, 26/08/2019; სარეგისტრაციო კოდი: 430210000.22.022.017799) დამტკიცებულ „საგამომცემლო სახელმწიფო სამეცნიერო გრანტების შესახებ საგრანტო კონკურსის დებულებაში“  შეტანილ იქნეს შემდეგი ცვლილება:

1. პირველი მუხლის მე-2 პუნქტი ჩამოყალიბდეს შემდეგი რედაქციით:

„2. საგამომცემლო სახელმწიფო სამეცნიერო გრანტების (შემდგომ – გრანტი) მიზანია ღიად გამოცხადებული საგრანტო კონკურსის (შემდგომ – კონკურსი) გზით, ხელი შეუწყოს გამოცემისათვის გამორჩეული ხარისხის სამეცნიერო ნაშრომების (მონოგრაფიის სახით)  შერჩევას და მათ გამოქვეყნებას.“.

2. მე-2 მუხლის:

ა) „ლ“ ქვეპუნქტი ჩამოყალიბდეს შემდეგი რედაქციით:

„ლ) პროექტის ხელმძღვანელი – დოქტორის ან მასთან გათანაბრებული აკადემიური ხარისხის მქონე საქართველოს მოქალაქე პროექტის ძირითადი პერსონალიდან, რომელიც პროექტს განახორციელებს წამყვან ორგანიზაციაში და ხელმძღვანელობს პროექტით გათვალისწინებულ აქტივობებს და პასუხისმგებელია პროექტით გათვალისწინებული საქმიანობის ანგარიშგებაზე. პროექტის ხელმძღვანელი შესაძლებელია ამავე დროს იყოს ახალგაზრდა მეცნიერი. პროექტის ხელმძღვანელი უნდა იყოს გამოსაქვეყნებლად წარმოდგენილი სამეცნიერო ნაშრომის ავტორი ან თანაავტორი ან სამეცნიერო რედაქტორი;”;

ბ) „პ“ ქვეპუნქტი ჩამოყალიბდეს შემდეგი რედაქციით:

„პ) საგრანტო ხელშეკრულების შესრულების მონიტორინგი – საგრანტო ხელშეკრულებით გათვალისწინებული პროექტის საბოლოო პროგრამული და ფინანსური მონიტორინგის პროცედურა;“;

გ) „ტ“ ქვეპუნქტი ამოღებულ იქნეს.

3. მე-5 მუხლს მე-2 პუნქტის შემდეგ დაემატოს შემდეგი შინაარსის მე-3 პუნქტი:

„3. ძირითადი პერსონალის საგრანტო დაფინანსება არ უნდა აღემატებოდეს პროექტის ბიუჯეტის 15%-ს.“.

4. მე-6 მუხლის პირველი პუნქტი ჩამოყალიბდეს შემდეგი რედაქციით:

„1. პროექტის ბიუჯეტი შესაძლოა ითვალისწინებდეს შემდეგ მუხლებს/ხარჯვით კატეგორიებს:

ა) ძირითადი პერსონალის საგრანტო დაფინანსება;

ბ) საქონელი და მომსახურება, რომელიც მოიცავს:

ბ.ა) რედაქტირება, დიზაინი, დაკაბადონების ხარჯებს;

ბ.ბ) DOI, ISBN მიღებასთან დაკავშირებულ ხარჯებს;

ბ.გ) გამომცემლობასთან დაკავშირებულ ხარჯებს;

ბ.დ) ელექტრონული მონოგრაფიის მომზადების ხარჯებს PDF, ePUB, MOBI ფორმატით.“.

5. მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. პროექტის შეფასება ხორციელდება ამ დებულების მე-14 მუხლით გათვალისწინებული პროექტის შეფასების კრიტერიუმების მიხედვით.“.

6. მე-12 მუხლი ჩამოყალიბდეს შემდეგი რედაქციით:

„მუხლი 12. პროექტის შესრულების მონიტორინგი

1. ფონდი საანგარიშო პერიოდის ბოლოს, გრანტის მიმღების მიერ შესაბამისი საბოლოო ანგარიშის წარდგენის საფუძველზე, ახორციელებს დაფინანსებული პროექტების მონიტორინგს, რომელიც მოიცავს პროექტის განხორციელების ფინანსურ და პროგრამულ მონიტორინგს.

2. პროგრამული მონიტორინგი გულისხმობს საგრანტო ხელშეკრულებით დაგეგმილი შედეგების შესრულების დამადასტურებელი ანგარიშის შემოწმებას.

3. ფინანსური მონიტორინგი გულისხმობს საგრანტო ხელშეკრულების ფარგლებში, ფონდის მიერ გადარიცხული თანხების ხარჯვის შესაბამისობის დადგენას ამავე ხელშეკრულებით გათვალისწინებულ ხარჯთაღრიცხვასთან.

