„ქარსაფარი ზოლის სტატუსის მინიჭების, შეწყვეტისა და აღდგენის წესის დამტკიცების თაობაზე“ საქართველოს გარემოს დაცვისა და სოფლის მეურნეობის მინისტრის 2022 წლის 24 თებერვლის №2-138 ბრძანებაში ცვლილების შეტანის შესახებ

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ :

„ქარსაფარი ზოლის სტატუსის მინიჭების, შეწყვეტისა და აღდგენის წესის დამტკიცების თაობაზე“ საქართველოს გარემოს დაცვისა და სოფლის მეურნეობის მინისტრის 2022 წლის 24 თებერვლის №2-138 ბრძანებაში (ვებგვერდი, 25/02/2022; სარეგისტრაციო კოდი: 360160000.22.023.016712) შეტანილ იქნეს ცვლილება და ბრძანებით დამტკიცებული „ქარსაფარი (მინდორდაცვითი) ზოლის სტატუსის მინიჭების, შეწყვეტის და აღდგენის წესი“ ჩამოყალიბდეს თანდართული რედაქციით.

2. ქარსაფარი ზოლის სტატუსის მინიჭების, შეწყვეტის და აღდგენის შესახებ გადაწყვეტილებას იღებს სააგენტო, შესაბამისი ინდივიდუალური ადმინისტრაციულ-სამართლებრივი აქტით.

ა) ქარსაფარი ზოლი – სასოფლო-სამეურნეო დანიშნულების მიწის ნაკვეთზე ან მის ნაწილზე ხელოვნურად გაშენებული მერქნიანი მცენარეების (ხეების) მწკრივი, რომლის მიზანია ნიადაგის ქარისმიერი ეროზიისგან დაცვა და მისი ნაყოფიერების შენარჩუნება, სასოფლო-სამეურნეო კულტურებისთვის შესაბამისი ნიადაგური და მიკროკლიმატური გარემოს უზრუნველყოფა და ამ კულტურების გაბატონებული ქარებისგან დაცვა;

ბ) ქარსაფარი ზოლის ტერიტორია – სასოფლო-სამეურნეო დანიშნულების მიწის ნაკვეთი ან/და მისი ნაწილი, რომელზეც სრულად ან ნაწილობრივ შენარჩუნებულია ქარსაფარი ზოლი ან ფიქსირდება ქარსაფარი ზოლისთვის დამახასიათებელი ნიშნები ან/და სახელმწიფო უწყებებში დაცული დოკუმენტების მიხედვით დგინდება, რომ აღნიშნული მიწის ნაკვეთი ან/და მისი ნაწილი წარმოადგენდა ქარსაფარ ზოლს;

გ) დაინტერესებული პირი – ადმინისტრაციული ორგანო, ნებისმიერი ფიზიკური ან იურიდიული პირი, რომლის კანონიერ ინტერესზე პირდაპირ და უშუალო გავლენას ახდენს ქარსაფარი ზოლის სტატუსის მინიჭების, შეწყვეტის  ან აღდგენის შესახებ სააგენტოს გადაწყვეტილება ან ქმედება;

დ) სათათბირო საბჭო – სსიპ – მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარის შესაბამისი ბრძანებით შექმნილი სათათბირო საბჭო.

2. გარდა ამ მუხლის პირველი პუნქტით განსაზღვრული ტერმინებისა, ამ წესის მიზნებისათვის გამოიყენება ასევე „ქარსაფარი (მინდორდაცვითი) ზოლის შესახებ“ საქართველოს კანონით  განსაზღვრული ტერმინები.

2. ქარსაფარი ზოლის ტერიტორიის საზღვრები რეგისტრირდება უძრავ ნივთებზე უფლებათა რეესტრში, სააგენტოს მიმართვის საფუძველზე.

3. ქარსაფარი ზოლის სტატუსი მინიჭებულად ითვლება უძრავ ნივთებზე უფლებათა რეესტრში ქარსაფარი ზოლის ტერიტორიის საზღვრების რეგისტრაციის მომენტიდან.

2. ქარსაფარი  ზოლის სტატუსის მინიჭების მიზნით სპეციალურ მოკვლევას სააგენტო აწარმოებს:

ა) საკუთარი ინიციატივით;

ბ) სამინისტროს შუამდგომლობის საფუძველზე;

გ) მუნიციპალიტეტის შუამდგომლობის საფუძველზე;

დ) მიწის ნაკვეთის მესაკუთრე ფიზიკური ან კერძო სამართლის იურიდიული პირის მიერ, მის საკუთრებაში არსებული მიწის ნაკვეთის თაობაზე სააგენტოში წარდგენილი განცხადების საფუძველზე.

