„საქართველოს საჰაერო სივრცით მოქნილი სარგებლობის წესის დამტკიცების შესახებ“ საქართველოს მთავრობის 2018 წლის 31 ოქტომბრის №514 დადგენილებაში ცვლილების შეტანის თაობაზე

1. დადგენილების მე-2 მუხლის:

ა) პირველი პუნქტის:

ა.ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) საქართველოს თავდაცვის ძალების მეთაურის მოადგილე − კომიტეტის თავმჯდომარის მოადგილე;“;

ა.ბ) „ე“ – „ზ“ ქვეპუნქტები ჩამოყალიბდეს შემდეგი რედაქციით:

„ე) საქართველოს თავდაცვის სამინისტროს თავდაცვის ძალების ავიაციისა და საჰაერო თავდაცვის სარდალი − კომიტეტის წევრი;

ვ) საქართველოს თავდაცვის სამინისტროს თავდაცვის ძალების ავიაციისა და საჰაერო თავდაცვის სარდლის მოადგილე − კომიტეტის წევრი;

ზ)  საქართველოს თავდაცვის სამინისტროს თავდაცვის ძალების ავიაციისა და საჰაერო თავდაცვის სარდლობის საჰაერო ოპერაციების ცენტრის (შემდგომში – საჰაერო ოპერაციების ცენტრი) უფროსი − კომიტეტის წევრი;“;

ბ) მე-2 პუნქტი ჩამოყალიბდეს შემდეგი რედაქციით:

„2.  შეიქმნას საჰაერო სივრცის ორგანიზების ჯგუფი სააერნაოსნო  მომსახურების საწარმოსა და საქართველოს თავდაცვის სამინისტროს თავდაცვის ძალების ავიაციისა და საჰაერო თავდაცვის სარდლობის პერსონალის შემადგენლობით.“.

2. დადგენილებით დამტკიცებული წესის მე-7 მუხლის მე-2 პუნქტი ჩამოყალიბდეს შემდეგი რედაქციით:

„2. საჰაერო სივრცის ტაქტიკური მართვის უზრუნველსაყოფად, სააერნაოსნო მომსახურების საწარმოსა და საჰაერო ოპერაციების ცენტრს შორის:

ა) უნდა არსებობდეს სათანადო საკომუნიკაციო საშუალებები (მაგ.: პირდაპირი სამეტყველო კავშირი და სხვა),  ავტომატიზებული სისტემები და პროცედურები;

ბ) უზრუნველყოფილი უნდა იქნეს საჰაერო სივრცის მიმდინარე სტატუსის შესახებ ინფორმაციის დროული გაცვლა და ყველა დაინტერესებული პირისთვის (სივრცის მომხმარებელი, სხვა) შეტყობინება.“.