ხარაგაულის მუნიციპალიტეტის საკრებულოს 2021 წლის 5 აპრილის №9 დადგენილებაში „ხარაგაულის მუნიციპალიტეტის თვითმმართველი ერთეულის ბიუჯეტიდან სოციალური დახმარების გაცემისა და დახმარების მიღების წესის შესახებ“ ცვლილების შეტანის თაობაზე

1. შეტანილ იქნეს ცვლილება დადგენილებით   დამტკიცებული წესის მე-4 მუხლის პირველ პუნქტში  და ჩამოყალიბდეს შემდეგი რედაქციით:

„1.  ხარაგაულის მუნიციპალიტეტში რეგისტრირებული 100 წლის და მეტი ასაკის ხანდაზმულების დახმარება საიუბილეოდ 1000  ლარის ოდენობით“.

2. შეტანილ იქნეს ცვლილება დადგენილებით   დამტკიცებული წესის მე-8 მუხლის პირველ პუნქტში  და ჩამოყალიბდეს შემდეგი რედაქციით:

„1. დახმარება გაეწევათ მრავალშვილიან ოჯახებს, რომელთა  სარეიტინგო ქულა არ აღემატება 150001-ს და  ჰყავთ 18 წლამდე ასაკის 4 და მეტი შვილი,  დახმარება განისაზღვრება წელიწადში ერთხელ – თითოეულ ბავშვზე  100 ლარის ოდენობით. “

3. შეტანილ იქნეს ცვლილება დადგენილებით   დამტკიცებული წესის მე-9 მუხლის პირველ პუნქტში  და ჩამოყალიბდეს შემდეგი რედაქციით:

„1. დახმარება გაეწევათ მარტოხელა მშობლებს, რომელთაც ყავთ არასრულწლოვანი შვილ(ებ)ი,  ყოველთვიურად – 50 ლარის ოდენობით.“

4. შეტანილ იქნეს ცვლილება დადგენილებით დამტკიცებული წესის მე-10 მუხლში და მეათე მუხლის მეორე პუნქტს დაემატოს შემდეგი შინაარსის ,,ე“ ქვეპუნქტი:

„ე) მერის წარმომადგენლის შუამდგომლობა“.

5. შეტანილ იქნეს ცვლილება  დადგენილებით   დამტკიცებული წესის მე-12 მუხლის მეორე პუნქტში  და ჩამოყალიბდეს შემდეგი რედაქციით:

„2. დახმარება განისაზღვრება თვეში 50 ლარის ოდენობით.“

6. შეტანილ იქნეს ცვლილება  დადგენილებით   დამტკიცებული წესის მე-19 მუხლის მესამე პუნქტში და ჩამოყალიბდეს შემდეგი რედაქციით:

„3. დახმარების ოდენობის თაობაზე გადაწყვეტილებას იღებს მერის შესაბამისი ბრძანებით  შექმნილი მუდმივმოქმედი კომისია.“

7. შეტანილ იქნეს ცვლილება  დადგენილებით   დამტკიცებული წესის მე-19 მუხლში და დაემატოს მეოთხე პუნქტი:

„4.ამ მუხლით გათვალისწინებული დახმარება გაიცემა მუნიციპალიტეტის მერის ბრძანებით, შესაბამისი კომისიის სხდომის ოქმის საფუძველზე.“