3. სპეციალურ მოკვლევას სააგენტო საკუთარი ინიციატივით აწარმოებს, თუ მიწათსარგებლობის მონიტორინგის განხორციელებისას ან/და სხვა გარემოებ(ებ)ის გამოვლენისას დადგინდა ნიადაგის ნაყოფიერი ფენის ქარისმიერი ეროზია ან მისი საფრთხე ან/და სასოფლო-სამეურნეო კულტურების ქარისმიერი დაზიანება/განადგურება.

4. სპეციალური მოკვლევა მოიცავს მიწის ნაკვეთის ან მისი ნაწილის ნიადაგურ-კლიმატური პირობების, მასზე მიმდინარე სასოფლო-სამეურნეო საქმიანობის თაობაზე მონაცემების ან/და სხვა ინფორმაციის შეგროვებას.

5. სპეციალური მოკვლევის საფუძველზე ქარსაფარი ზოლის სტატუსის მისანიჭებლად მიწის ნაკვეთ(ებ)ის მესაკუთრე(ები) სააგენტოს მიმართავ(ენ)ს განცხადებით.

6. სპეციალური მოკვლევის თაობაზე მიმართვისას, დაინტერესებული პირი ვალდებულია სააგენტოს წარუდგინოს:

ა) ამონაწერი საჯარო რეესტრიდან მიწის ნაკვეთის თაობაზე;

ბ) ქარსაფარი ზოლის ტერიტორიის საზღვრების საკადასტრო აგეგმვითი/აზომვითი ნახაზი;

გ) ქარსაფარი ზოლის გაშენების ან/და რეაბილიტაციის გეგმა, შესაბამისი ვადების მითითებით;

დ) ნიადაგის კვლევის შესახებ  შესაბამისი (ნიადაგის ხსნარის რეაქცია – pH, ორგანული ნივთიერებები (ჰუმუსი), გრანულომეტრული (მექანიკური) შემადგენლობა, ხსნადი მარილების საერთო შემცველობა – ელექტროგამტარობის სახით (EC)) ლაბორატორიული დასკვნა;

ე) სსიპ – გარემოს ეროვნული სააგენტოს მიერ გაცემული ცნობა ქარსაფარი ზოლისათვის განკუთვნილ ტერიტორიაზე არსებული კლიმატური პირობების (ქარის სიჩქარის და მიმართულების, ტენიანობისა და საშუალო ტემპერატურის)  შესახებ;

ვ) ქარსაფარი ზოლისთვის განკუთვნილი მიწის ნაკვეთის ან მისი ნაწილის მომიჯნავე სასოფლო-სამეურნეო დანიშნულების მიწის ნაკვეთზე მიმდინარე სასოფლო-სამეურნეო საქმიანობის შესახებ.

7. დაინტერესებული პირი უფლებამოსილია, სააგენტოში წარადგინოს ქარსაფარი ზოლის სტატუსის მინიჭების მიზანშეწონილობის შეფასების მიზნით დამატებით სხვა დოკუმენტაცია.

8. სპეციალური მოკვლევის შედეგების გათვალისწინებით, სააგენტოს შესაბამისი სტრუქტურული ერთეული შეიმუშავებს დასკვნას, რომელსაც წარუდგენს სათათბირო საბჭოს, რომლის რეკომენდაცია შესაბამის დასკვნასთან ერთად წარედგინება სააგენტოს თავჯდომარეს მიწის ნაკვეთისათვის ქარსაფარი ზოლის სტატუსის მინიჭების შესახებ გადაწყვეტილების მიღების მიზნით.

9. თუ სპეცალური მოკვლევის შედეგად დადგინდა, რომ უძრავ ნივთებზე უფლებათა რეესტრში მიწის ნაკვეთზე (ქარსაფარი ზოლის ტერიტორია) არ არის რეგისტრირებული საკუთრების უფლება, სააგენტო მიმართავს სსიპ – სახელმწიფო ქონების ეროვნულ სააგენტოს სსიპ – საჯარო რეესტრის ეროვნული სააგენტოსთვის მიმართვისა და  მიწის ნაკვეთზე სახელმწიფოს საკუთრების უფლების რეგისტრაციის მიზნით და წარუდგენს შესაბამის დოკუმენტაციას. ქარსაფარი ზოლის სტატუსის მინიჭების თაობაზე გადაწყვეტილება მიიღება მიწის ნაკვეთზე სახელმწიფოს საკუთრების უფლების რეგისტრაციის შემდეგ.

