„ბორჯომის მუნიციპალიტეტში, ბაკურიანის სარეკრეაციო ტერიტორიაზე მდებარე 10000.00 კვ.მ გეგმარებითი არეალის განაშენიანების რეგულირების გეგმის კორექტირებული გეგმარებითი დავალების დამტკიცების შესახებ“

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ბორჯომის მუნიციპალიტეტში, ბაკურიანის სარეკრეაციო ტერიტორიაზე მდებარე 10000.00 კვ.მ გეგმარებითი არეალის განაშენიანების რეგულირების გეგმის კორექტირებული გეგმარებითი დავალების დამტკიცების შესახებ“
დოკუმენტის ნომერი	6/ნ
დოკუმენტის მიმღები	საქართველოს რეგიონული განვითარებისა და ინფრასტრუქტურის მინისტრი
მიღების თარიღი	20/01/2022
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 21/01/2022
სარეგისტრაციო კოდი	330090000.22.037.016184

PDF გადმოწერა

ბორჯომის მუნიციპალიტეტში, ბაკურიანის სარეკრეაციო ტერიტორიაზე მდებარე 10000.00 კვ.მ გეგმარებითი არეალის განაშენიანების რეგულირების გეგმის კორექტირებული გეგმარებითი დავალების დამტკიცების შესახებ

საქართველოს სივრცის დაგეგმარების, არქიტექტურული და სამშენებლო საქმიანობის კოდექსის 141-ე მუხლის, „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონის მე-2 მუხლის „ტ“ ქვეპუნქტისა და მე-9 მუხლის პირველი პუნქტის „ა“ ქვეპუნქტის და „საქართველოს რეგიონული განვითარებისა და ინფრასტრუქტურის სამინისტროს დებულების დამტკიცების შესახებ“ საქართველოს მთავრობის 2018 წლის 30 ივლისის №385 დადგენილების საფუძველზე, ვბრძანებ:

მუხლი 1

დამტკიცდეს ბორჯომის მუნიციპალიტეტში, ბაკურიანის სარეკრეაციო ტერიტორიაზე მდებარე 10000.00 კვ.მ გეგმარებითი არეალის განაშენიანების რეგულირების გეგმის თანდართული კორექტირებული გეგმარებითი დავალება.

მუხლი 2

ბრძანება ამოქმედდეს გამოქვეყნებისთანავე.

საქართველოს რეგიონული განვითარებისა და ინფრასტრუქტურის მინისტრი ირაკლი ქარსელაძე

საპროექტო ობიექტი – საცხოვრებელი კომპლექსი
ობიექტის მისამართი – ბორჯომის მუნიციპალიტეტი, ბაკურიანი
დამკვეთი/მენაშენეს განაცხადი: 18 ნოემბერი 2021, ნომერი: 6787/01

გეგმარებით არეალში შემავალი მიწის ნაკვეთების საკადასტრო კოდებია: 64.30.13.003; 64.30.13.015; 64.30.13.038; 64.30.13.037; 64.30.13.036; 64.30.13.004; 64.30.13.006.

გრგ-ის საპროექტო ტერიტორიის საერთო ფართობი შეადგენს 10000.00 კვ.მ-ს.

