„საქართველოს თავდაცვის სამინისტროს თავდაცვის ძალების ეროვნული გვარდიის დებულების დამტკიცების შესახებ“ საქართველოს თავდაცვის მინისტრის 2013 წლის 10 ოქტომბრის №1198 ბრძანებაში ცვლილების შეტანის თაობაზე

1. მე-2 მუხლს ,,ჟ“ ქვეპუნქტის შემდეგ დაემატოს შემდეგი შინაარსის „რ“ ქვეპუნქტი:

„რ) კომპეტენციის ფარგლებში, სამხედრო სამსახურის პოპულარიზაციის მიზნით, საჭირო ღონისძიებების გატარება.“.

2. მე-4 მუხლის:

ა) პირველი პუნქტის „ბ¹“ ქვეპუნქტის შემდეგ დაემატოს შემდეგი შინაარსის „ბ²“ ქვეპუნქტი:

„ბ²) მოხალისეთა ორგანიზაციებთან ურთიერთობის სამსახური;“;

ბ) მე-2 პუნქტის:

ბ.ა) „ბ¹“ ქვეპუნქტის შემდეგ დაემატოს შემდეგი შინაარსის „ბ²“ ქვეპუნქტი:

„ბ²) მოხალისეთა ორგანიზაციებთან ურთიერთობის სამსახური – უზრუნველყოფს კერძო სამართლის იურიდიულ პირებთან ურთიერთობას, რომლებიც ახორციელებენ სამხედრო სამსახურის პოპულარიზაციას;’’;

ბ.ბ) „გ.ა¹“ ქვეპუნქტი ჩამოყალიბდეს შემდეგი რედაქციით:  

„გ.ა¹) G-2 სამსახური – ახორციელებს ეროვნული გვარდიის სადაზვერვო ინფორმაციით უზრუნველყოფას, სადაზვერვო და უსაფრთხოების ღონისძიებების დაგეგმვას და ორგანიზებას;"

ბ.გ) „გ.ბ“ ქვეპუნქტი ჩამოყალიბდეს შემდეგი რედაქციით:   

„გ.ბ) G-3 სამსახური – მშვიდობიანობის, საომარი და საგანგებო მდგომარეობის დროს ახორციელებს ოპერაციების დაგეგმვას; საჯარისო სამსახურის ორგანიზებას და მონიტორინგს; ეროვნული გვარდიის სტრუქტურული ერთეულების ეფექტური მართვის უზრუნველყოფის მხარდაჭერასა და საბრძოლო მზადყოფნის მონიტორინგს;"