საჩხერის მუნიციპალიტეტის მერიის ზედამხედველობის სამსახურის მითითების და შემოწმების აქტის ფორმების დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 ნაწილის „ნ“ ქვეპუნქტისა და მე-3 ნაწილის, 24-ე მუხლის მე-2 ნაწილის, 61-ე მუხლის მე-2 ნაწილის, საქართველოს კანონის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ 123-ე მუხლის პირველი პუნქტისა და 124-ე მუხლის, „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის საფუძველზე  საჩხერის მუნიციპალიტეტის საკრებულო ადგენს:

დამტკიცდეს საჩხერის მუნიციპალიტეტის მერიის ზედამხედველობის სამსახურის მითითების ფორმა, თანდართული დანართი №1-ის შესაბამისად.

დამტკიცდეს საჩხერის მუნიციპალიტეტის მერიის ზედამხედველობის სამსახურის შემოწმების აქტის ფორმა, თანდართული დანართი №2-ის შესაბამისად.

ძალადაკარგულად გამოცხადდეს ,,საჩხერის მუნიციპალიტეტის მერიის ზედამხედველობის სამსახურის, სამშენებლო საქმიანობაზე სამართალდარღვევის საქმისწარმოების დოკუმენტების ფორმის დამტკიცების შესახებ“ საჩხერის მუნიციპალიტეტის საკრებულოს 2018 წლის 27 ივნისის №103 დადგენილება (სსმ ვებგვერდი 29/06/2018 წ. სარეგისტრაციო კოდი: 010250020.35.130.016312).

დადგენილება ამოქმედდეს გამოქვეყნებისთანავე.