ტერიტორიის სამშენებლო განვითარების ზოგადი პირობები, მოთხოვნები და მონაცემები

1	ტერიტორიის დახასიათება და ქალაქმშენებლობითი განვითარების შესაძლებლობები	საპროექტო არეალი მდებარეობს ბორჯომის მუნიციპალიტეტში, ბაკურიანში, „ცეკავშირის მიმდებარედ“. გეგმარებითი არეალის საერთო ფართობია 10000.00 კვ.მ და შედგება 7 საკადასტრო ერთეულისგან კოდებით: 64.30.13.003; 64.30.13.015; 64.30.13.038; 64.30.13.037; 64.30.13.036; 64.30.13.004; 64.30.13.006; ტერიტორია თავისუფალია შენობა-ნაგებობებისაგან; ტერიტორია თავისი ადგილმდებარეობით და ფართობით მოითხოვს ტერიტორიის განაშენიანების რეგულირების გეგმის დამუშავებას. განაშენიანების რეგულირების გეგმით განისაზღვროს კონკრეტული ფუნქციური ზონები გეგმარებით დავალებით დადგენილი პარამეტრების შესაბამისად; განაშენიანების რეგულირების გეგმის (შემდგომში – გრგ-ის) პროექტით შესაძლებელია განხორციელდეს გეგმარებითი არეალში შემავალი მიწის ნაკვეთების გამიჯვნა ან გაერთიანება საერთო ფართობის უცვლელად.
2	შენობა-ნაგებობის არქიტექტურულ-კომპოზიციური გადაწყვეტა და კავშირი მიმდებარე გარემოსთან	ტერიტორიის რელიეფიდან და არსებული ნარგავების მდებარეობიდან განისაზღვროს ახალი შენობა-ნაგებობების ადგილმდებარეობა და მათი მოცულობითი კომპოზიცია; კომპლექსი დაპროექტდეს ტერიტორიისთვის დადგენილ საზღვრებში; იმ შემთხვევაში, თუ მოხდება ახალი შენობა ნაგებობისთვის მიწის ნაკვეთის გამიჯვნა, თითოეული მიწის ნაკვეთი უნდა იყოს საინჟინრო და სატრანსპორტო ინფრასტრუქტურით სათანადოდ უზრუნველყოფილი, რისთვისაც მინიმალური პირობაა მშენებლობადამთავრებულ ობიექტთან მინიმუმ ერთი მისასვლელის არსებობა, მათ შორის, სერვიტუტის გამოყენებით; გამოყენებულ იქნეს მაღალი ხარისხის სამშენებლო მასალა; განისაზღვროს ტერიტორია ავტოსადგომის განსათავსებლად; ღია და დახურული ავტოსადგომები მოეწყოს შემდეგი გაანგარიშებით: ბინების შემთხვევაში ერთი ავტოსადგომი კ-2 საანგარიშო ფართობის 100მ²-ზე, მაგრამ არანაკლებ 1 ბინაზე -1 ავტოსადგომისა; სასტუმროს შემთხვევაში 3 ნომერზე - 2 ავტოსადგომი; გათვალისიწინებულ იქნეს შიდა რეკრეაციული სივრცეები.
3	მიწის ნაკვეთზე არსებული შენობა-ნაგებობის დანგრევა და გადატანა, ან მათი სივრცით- გეგმარებითი მოწყობის შეცვლა	განისაზღვროს განაშენიანების რეგულირების გეგმის პროექტით.
4	მოთხოვნები იმ ფიზიკური და იურიდიული პირების უფლებების დაცვაზე, რომელთა ინტერესებსაც ეხება ტერიტორიის სამშენებლო განვითარება (საკადასტრო ერთეულების გაერთიანება-შერწყმა, ახალი სერვიტუტების წარმოქმნა, ინსოლაცია, ბუნებრივი განათება, ჩაუხედავობა და სხვა)	განისაზღვროს ტერიტორიის განაშენიანების რეგულირების გეგმის პროექტით, ქვეყანაში დადგენილი სამართლებრივ-ნორმატიული მოთხოვნების საფუძველზე; დაცული იქნეს მიწის ნაკვეთის საზღვარზე (მიჯნაზე) შენობების განთავსებისათვის კანონმდებლობით დადგენილი მოთხოვნები; შენობების განთავსების ადგილები განისაზღვროს ზოგადი საინჟირნო-გეოლოგიური დასკვნების შესაბამისად, რომელიც წარმოდგენილ უნდა იქნეს განაშენიანების რეგულირების გეგმის პროექტის შეთანხმებისას.
5	ტერიტორიაზე არსებული მწვანე ნარგავების შენარჩუნება, ტერიტორიის კეთილმოწყობა და გარემოს დაცვის პირობები	მაქსიმალურად შენარჩუნებულ იქნეს ტერიტორიაზე არსებული ხე-ნარგავები (არსებობის შემთხვევაში); მათი გადარგვის ან მოჭრის შემთხვევაში მიღებულ იქნეს თანხმობა შესაბამისი უწყებიდან; წარმოდგენილ იქნეს საპროექტო ტერიტორიის კეთილმოწყობის და გამწვანების სქემები; გრგ-ის დამუშავებისას გათვალისწინებულ იქნეს გარემოსდაცვითი და სანიტარული კანონმდებლობის მოთხოვნები; მიეთითოს ტერიტორიაზე ნაგვის ურნების განთავსების ადგილები.
6	ტერიტორიის და მისი გეგმარებითი არეალის საინჟინრო-კომუნალური, სატრანსპორტო და სოციალური ინფრასტრუქტურით უზრუნველყოფა	პროექტით გათვალისწინებულ იქნეს ძირითად სატრანსპორტო ქსელთან მყარი კავშირები; ტერიტორია უზრუნველყოფილი უნდა იყოს ნორმატიული პარამეტრების მქონე შიდა სატრანსპორტო ქსელით, ტრანსპორტის, ფეხმავალთა გადაადგილებისა და სახანძრო-საავარიო მომსახურებისთვის; განაშენიანების რეგულირების გეგმის დამუშავებისას გათვალისწინებულ იქნეს შენობების უზრუნველყოფა საინჟინრო ინფრასტრუქტურით (წყალმომარაგება, კანალიზაცია, სანიაღვრე არხები, ელექტრო ენერგია, გაზმომარაგება, კავშირგაბმულობა) ტერიტორიის მიმდებარედ არსებული და საპროექტო საინჟინრო ქსელების შესაბამისად.

