,,ხელვაჩაურის მუნიციპალიტეტის მერიის პირველადი სტრუქტურული ერთეულის - ზედამხედველობის სამსახურის დებულების დამტკიცების შესახებ” ხელვაჩაურის მუნიციპალიტეტის საკრებულოს 2018 წლის 28 მარტის №22 დადგენილებაში ცვლილებებისა და დამატებების შეტანის შესახებ

ა) დადგენილებით დამტკიცებული დებულების მე-3 მუხლის „ლ“ პუნქტში შევიდეს ცვლილება და ჩამოყალიბდეს შემდეგი რედაქციით:

„ლ) მუნიციპალიტეტის ტერიტორიაზე ექსპლუატაციაში მიღების მიზნით წარმოდგენილი დასრულებული ობიექტის  ან/და მისი სამშენებლო დოკუმენტაციის შემოწმებასა და შესაბამისობის დადგენას საპროექტო-სანებართვო დოკუმენტაციასთან, მასზე შესაბამისი აქტის მომზადებას, აღნიშნული აქტის საფუძველზე  ადმინისტრაციულ-სამართლებრივი აქტის მომზადებას ობიექტის ექსპლუატაციაში მიღების ან ექსპლუატაციაში მიღებაზე უარის თქმის შესახებ;“

ბ) დადგენილებით დამტკიცებული დებულების მე-5 მუხლის ,,ი“ პუნქტს დაემატოს შემდეგი შინაარსის „ი¹“ პუნქტი:

,,ი¹) მუნიციპალიტეტის ტერიტორიაზე დასრულებული ობიექტების ექსპლუატაციაში მიღების ან ექსპლუატაციაში მიღებაზე უარის თქმის შესახებ, შესაბამის ინდივიდუალურ ადმინისტრაციულ-სამართლებრივი აქტის პროექტის მომზადებას; ‘’

გ) დადგენილებით დამტკიცებული დებულების მე-6 მუხლის ,,ზ“ პუნქტს დაემატოს შემდეგი შინაარსის „ზ¹“ პუნქტი:

,,ზ¹) გამოსცემს ინდივიდუალურ ადმინისტრაციულ-სამართლებრივ აქტს მუნიციპალიტეტის ტერიტორიაზე დასრულებული ობიექტების ექსპლუატაციაში მიღების ან ექსპლუატაციაში მიღებაზე  უარის თქმის შესახებ.“