„2021 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2020 წლის 31 დეკემბრის №828 დადგენილებაში ცვლილების შეტანის თაობაზე

1. №15 დანართის („ინკურაბელურ პაციენტთა პალიატიური მზრუნველობა“) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 4,480.0 ათასი ლარით, შემდეგი ცხრილის შესაბამისად:

2. №20 დანართის („ახალი კორონავირუსული დაავადების − COVID-19-ის მართვა“):

ა) მე-3 მუხლის „გ“ ქვეპუნქტს დაემატოს შემდეგი შინაარსის „გ.ე“ ქვეპუნქტი:  

„გ.ე)  ცენტრალიზებულად შესყიდული ან დონაციის გზით მიღებული მონოკლონური ანტისხეულების ბამლანივიმაბის/ეტესევიმაბის ინფუზიას საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ბრძანებით დამტკიცებული COVID-19-ის დიაგნოზის მქონე პაციენტებში, მონოკლონური ანტისხეულების „ბამლანივიმაბის/ეტესევიმაბის“ გამოყენებისა და განაწილების წესის შესაბამისად, ამავე ბრძანებით განსაზღვრულ სამედიცინო დაწესებულებებში;“;

ბ) მე-4 მუხლის „დ“ ქვეპუნქტს დაემატოს შემდეგი შინაარსის „დ.თ“ ქვეპუნქტი: 

„დ.თ) „გ.ე“ ქვეპუნქტით გათვალისწინებული მომსახურება ანაზღაურდება ფაქტობრივი ხარჯის მიხედვით, მაგრამ არაუმეტეს 30 ლარისა;“;

გ) მე-6 მუხლის „დ“ ქვეპუნქტს დაემატოს შემდეგი შინაარსის „დ.დ“ ქვეპუნქტი: 

„დ.დ) „გ.ე“ ქვეპუნქტით განსაზღვრული მომსახურების მიმწოდებლები არიან მინისტრის შესაბამისი ბრძანებით განსაზღვრული დაწესებულებები;“.