4. ფონდის მიერ მონიტორინგის განხორციელებისას:

ა) მიზნობრივ ხარჯად ჩაითვლება საგრანტო ხელშეკრულების ხარჯთაღრიცხვის ძირითადი ხარჯვითი კატეგორიის ფარგლებში განხორციელებული ხარჯი, თუ იგი მიეკუთვნება ამ ხარჯვით კატეგორიას;

ბ) არამიზნობრივ ხარჯად ჩაითვლება საგრანტო ხელშეკრულების ხარჯთაღრიცხვით გაუთვალისწინებელი ხარჯი. აღნიშნული ხარჯი ექვემდებარება მიზნობრივ ანგარიშზე დაბრუნებას;

გ) ნაშთად  ჩაითვლება  საანგარიშო პერიოდში  გაუხარჯავი  რესურსი.

5. ფონდი არ არის უფლებამოსილი, თავად შეაფასოს დასრულებული პროექტის სამეცნიერო ღირებულება და არ არის პასუხისმგებელი პროექტის ფარგლებში განხორციელებული კვლევების შედეგებზე.

6. ფონდი უფლებამოსილია, აწარმოოს საგრანტო ხელშეკრულების პირობების დამრღვევ პირთა რეესტრი – ე.წ. „შავი სია“, რომლის წარმოების წესი განისაზღვრება გენერალური დირექტორის ინდივიდუალური ადმინისტრაციულ-სამართლებრივი აქტით.“.

7. მე-13 მუხლის მე-4 პუნქტი ჩამოყალიბდეს შემდეგი რედაქციით:

„4.  პროექტი ჩაითვლება დასრულებულად, თუ პროექტის ფარგლებში, ავანსად გადარიცხულ ტრანშზე პროექტის დახურვის მომენტში ფონდში წარდგენილია საბოლოო ანგარიში და წარდგენილ ანგარიშზე ფონდის მიერ დაწერილია შესაბამისი განხილვის აქტი, მხარეთა შორის გაფორმებულია შედარების აქტი და პროექტი არ არის შეჩერებული ან შეწყვეტილი.“.

8. მე-14 მუხლი ჩამოყალიბდეს შემდეგი რედაქციით:

„მუხლი 14. საგრანტო პროექტის შეფასების კრიტერიუმები 

1. საგრანტო პროექტის შეფასების კრიტერიუმებია :

№ კრიტერიუმი შეფასება  (1 , 2 , 3, 4, 5) 1 სამეცნიერო ნაშრომის სიახლე და შესაბამისობა კონკურსის მიზანთან   2 სამეცნიერო ნაშრომის ღირებულება და პრაქტიკული მნიშვნელობა   3 სამეცნიერო ნაშრომის გავრცელების მექანიზმები და სამიზნე აუდიტორია   4 სამეცნიერო გუნდის კვალიფიკაცია და კომპეტენცია   5 სამეცნიერო ნაშრომის მომზადების გეგმა-გრაფიკი   6 სამეცნიერო ნაშრომის ტირაჟი და ბიუჯეტი   2. შეფასების ექვსი კრიტერიუმიდან თითოეული ფასდება 5-ქულიანი სისტემით (1-5) და ჯამური მაქსიმალური შეფასება არის 30 ქულა. 3. კრიტერიუმებში ქულებით შეფასება განიმარტება შემდეგნაირად: შეფასება ქულით შეფასება განმარტება 1 ძალიან სუსტი პროექტი არ პასუხობს ან არაადეკვატურად პასუხობს ამ კონკრეტულ კრიტერიუმს, გართულებულია პროექტის შეფასება არასაკმარისი ინფორმაციის გამო. 2 სუსტი პროექტი მცირედ პასუხობს, შეუსაბამოა ამ კონკრეტულ კრიტერიუმთან, შეინიშნება სერიოზული, არსებითი სუსტი მხარეები. 3 საშუალო პროექტი ზოგადად პასუხობს კრიტერიუმს, მაგრამ აქვს მნიშვნელოვანი უზუსტობები და სუსტი მხარეები, დასაბუთება არადამაკმაყოფილებელია 4 კარგი პროექტი კარგად, ზუსტად პასუხობს კრიტერიუმს, არის ორიგინალური და დასაბუთება დამაკმაყოფილებელია, თუმცა შესაძლებელია გარკვეულწილად დახვეწა. 5 საუკეთესო გამორჩეული, მაღალი სამეცნიერო პოტენციალის მქონე პროექტი, რომელიც საუკეთესოდ პასუხობს კრიტერიუმს. 4. დაფინანსების მოსაპოვებლად აუცილებელი, მაგრამ არასაკმარისი პირობაა პროექტმა მიიღოს 24 ან მეტი ქულა. 5. თანაბარი ქულების დაგროვების შემთხვევაში, უპირატესობა ენიჭება იმ პროექტს, რომელიც ჯამურად მაღალ ქულას დააგროვებს თანმიმდევრულად პირველ, შემდგომ მეორე, მესამე, მეოთხე, მეხუთე და მეექვსე კრიტერიუმში. აღნიშნულ ექვსივე კრიტერიუმში თანაბარი ქულების დაგროვების შემთხვევაში, უპირატესობა მიენიჭება ნაკლები ბიუჯეტის მქონე პროექტს.“.

ეს ბრძანება ამოქმედდეს გამოქვეყნებისთანავე.