10. თუ სახელმწიფო ან მუნიციპალიტეტის საკუთრების უფლებით რეგისტრირებულ, ქარსაფარი ზოლის სტატუსის მქონე მიწის ნაკვეთის საკადასტრო მონაცემებით დადგინდება სსიპ – საჯარო რეესტრის ეროვნულ სააგენტოში სარეგისტრაციოდ წარდგენილი მიწის ნაკვეთის საკადასტრო მონაცემების ზედდება, დასაშვებია ქარსაფარი ზოლის საზღვრების კორექტირება იმ შემთხვევაში, თუ დაინტერესებული პირის მიერ სსიპ – საჯარო რეესტრის ეროვნულ სააგენტოში წარდგენილია საკუთრების უფლების ან/და მართლზომიერი მფლობელობის (სარგებლობის) დამადასტურებელი დოკუმენტი და უტყუარად დგინდება საკუთრების უფლების ან/და მართლზომიერი მფლობელობის (სარგებლობის) დამადასტურებელ დოკუმენტში მითითებული მიწის ნაკვეთისა და მიწის ნაკვეთის საკადასტრო აგეგმვით/აზომვით ნახაზზე ასახული მიწის ნაკვეთის იდენტურობა.

11. საკადასტრო მონაცემების ზედდების საფუძველზე, სახელმწიფოს ან მუნიციპალიტეტის საკუთრების უფლებით რეგისტრირებული მიწის ნაკვეთის, რომელსაც გააჩნია ქარსაფარი ზოლის სტატუსი, საზღვრების კორექტირებისას, ამავე მიწის ნაკვეთზე უფლების რეგისტრაციით დაინტერესებული პირის მიერ  მიწის ნაკვეთზე ან მის ნაწილზე ქარსაფარი ზოლის სტატუსის გავრცელებაზე თანხმობის შემთხვევაში, სარეგისტრაციოდ წარდგენილ მიწის ნაკვეთზე ან მის ნაწილზე დარეგისტრირდება დაინტერესებული პირის საკუთრების უფლება ქარსაფარი ზოლის სტატუსის მითითებით და ამის თაობაზე ეცნობება  სააგენტოს.

12. სპეციალური მოკვლევის საფუძველზე სასოფლო-სამეურნეო დანიშნულების მიწის ნაკვეთისთვის ან მისი ნაწილისთვის ქარსაფარი ზოლის სტატუსის მინიჭების თაობაზე გადაწყვეტილება მიიღება შესაბამისი მიწის ნაკვეთის მესაკუთრის თანხმობით.   

13. ქარსაფარი ზოლის საზღვრების ცვლილება ხორციელდება საზღვრის კორექტირებით, ქარსაფარი ზოლის მესაკუთრის თანხმობით.

2. ქარსაფარი ზოლის ინვენტარიზაციის ეტაპებია:

ა) ქარსაფარი ზოლის ტერიტორიების გამოვლენა;

ბ) ქარსაფარი ზოლის ტერიტორიის საზღვრების საკადასტრო აგეგმვითი/აზომვითი სამუშაოების შესრულება და უძრავ ნივთებზე უფლებათა რეესტრში რეგისტრაციის მიზნით შესაბამისი დოკუმენტაციის მომზადება;

გ)  ქარსაფარი ზოლის ტერიტორიის ფაქტობრივი მდგომარეობის აღწერა და ამ ტერიტორიაზე მერქნიან მცენარეთა (ასეთის არსებობის შემთხვევაში) სახეობრივი შემადგენლობის, რაოდენობისა და ხნოვანებითი სტრუქტურის განსაზღვრა.

3. ქარსაფარი ზოლების ინვენტარიზაციის შედეგებში აისახება ქარსაფარი ზოლების ფაქტობრივი მდგომარეობისა და საზღვრების, ქარსაფარ ზოლებზე გაშენებული მერქნიანი მცენარეების (ხეების) სახეობრივი შემადგენლობის, რაოდენობრივი და ხარისხობრივი მახასიათებლებისა და ხნოვანებითი სტრუქტურის შესახებ მონაცემები, აგრეთვე შესაბამისი მიწის ნაკვეთის ან მისი ნაწილის მესაკუთრის თაობაზე ინფორმაცია.

4. ინვენტარიზაციის შედეგების გათვალისწინებით, სააგენტოს შესაბამისი სტრუქტურული ერთეული შეიმუშავებს დასკვნას, რომელსაც წარუდგენს სათათბირო საბჭოს, რომლის რეკომენდაცია შესაბამის დასკვნასთან ერთად წარედგინება სააგენტოს თავმჯდომარეს მიწის ნაკვეთისათვის ან/და მისი ნაწილისათვის ქარსაფარი ზოლის სტატუსის მინიჭების მიზნით.

