ატმოსფერული ჰაერის მავნე ნივთიერებებით დაბინძურების ინდექსის გამოთვლის წესის დამტკიცების შესახებ

სახელმწიფო სარეგისტრაციო კოდი 360.160.000.11.103.005.023

საქართველოს გარემოსა და ბუნებრივი რესურსების დაცვის

მინისტრის ბრძანება N89

2001 წლის 23 ოქტომბერი

ქ. თბილისი

ატმოსფერული ჰაერის მავნე ნივთიერებებით დაბინძურების ინდექსის გამოთვლის წესის დამტკიცების შესახებ

„ატმოსფერული ჰაერის დაცვის შესახებ” საქართველოს 1999 წლის 22 ივნისის კანონის  (საქართველოს საკანონმდებლო მაცნე, 1999წ., №30/37), მე-60 მუხლის მე-2 პუნქტის კ) ქვეპუნქტის საფუძველზე, ამავე მუხლით დადგენილი სამართლებრივი ნორმების შესრულების მიზნით ვბრძანებ:

1. დამტკიცდეს თანდართული „ატმოსფერული ჰაერის მავნე ნივთიერებებით დაბინძურების ინდექსის გამოთვლის წესი”.

2. ეს ბრძანება გამოქვეყნდეს ნორმატიული აქტის სახელმწიფო რეესტრში შეტანიდან 7 დღის ვადაში.

3. ეს ბრძანება ძალაში შევიდეს გამოქვეყნებისთანავე.

ნ. ჩხობაძე

დანართი

ატმოსფერული ჰაერის მავნე ნივთიერებებით დაბინძურების ინდექსის გამოთვლის წესი

 1.  ატმოსფერული ჰაერის მავნე ნივთიერებებით დაბინძურების ინდექსი გამოითვლება ფორმულით:

,

სადაც

q_i – i –ური მავნე ნივთიერების საშუალო წლიური კონცენტრაციაა (მგ/მ³), რომელიც განისაზღვრება ერთჯერადი გაზომვებით მიღებული კონცენტრაციების მნიშვნელობების რაოდენობის ჯამის ფარდობით ერთჯერადი გაზომვების რაოდენობასთან;

ზდკ_i – i-ური მავნე ნივთიერების საშუალო დღე-ღამური ზღვრულად დასაშვები კონცენტრაციაა, მგ/მ³;

n –  მავნე ნივთიერებათა რაოდენობაა;

c_i– გოგირდის დიოქსიდის მავნეობის ხარისხზე დაყვანილი i -ური ნივთიერების მავნეობის ხარისხის უგანზომილებო კონსტანტაა და პირველი, მე-2, მე-3 და მე-4 საშიშროების კლასის ნივთიერებებისთვის შესაბამისად ტოლია 1,7-ის; 1,3-ის; 1,0-ის, 0,9-ის.

2. ატმოსფერული ჰაერის მავნე ნივთიერებებით დაბინძურების ინდექსის გამოსათვლელად გაზომილ ნივთიერებებიდან უნდა შეირჩეს მხოლოდ ის ხუთი ნივთიერება, რომლებისთვისაც საკუთრივ გაანგარიშებული ინდექსის სიდიდეებს აქვთ უდიდესი მნიშვნელობები.

3. ატმოსფერული ჰაერის მავნე ნივთიერებებით დაბინძურების ინდექსის გამოთვლილი სიდიდე ჩაითვლება საიმედოდ, თუ ჩატარებულია დადგენილ გაზომვათა არანაკლებ 75%-ისა.

4. ატმოსფერული ჰაერის მავნე ნივთიერებებით დაბინძურების ინდექსის დასადგენად დაცულ უნდა იქნეს შემდეგი პირობები:

ა) ერთჯერადი გაზომვის ხანგრძლივობაა 20-30 წუთი;

ბ) დღე-ღამის განმავლობაში გაზომვების მინიმალური სიხშირეა ოთხი;

გ) გაზომვებს შორის მაქსიმალური დასაშვები დროა 6 საათი;

დ) გაზომვები უნდა ჩატარდეს 1, 7, 13 და 19 საათებში.