აფხაზეთის ავტონომიური რესპუბლიკის უმაღლესი საბჭოს რეგლამენტი აფხაზეთის ავტონომიური რესპუბლიკის უმაღლესი საბჭოს რეგლამენტში ცვლილების შეტანის შესახებ

„ბ.გ) უმაღლესი საბჭოს წევრს უფლება აქვს აფხაზეთის ავტონომიური რესპუბლიკის კონსტიტუციითა და უმაღლესი საბჭოს რეგლამენტით გათვალისწინებული უფლებამოსილებები განახორციელოს დისტანციურად, კომუნიკაციის ელექტრონული საშუალებების გამოყენებით. დაუშვებელია უმაღლესი საბჭოს დახურულ პლენარულ სხდომაზე, აგრეთვე პრეზიდიუმის, კომიტეტისა და დროებითი კომისიის დახურულ სხდომებში მონაწილეობა დისტანციურად, კომუნიკაციის ელექტრონული საშუალებების გამოყენებით.“.

2. რეგლამენტს დაემატოს შემდეგი შინაარსის 10¹ მუხლი:

„მუხლი 10¹. უმაღლესი საბჭოს ყოფილი წევრის უფლებამოსილების აღდგენა

თუ უმაღლესი საბჭოს დროებითი კომისია დაადგენს, რომ უმაღლესი საბჭოს წევრს უფლებამოსილება შეუჩერდა ან შეუწყდა კანონმდებლობის მოთხოვნათა დარღვევით, ან უმაღლესი საბჭოს დროებითი კომისია დაადგენს ისეთი გარემოების არსებობას, რომელიც გახდა უმაღლესი საბჭოს იმ სამართლებრივი აქტის ძალადაკარგულად გამოცხადების საფუძველი, რომლითაც უფლებამოსილება შეუჩერდა ან შეუწყდა უმაღლესი საბჭოს წევრს, მას უმაღლესი საბჭოს დადგენილებით აღუდგება უმაღლესი საბჭოს წევრის უფლებამოსილება.“.