„საქართველოს შინაგან საქმეთა სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს შინაგან საქმეთა მინისტრის 2017 წლის 15 დეკემბრის №589 ბრძანებაში ცვლილების შეტანის თაობაზე

1. მე-5 მუხლს დაემატოს შემდეგი შინაარსის „თ“ ქვეპუნქტი:

„თ) მასობრივი სპორტული, კულტურული და სხვა ღონისძიებების უსაფრთხოდ ჩატარების უზრუნველყოფა.“.

2. მე-6 მუხლს დაემატოს შემდეგი შინაარსის „კ¹“ ქვეპუნქტი:

„კ¹) უზრუნველყოფს მასობრივი სპორტული, კულტურული და სხვა ღონისძიებების უსაფრთხოდ ჩატარების მიზნით შესაბამისი ღონისძიებების დაგეგმვასა და განხორციელებას;“.

3. მე-7 მუხლს  დაემატოს შემდეგი შინაარსის „გ¹“ ქვეპუნქტი:

„გ¹) სპორტული და კულტურული ღონისძიებების უსაფრთხოების სამმართველო;“.

4. მე-10 მუხლის შემდეგ დაემატოს შემდეგი შინაარსის 10¹ მუხლი:

„მუხლი 10¹

1. სპორტული და კულტურული ღონისძიებების უსაფრთხოების სამმართველოს შემადგენლობაშია:

ა) კულტურული და სხვა ღონისძიებების განყოფილება;

ბ) ფეხბურთისა და სხვა სპორტული ღონისძიებების განყოფილება.

2. სპორტული და კულტურული ღონისძიებების უსაფრთხოების სამმართველო:

ა) შესაბამისი წერილობითი მიმართვის საფუძველზე, დაგეგმილი მასობრივი სპორტული, კულტურული ან/და სხვა ღონისძიებების (შემდგომ − ღონისძიება) უსაფრთხოების უზრუნველყოფის მიზნით ახდენს ინფორმაციის წინასწარ მოძიებას, შეგროვებას, ანალიზსა და შესაძლო რისკის შემცველი გარემოებების გამოვლენას;

ბ) სამინისტროს სისტემის შესაბამის დანაყოფებთან ერთად შეიმუშავებს ღონისძიების უსაფრთხოების სამოქმედო გეგმას და უზრუნველყოფს მისი შესრულების კოორდინაციას;

გ) უზრუნველყოფს ღონისძიების ორგანიზატორთან კავშირსა და კოორდინაციას;

დ) ღონისძიების ორგანიზატორთან ურთიერთშეთანხმების საფუძველზე შეიმუშავებს ღონისძიებაზე მოქალაქეთა შესვლა-გასვლის წესს და უზრუნველყოფს მის კონტროლს;

ე) ახდენს ღონისძიებების დროს  გამოვლენილი საფრთხისა და სამართალდარღვევის შესახებ მონაცემების შეგროვებასა და ანალიზს;

ვ) ასრულებს საქართველოს კანონმდებლობით განსაზღვრულ სხვა ფუნქციებს, აგრეთვე ადმინისტრაციის უფროსის/უფროსის მოადგილის მიერ საქართველოს კანონმდებლობის საფუძველზე დაკისრებულ დავალებებს.“.