1	მიწის ნაკვეთების ფართობი	10000.00მ²
2	ტერიტორიის განაშენიანების მაქსიმალური კოეფიციენტი კ1	0.2	_____	_____
3	ტერიტორიის განაშენიანების ინტენსივობის მაქსიმალურ კოეფიციენტი კ2	-
4	შენობის მაქსიმალური სიმაღლე/სართულიანობა	კოტეჯებისათვის 2 მიწისზედა სართული მანსარდით; სასტუმროებისათვის 3 მიწისზედა სართული -11მეტრი ფასადის სიმაღლე.
5	ტერიტორიის განმწვანების კოეფიციენტი კ3	0.3
6	ა) განაშენიანების რეგულირების ხაზები(წითელი ხაზები); ბ) განაშენიანების სავალდებულო ხაზები (ლურჯი ხაზები).	ა) განისაზღვროს გრგ-ის პროექტით; ბ) განისაზღვროს გრგ-ის პროექტით.
7	ა) ავტომანქანების ღია სადგომების რაოდენობა; ბ) ავტომანქანების მიწისქვეშა სადგომების რაოდენობა.	ა) განისაზღვროს გრგ-ის პროექტით; ბ) განისაზღვროს გრგ-ის პროექტით.

განაშენიანების რეგულირების გეგმის (შემდეგში – გრგ) შესათანხმებლად წარმოსადგენი დოკუმენტაციის ჩამონათვალი

1. განაცხადი.

2. ტერიტორიის გრგ და გეგმარებითი დავალება.

3. საკადასტრო რუკა და საკადასტრო გეგმა.

4. ზოგადი გეოლოგია.

5. გრგ-ის ტექნიკური ნაწილი: გრგ-ის აღწერა, განმარტებითი ბარათი, განხორციელების ეტაპები და რიგითობა.

6. სიტუაციური გეგმა, მ 1:2000 ან 1:1000.

7. ტოპო-გეოდეზიური ანაზომი საპროექტო ტერიტორიის საზღვრებითა და მომიჯნავე ინფრასტრუქტურის ჩვენებით მ1:500.

8. ტერიტორიის უფლებრივი ზონირების დეტალური რუკა მ1:500 ან 1:1000: (არსებობის შემთხვევაში).