5. თუ ინვენტარიზაციის შედეგად დადგინდა, რომ უძრავ ნივთებზე უფლებათა რეესტრში მიწის ნაკვეთზე (ქარსაფარი ზოლის ტერიტორია) არ არის რეგისტრირებული საკუთრების უფლება, სააგენტო მიმართავს სსიპ –  სახელმწიფო ქონების ეროვნულ სააგენტოს  სსიპ – საჯარო რეესტრის ეროვნული სააგენტოსთვის მიმართვისა და  მიწის ნაკვეთზე სახელმწიფოს საკუთრების უფლების რეგისტრაციის მიზნით და წარუდგენს შესაბამის დოკუმენტაციას. ქარსაფარი ზოლის სტატუსის მინიჭების თაობაზე გადაწყვეტილება მიიღება მიწის ნაკვეთზე სახელმწიფოს საკუთრების უფლების რეგისტრაციის შემდეგ.

6. თუ სახელმწიფო ან მუნიციპალიტეტის საკუთრების უფლებით რეგისტრირებულ, ქარსაფარი ზოლის სტატუსის მქონე მიწის ნაკვეთის საკადასტრო მონაცემებით დადგინდება სსიპ –  საჯარო რეესტრის ეროვნულ სააგენტოში სარეგისტრაციოდ წარდგენილი მიწის ნაკვეთის საკადასტრო მონაცემების ზედდება, დასაშვებია ქარსაფარი ზოლის საზღვრების კორექტირება იმ შემთხვევაში, თუ დაინტერესებული პირის მიერ სსიპ –  საჯარო რეესტრის ეროვნულ სააგენტოში წარდგენილია საკუთრების უფლების ან/და მართლზომიერი მფლობელობის (სარგებლობის) დამადასტურებელი დოკუმენტი და უტყუარად დგინდება საკუთრების უფლების ან/და მართლზომიერი მფლობელობის (სარგებლობის) დამადასტურებელ დოკუმენტში მითითებული მიწის ნაკვეთისა და მიწის ნაკვეთის საკადასტრო აგეგმვით/აზომვით ნახაზზე ასახული მიწის ნაკვეთის იდენტურობა.

7. საკადასტრო მონაცემების ზედდების საფუძველზე, სახელმწიფოს ან მუნიციპალიტეტის საკუთრების უფლებით რეგისტრირებული მიწის ნაკვეთის, რომელსაც გააჩნია ქარსაფარი ზოლის სტატუსი, საზღვრების კორექტირებისას, ამავე მიწის ნაკვეთზე უფლების რეგისტრაციით დაინტერესებული პირის მიერ  მიწის ნაკვეთზე ან მის ნაწილზე ქარსაფარი ზოლის სტატუსის გავრცელებაზე თანხმობის შემთხვევაში, სარეგისტრაციოდ წარდგენილ მიწის ნაკვეთზე ან მის ნაწილზე დარეგისტრირდება დაინტერესებული პირის საკუთრების უფლება ქარსაფარი ზოლის სტატუსის მითითებით და ამის თაობაზე ეცნობება  სააგენტოს.

8. ქარსაფარი ზოლების ინვენტარიზაციის შედეგების საფუძველზე  სასოფლო-სამეურნეო დანიშნულების მიწის ნაკვეთისთვის ან მისი ნაწილისთვის ქარსაფარი ზოლის სტატუსის მინიჭების თაობაზე გადაწყვეტილება მიიღება შესაბამისი მიწის ნაკვეთის მესაკუთრის თანხმობით.

9. ქარსაფარი ზოლის საზღვრების ცვლილება ხორციელდება საზღვრის კორექტირებით, ქარსაფარი ზოლის მესაკუთრის თანხმობით.

ა) დაინტერესებული პირის დასაბუთებული შუამდგომლობის საფუძველზე;

ბ) თუ არსებობს ქარსაფარი ზოლისთვის ან მისი ნაწილისთვის ქარსაფარი ზოლის სტატუსის შეწყვეტის უპირატესი ინტერესი, კერძოდ:

ბ.ა) სახელმწიფო თავდაცვისა და უსაფრთხოების ინტერესი;

