„წალკის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ წალკის მუნიციპალიტეტის საკრებულოს 2017 წლის 4 დეკემბრის #33 დადგენილებაში ცვლილების შეტანის შესახებ

1. ამოღებულ იქნეს მე-2 მუხლის პირველი პუნქტის „პ)“ ქვეპუნქტი.

2. მე-3 მუხლის მე-2 პუნქტის „გ)“ ქვეპუნქტი ჩამოყალიბდეს შემდეგი რედაქციით:

„გ)  მერის წარმომადგენლებთან კოორდინაციის განყოფილება.“

3. მე-6 მუხლი ჩამოყალიბდეს შემდეგი რედაქციით:

„მუხლი 6.  მერის წარმომადგენლებთან კოორდინაციის განყოფილების ფუნქციები

1. მერის წარმომადგენლებთან კოორდინაციის განყოფილება უზრუნველყოფს:

ა) მერის წარმომადგენლებთან ერთად მოსახლეობის კავშირს საკრებულოსა და მერიასთან;

ბ) ინფორმაციის წარდგენას ადმინისტრაციულ ერთეულებში საკრებულოსა და მერის მიერ მიღებული გადაწყვეტილებების შესრულების მიმდინარეობის შესახებ;

გ) ადგილობრივი ბიუჯეტის მომზადებისას წინადადებების წარდგენას ადმინისტრაციულ ერთეულებში დასაფინანსებელი ღონისძიებების შესახებ და მოსახლეობისათვის ბიუჯეტის პროექტის გაცნობას;

დ) წინადადებების შემუშავებას ადმინისტრაციულ ერთეულებში ტერიტორიის დაყოფის, მათი საზღვრების დადგენისა და შეცვლის, ქუჩების, მოედნების სახელდებისა და ნუმერაციის შესახებ;

ე) მოქმედი კანონმდებლობით, მერიის დებულებით და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელებას;

ვ) ორგანიზაციულ-ტექნიკურად მერიის სამუშაო თათბირების ჩატარებას;

ზ) მერიის სტრუქტურული ერთეულების, ტერიტორიული ორგანოებისა და მერიის თანამდებობის პირების მიერ სხვა ღონისძიებების ჩატარებას. მერიის საქმიანობის შესახებ ოპერატიული ინფორმაციის მომზადებას და გამოქვეყნებას.

თ) მერიის სამუშაო  თათბირების ოქმების წარმოებას.“