9. განაშენიანების რეგულირების გეგმის ფრაგმენტ(ებ)ი საჭიროების შემთხვევაში.

10. განშლები და ჭრილები, მ 1:500 ან 1:1000.

11. ფუნქციური ზონირების რუკა (არსებობის შემთხვევაში).

12. მიწის ნაკვეთების განაწილების რუკა (გამიჯნვის სქემა).

13. ავტოტრანსპორტისა და ქვეითთა მოძრაობის სქემა, მ 1:500 ან მ1:1000.

14. ტერიტორიის ვერტიკალური დაგეგმარება მ 1:1000 ან მ 1:200 ან მ 1:500.

15. მომიჯნავე ტერიტორიებზე გასატარებელი ქალაქთმშენებლობითი ღონისძიებების ჩამონათვალი მ1:500 ან 1:1000 (საჭიროების შემთხვევაში).

16. საინჟირნო კომუნიკაციების გადაწყობის ამსახველი გეგმა, მ 1:500 ან მ 1:1000 (საჭიროების შემთხვევაში).

17. არქეოლოგიური კვლევის ცენტრის დასკვნა (საჭიროების შემთხვევაში).

შენიშვნები:

1. გრგ-ის პროექტის შემადგენლობაში წარმოდგენილ იქნეს ტერიტორიის არსებული მდგომარეობის ამსახველი წინასაპროექტო კვლევის მონაცემები, საქართველოს მთავრობის 2014 წლის 15 იანვრის №59 დადგენილების „ტექნიკური რეგლამენტის დასახლებათა ტერიტორიების გამოყენებისა და განაშენიანების რეგულირების ძირითადი დებულებების დამტკიცების თაობაზე“ და ამ გეგმარებითი დავალების მოთხოვნის შესაბამისად.

2. გრგ-ის საპროექტო დოკუმენტაცია შესათანხმებლად წარმოდგენილი იქნეს A3 ან A2 ფორმატის ალბომის სახით.

3. განაშენიანების რეგულირების გეგმის (შემდგომში – გრგ-ის) პროექტით მიწის ნაკვეთების გამიჯვნა/გაერთიანების ან კონფიგურაციის ცვლილების შემთხვევაში აღნიშნული მასალები წაარმოდგენილი უნდა იქნეს ელექტრონული ვერსიის სახით CD დისკზე shp ან AutoCaD 2007-ის ან უფრო ახალი ვერსიის ფორმატში. საკოორდინატო სისტემა უნდა შეესაბამებოდეს WGS 1984 UTM Zone 38-ს.

4. გრგ-ის წარმოსადგენ საპროექტო დოკუმენტაციას, მისი განხილვის მიზნით, აუცილებელია ახლდეს დოკუმენტაციის შინაარსის ამსახველი ელექტრონული ვერსია Power-Point-ის ან PDF დორმატში CD დისკზე.

5. გრგ-ით მოცემული უფლებრივი ზონირების დეტალურ რუკაზე დადგენილი და ასახულ უნდა იქნეს:

საპროექტო ტერიტორიის საზღვრები;
მიწის ნაკვეთის საზღვრები;
განაშენიანების რეგულირების ხაზები;
შენობის მაქსიმალური დასაშვები სიმაღლეები H;
მიწის ნაკვეთის განაწილების რუკა (გამიჯნვის სქემა);
განაშენიანების კოეფიციენტი კ1;
განაშენიანების ინტენსივობის კოეფიციენტი კ2(საჭიროების შემთხვევაში);
გამწვანების კოეფიციენტი კ3;
ცალკეული მიწის ნაკვეთების ფუნქციური გამოყენება, სამანქანე გზები და ავტოსადგომები;
მითითებული იყოს გაბარიტული ზომები.

დამატებითი მოთხოვნები

საპროექტო ტერიტორიის გრგ-ის დამუშავებული საპროექტო დოკუმენტაცია დამკვეთმა ან დამპროექტებელმა შესათანხმებლად წარადგინოს საქართველოს რეგიონული განვითარებისა და ინფრასტრუქტურის სამინისტროში.