ბ.ბ) სახელმწიფო და ადგილობრივი მნიშვნელობის პროექტების (მათ შორის, წყალმომარაგებისა და წყალარინების ინფრასტრუქტურის, მილსადენების, ელექტროგადამცემი კომუნიკაციებისა და არხების მშენებლობისთვის ან ამისთვის საჭირო საპროექტო ან/და საინჟინრო-გეოლოგიური სამუშაოების შესრულებისთვის), აგრეთვე, თუ გადაუდებელი აუცილებლობის შემთხვევაში შესაბამის ობიექტებზე საავარიო-აღდგენითი სამუშაოების განხორციელების აუცილებლობა და შესაბამისი პროექტის/სამუშაოს განხორციელება ქარსაფარი ზოლის სტატუსის შეწყვეტის გარეშე შეუძლებელია;

ბ.გ) სასოფლო-სამეურნეო დანიშნულების მიწის ნაკვეთზე (ნაკვეთებზე) განხორციელებული ისეთი საქმიანობა, რომლის შედეგადაც შეუძლებელია ქარსაფარი ზოლის ან მისი ნაწილის დანიშნულებისამებრ გამოყენება მიმდებარე მიწის ნაკვეთისთვის (ნაკვეთებისთვის) და არსებობს სახელმწიფო ან საზოგადოებრივი მნიშვნელობის, სტრატეგიული ინტერესი, რომლის განხორციელება ქარსაფარი ზოლის სტატუსის შეწყვეტის გარეშე შეუძლებელია.

2. დაინტერესებული პირის მიერ სააგენტოსთვის ქარსაფარი ზოლის სტატუსის შეწყვეტის თაობაზე შუამდგომლობა უნდა მოიცავდეს ქარსაფარი ზოლისთვის ან მისი ნაწილისთვის ქარსაფარი ზოლის სტატუსის შეწყვეტის უპირატესი ინტერესის არსებობის დასაბუთებას.

3. საზოგადოებრივი მნიშვნელობის სტრატეგიული ინტერესი შეიძლება მოიცავდეს ქარსაფარი ზოლის სტატუსის მქონე მიწის ნაკვეთის მესაკუთრის მიერ ისეთი ეკონომიკურ საქმიანობის განხორციელებას, რომელიც ხელს შეუწყობს ქვეყნის ეკონომიკური მდგომარეობის გაუმჯობესებას.

4. სააგენტოში წარდგენილი და დაცული ინფორმაციის/დოკუმენტაციის საფუძველზე, ქარსაფარი ზოლის სტატუსის შეწყვეტის შესახებ შუამდგომლობაზე სააგენტოს შესაბამისი სტრუქტურული ერთეული შეიმუშავებს დასკვნას, რომელიც წარედგინება სათათბირო საბჭოს, რომლის რეკომენდაცია შესაბამის დასკვნასთან ერთად წარედგინება სააგენტოს, თავმჯდომარეს შესაბამისი გადაწყვეტილების მიღების მიზნით.

5. ქარსაფარი  ზოლის სტატუსის შეწყვეტის შესახებ სააგენტოს გადაწყვეტილება წარედგინება საქართველოს იუსტიციის სამინისტროს მმართველობის სფეროში მოქმედ სსიპ – საჯარო რეესტრის ეროვნულ სააგენტოს უძრავ ნივთებზე უფლებათა რეესტრში შესაბამისი ცვლილების რეგისტრაციის მიზნით.

2. მიწის ნაკვეთისათვის ან მისი ნაწილისათვის ქარსაფარი ზოლის სტატუსის აღდგენის შესახებ გადაწყვეტილებას იღებს სააგენტო საკუთარი ინიციატივით ან დაინტერესებული პირის  განცხადების საფუძველზე.

3. მიწის ნაკვეთისათვის ან მისი ნაწილისათვის ქარსაფარი ზოლის სტატუსის აღდგენის შესახებ სააგენტოს გადაწყვეტილება ეგზავნება სსიპ – საჯარო რეესტრის ეროვნულ სააგენტოს რეგისტრაციის მიზნით, საქართველოს კანონმდებლობით დადგენილი წესით.

4. ქარსაფარი ზოლის სტატუსის აღდგენის შესახებ სააგენტოსთვის მიმართვისას, წადგენილი უნდა იქნეს:

ა) ქარსაფარი ზოლის სტატუსის შეწყვეტის საფუძვლ(ებ)ის აღმოფხვრის დამადასტურებელი ინფორმაცია/დოკუმენტაცია;

ბ) მიწის ნაკვეთის ან მისი ნაწილის ფაქტობრივი მდგომარეობის ამსახველი ინფორმაცია.

2. ქარსაფარი ზოლის აღრიცხვის სისტემას აწარმოებს და მართავს სააგენტო.

2. ქარსაფარი ზოლის სტატუსის მინიჭების, შეწყვეტის და აღდგენის თაობაზე სააგენტოს გადაწყვეტილება საჩივრდება სასამართლო წესით.