საქართველოს ცენტრალური საარჩევნო კომისიის „საუბნო საარჩევნო კომისიებში წევრობის კანდიდატთა წარდგენის შესახებ” 2002 წლის 19 აპრილის №3/2002 დადგენილებაში ცვლილებების შეტანის თაობაზე

სარეგისტრაციო კოდი 010.340.000.13.007.005.451

საქართველოს ცენტრალური საარჩევნო

კომისიის დადგენილება №26/2002

2002 წლის 7 აგვისტო

ქ. თბილისი

საქართველოს ცენტრალური საარჩევნო კომისიის „საუბნო საარჩევნო კომისიებში წევრობის კანდიდატთა წარდგენის შესახებ“ 2002 წლის 19 აპრილის №3/2002 დადგენილებაში ცვლილებების შეტანის თაობაზე

საქართველოს ორგანული კანონის „საქართველოს საარჩევნო კოდექსი“ 29-ე მუხლის მე-2 პუნქტის „თ“ ქვეპუნქტისა და ზოგადი ადმინისტრაციული კოდექსის 63-ე მუხლის შესაბამისად,

საქართველოს ცენტრალური საარჩევნო კომისია ადგენს:

I. საქართველოს ცენტრალური საარჩევნო კომისიის „საუბნო საარჩევნო კომისიებში წევრობის კანდიდატთა წარდგენის შესახებ“ 2002 წლის 19 აპრილის №3./2002 დადგენილების პირველ პუნქტში სიტყვები „არა უადრეს 30 აპრილისა“ და ”არა უგვიანეს 3 მაისისა“ შეიცვალოს შესაბამისად სიტყვებით „კენჭისყრამდე არა უადრეს 32 დღისა“ და „კენჭისყრამდე არა უგვიანეს 30 დღისა“, ხოლო მე-6 პუნქტში სიტყვები „არა უგვიანეს 14 მაისისა“ შეიცვალოს სიტყვებით „კენჭისყრამდე არა უგვიანეს 26 დღისა“.

II. ეს დადგენილება შეიძლება გასაჩივრდეს საქართველოს საოლქო სასამართლოში (მისამართი: ქ. თბილისი, გრ. რობაქიძის გამზ. №7ა) მისი მიღებიდან 3 კალენდარული დღის ვადაში.

III. ეს დადგენილება ამოქმედდეს გამოქვეყნებისთანავე.

კომისიის თავმჯდომარე  ჯ. ლომინაძე