“საქართველოს ტრანსპორტისა და კომუნიკაციების მინისტრის 2001 წლის 28 დეკემბრის №112 ბრძანებით დამტკიცებულ “საავტომობილო ტრანსპორტის სფეროში სატრანსპორტო საქმიანობის რეგულირების ყოველწლიური საფასურის ოდენობის დადგენისა და გადახდის წესის შესახებ” დებულებაში ცვლილებებისა და დამატებების შეტანის თაობაზე”

სახელმწიფო სარეგისტრაციო კოდი 310.150.000.11.115.005.142

საქართველოს ტრანსპორტისა და კომუნიკაციების მინისტრის

ბრძანება №13

2002 წლის 4 თებერვალი

ქ. თბილისი

საქართველოს ტრანსპორტისა და კომუნიკაციების მინისტრის 2001 წლის 28 დეკემბრის №112 ბრძანებით დამტკიცებულ ”საავტომობილო ტრანსპორტის სფეროში სატრანსპორტო საქმიანობის რეგულირების ყოველწლიური საფასურის ოდენობის დადგენისა და გადახდის წესის შესახებ“ დებულებაში ცვლილებებისა და დამატებების შეტანის თაობაზე

საქართველოს კანონების „ტრანსპორტისა და კომუნიკაციების სფეროს სახელმწიფო მართვისა და რეგულირების წესის შესახებ“ მე-9 და მე-14 მუხლების, „ნორმატიული აქტების შესახებ“ 36-ე მუხლის საფუძველზე, ვბრძანებ:

I. საქართველოს ტრანსპორტისა და კომუნიკაციების მინისტრის 2001 წლის 28 დეკემბრის №112 ბრძანებით დამტკიცებულ „საავტომობილო ტრანსპორტის სფეროში სატრანსპორტო საქმიანობის რეგულირების ყოველწლიური საფასურის ოდენობის დადგენისა და გადახდის წესის შესახებ“ დებულებაში შეტანილ იქნეს შემდეგი ცვლილებები და დამატებები:

1. მე-4 მუხლის მე-3 პუნქტი ჩამოყალიბდეს შემდეგი რედაქციით:

„3. უცხო ქვეყნის ავტოსატრანსპორტო საწარმო, რომელიც ახორციელებს საერთაშორისო საავტომობილო გადაზიდვებს საქართველოს ტერიტორიაზე, რეგულირების ყოველწლიურ საფასურს იხდის საავტომობილო სასაზღვრო გადასასვლელებზე წარმომადგენლის (მძღოლის) მეშვეობით შემდეგი წესის შესაბამისად:

ა) გ=ა x 25 აშშ დოლარი.

სადაც გ არის რეგულირების საფასური;

ა – 1 წლის განმავლობაში საქართველოს ტერიტორიაზე საწარმოს ავტომობილების შემოსვლათა რაოდენობა;

25 – რეგულირების საფასურის კოეფიციენტი.

ბ) თანხა გადაიხდება ავტომობილის ყოველი შემოსვლისას ეროვნულ ვალუტაში, ეროვნული ბანკის მიერ დადგენილი კურსის შესაბამისად.

2. მე-5 მუხლის პირველ პუნქტში სიტყვა „საწარმოები“ შემდეგ დაემატოს სიტყვები „გარდა მე-3 მუხლის „გ“ ქვეპუნქტში მოყვანილი საწარმოებისა“.

II. ეს ბრძანება ამოქმედდეს 10 თებერვლიდან.

მ. ადეიშვილი