„სახელმწიფო საკუთრებაში არსებული საქართველოს თავდაცვის სამინისტროს ბალანსზე რიცხული საცხოვრებელი და არასაცხოვრებელი ფართობის საკუთრებაში გადაცემის შესახებ“ საქართველოს მთავრობის 2020 წლის 17 ივლისის №445 დადგენილებაში ცვლილების შეტანის თაობაზე

 1. მე-5 მუხლის მე-5 პუნქტი ჩამოყალიბდეს შემდეგი რედაქციით:

„5. განსაკუთრებულ შემთხვევებში, მინისტრის გადაწყვეტილებით, ამ დებულების მე-4 მუხლის პირველი პუნქტის „ა“ ქვეპუნქტით განსაზღვრულ პირს შეიძლება, გადაეცეს საცხოვრებელი და არასაცხოვრებელი ფართობი ამავე დებულების მე-4 მუხლის მე-2 პუნქტით განსაზღვრული შემზღუდველი პირობების გაუთვალისწინებლად, თუ:

ა) ამ პირის მიერ სრულყოფილად არის წარდგენილი ამ მუხლის მე-3 პუნქტით განსაზღვრული დოკუმენტაცია;

ბ) ეს საცხოვრებელი ან/და არასაცხოვრებელი ფართობი ექვემდებარება საკუთრებაში გადაცემას ამ დებულების მიხედვით;

გ) არ მიმდინარეობს დავა ამ ფართობზე საკუთრების უფლებასთან დაკავშირებით;

დ) სსიპ – საჯარო რეესტრის ეროვნული სააგენტოს მიერ გაცემულ დოკუმენტში არ არის მითითებული ამ ფართობზე საჯარო-სამართლებრივი შეზღუდვისა და საგადასახადო გირავნობის/იპოთეკის რეგისტრაცია.“.

2. მე-6 მუხლის პირველი პუნქტი ჩამოყალიბდეს შემდეგი რედაქციით:

„1. კომისიის მიერ ამ დებულების მე-5 მუხლის მე-8 პუნქტის „ა“ ქვეპუნქტით მიღებული ან ამ დებულების მე-5 მუხლის მე-5 პუნქტით გათვალისწინებული მინისტრის წერილობითი გადაწყვეტილების საფუძველზე, მინისტრი ან მისგან უფლებამოსილი თანამდებობის პირი გასცემს საკუთრების უფლების მოწმობას (დანართი №1).“.

3. დანართი №1 ჩამოყალიბდეს შემდეგი რედაქციით:

„დანართი №1

საქართველოს თავდაცვის სამინისტრო

საკუთრების უფლების მოწმობა №

________________

გაცემის თარიღი

მესაკუთრე/თანამესაკუთრეები¹:

______________________________                                   ______________________

                                                                                                       პირადი ნომერი

მესაკუთრისათვის/თანამესაკუთრეებისათვის საკუთებაში გადაცემული:

1. საცხოვრებელი ფართობი:

 ____________________               _____________________                  ________________

  ადგილმდებარეობა                       საკადასტრო კოდი²                                   ფართობი

2. არასაცხოვრებელი ფართობი:

 ____________________               _____________________                  ________________

  ადგილმდებარეობა                       საკადასტრო კოდი²                                  ფართობი

3. მიწის ნაკვეთი:

 ____________________               _____________________                  ________________

  ადგილმდებარეობა                       საკადასტრო კოდი²                                  ფართობი

სახელმწიფო საკუთრებაში არსებული საქართველოს თავდაცვის სამინისტროს ბალანსზე რიცხული საცხოვრებელი და არასაცხოვრებელი ფართობის საკუთრებაში გადაცემის კომისიის/მინისტრის გადაწყვეტილება:

_____________   _____________

თარიღი               ნომერი

მოწმობა ძალაშია საფუძველსა და ხელმომწერი თანამდებობის პირის უფლებამოსილების დამადასტურებელ დოკუმენტთან ერთად.

მოწმობა შედგენილია ერთ ეგზემპლარად, რომელიც ინახება მოწმობის გამცემ ორგანოში. საკუთრების უფლების მოწმობის დედნის დამოწმებული თითო ეგზემპლარი ინახება მესაკუთრესთან/თითოეულ თანამესაკუთრესთან.

უფლებამოსილი თანამდებობის პირის სახელი, გვარი და ხელმოწერა.

_________________

¹მოწმობაში მიეთითება ყველა მესაკუთრე.

²საკადასტრო კოდი მიეთითება, თუ უძრავი ნივთი რეგისტრირებულია საჯარო რეესტრში.“.