„ბოლნისის მუნიციპალიტეტში უმაღლესი განათლების, ერუდიციისა და ჯანსაღი ცხოვრების წესის წახალისებისათვის ფულადი ჯილდოს დაწესების წესის დამტკიცების შესახებ“ ბოლნისის მუნიციპალიტეტის საკრებულოს 2017 წლის 20 თებერვლის №9 დადგენილებაში ცვლილებებისა და დამატებების შეტანის თაობაზე

1. მე-2 მუხლის  „ა“ პუნქტი  ჩამოყალიბდეს შემდეგი რედაქციით:

„ა)წარჩინებული სტუდენტი – სტუდენტი, რომელიც სწავლობს სახელმწიფო აკრედიტებულ უმაღლეს სასწავლებელში და სწავლისას გამოირჩევა მაღალი აკადემიური მოსწრებით, რაც დასტურდება საგანმანათლებლო პროგრამის ფარგლებში საბაკალავრო პროგრამაზე მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა;  (B) ძალიან კარგი – მაქსიმალური შეფასების  81-90 ქულა), ხოლო სამაგისტრო და სადოქტორო პროგრამაზე მიღებული შეფასებების საშუალო არითმეტიკულით ((A) ფრიადი – შეფასების 91-100 ქულა;“

2. მე-3  მუხლის პირველი ჩამოყალიბდეს შემდეგი რედაქციით:

„1. წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით საბაკალავრო პროგრამაზე ((A) ფრიადი – შეფასების 91-100 ქულა)  დაფინანსდებიან ყოველთვიურად 100 (ასი) ლარის  ოდენობით (მიმდინარე სასწავლო  წლის 1ოქტომბრიდან  1 მარტამდე და 1 მარტიდან 1 აგვისტომდე) წარჩინებული სტუდენტები, რომელთა მაღალი აკადემიური მოსწრება დასტურდება საგანმანათლებლო პროგრამის ფარგლებში მიღებული შეფასებების საშუალო არითმეტიკულით ((B) ფრიადი – მაქსიმალური შეფასების 81-90 ქულა)  დაფინანსდებიან ყოველთვიურად 50 (ორმოცდაათი) ლარის ოდენობით  (მიმდინარე სასწავლო  წლის 1ოქტომბრიდან  1 მარტამდე და 1 მარტიდან 1 აგვისტომდე), სამაგისტრო პროგრამაზე მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა-150 (ას ორმოცდაათი) ლარის  ოდენობით (მიმდინარე სასწავლო  წლის 1ოქტომბრიდან  1 მარტამდე და 1 მარტიდან 1 აგვისტომდე), სადოქტორო პროგრამაზე მიღებული შეფასებების საშუალო არითმეტიკულით ((A)ფრიადი – შეფასების 91-100 ქულა-300 (სამასი) ლარის  ოდენობით (მიმდინარე სასწავლო  წლის 1ოქტომბრიდან  1 მარტამდე და 1 მარტიდან 1 აგვისტომდე).“

3.მე-3  მუხლს დაემატოს  1², 1³,  1⁴  და 1⁵  პუნქტები და ჩამოყალიბდეს შემდეგი რედაქციით:

„1². სტუდენტებს, რომლებიც შემოდგომის სემესტრში ისარგებლებენ სოციალური დახმარებით არ მოეთხოვებათ ქვეპროგრამის მოქმედების ფარგლებში საგაზაფხულო სემესტრის დახმარების მისაღებად განცხადების ხელმეორედ წარდგენა, გარდა სტუდენტის სტატუსის შესახებ და  უმაღლესი სასწავლებლიდან წინა სემესტრული შეფასების შესახებ ცნობებისა.

1³.დაფინანსების გაცემა განხორციელდება განცხადების შემოტანის თარიღის გათვალისწინებით.

1⁴. დაფინანსება არ მოიცავს აგვისტოს თვიდან შემოდგომის სემესტრში სწავლის დაწყებამდე პერიოდს.

1⁵. ქვეპროგრამის განმახორციელებელს შეუძლია დაფინანსების მსურველთა სია (მონაცემები) ყოველთვიურად გადაამოწმოს  საქართველოს იუსტიციის სამინისტროს დაქვემდებარებული სსიპ „სახელმწიფო სერვისების განვითარების სააგენტოს“ მიერ მოწოდებულ ელექტრონულ რეესტრში და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დაქვემდებარებულ სსიპ „სოციალური მომსახურების სააგენტოს“ მიერ მოწოდებულ „სოციალურად დაუცველი ოჯახების მონაცემთა ერთიან ბაზაში“.“

4.მე-4  მუხლს დაემატოს  „დ“  პუნქტი და ჩამოყალიბდეს შემდეგი რედაქციით:

„დ) პირადობის დამადასტურებელი მოწმობის ასლი.“