„ჩოხატაურის მუნიციპალიტეტის საკრებულოს აპარატის დებულების დამტკიცების შესახებ“ ჩოხატაურის მუნიციპალიტეტის საკრებულოს 2017 წლის 31 იანვრის №1 დადგენილებაში ცვლილების შეტანის თაობაზე

1. დადგენილების პრეამბულა ჩამოყალიბდეს შემდეგი რედაქციით:

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „ბ.ვ“ ქვეპუნქტის, 61-ე მუხლის პირველი და მეორე პუნქტების და „ნორმატიული აქტების შესახებ” საქართველოს ორგანული კანონის მე-20 მუხლისა და 25-ე მუხლის პირველი პუნქტის „ბ” ქვეპუნქტის თანახმად, ჩოხატაურის მუნიციპალიტეტის საკრებულო ადგენს:

2.დადგენილების დანართის მე-3 მუხლს დაემატოს  შემდეგი შინაარსის „ა^1” ქვეპუნქტი:

ა¹) აპარატის უფროსის მოადგილე.

3. დადგენილების დანართს დაემატოს შემდეგი შინაარსის მე-4¹ მუხლი:

მუხლი 4¹

1. ზედამხედველობს აპარატის სტრუქტურული ერთეულის, აპარატის საჯარო მოხელეთა  სამუშაო  გეგმების შესრულებას და სამარათლებრივი საკითხებისა და დოკუმენტაციის წარმოების პროცესს.

2. აპარატის უფროსს წარუდგენს წინადადებებს საკრებულოს ორგანიზაციულ-ტექნიკური უზრუნველყოფის საკითხებში;

3. აპარატის უფროსის დავალებით კოორდინაციას უწევს სხდომების ორგანანიზებასა და საკრებულოს წევრების შეხვედრებს მოსახლეობასთან;

4. ასრულებს საკრებულოს თანამდებობის პირთა ცალკეულ დავალებებს;

5. აპარატის უფროსის მოადგილე ანგარიშვალდებულია საკრებულოს აპარატის უფროსის წინაშე;

6. აპარატის უფროსის არყოფნის შემთხვევაში აპარატის უფროსის მოვალეობებს ასრულებს აპარატის  უფროსის მოადგილე.