„მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილებაში ცვლილების შეტანის თაობაზე

1. მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. პროგრამის განმახორციელებელია ა(ა)იპ − სოფლის განვითარების სააგენტო (შემდგომში − სააგენტო) და სამინისტრო.“.

2. მე-3 მუხლის „ო“ ქვეპუნქტი ჩამოყალიბდეს შემდეგი რედაქციით:

„ო) მომსახურების პროვაიდერი − პოტენციური ბენეფიციარი, რომელიც არის ხელოვნური განაყოფიერებისა და ვეტერინარიის მომსახურების მიმწოდებელი, გააჩნია თეორიული (დადასტურებული შესაბამისი დიპლომით/სერტიფიკატით) ცოდნა და არანაკლებ 2-წლიანი პრაქტიკული სამუშაო გამოცდილება შესაბამის სფეროში (დადასტურებული სარეკომენდაციო წერილით);“.

3. მე-5 მუხლის მე-3 პუნქტის შემდეგ დაემატოს შემდეგი შინაარსის მე-4  პუნქტი:

„4. ვეტერინარიისა და ხელოვნური განაყოფიერების მიმართულებით ძირითადი საშუალებების თანადაფინანსება მოიცავს მხოლოდ მანქანა-დანადგარების, სატრანსპორტო საშუალებებისა და აღჭურვილობის თანადაფინანსებას.“.

4. მე-12 მუხლი ჩამოყალიბდეს შემდეგი რედაქციით:

„მუხლი 12. პროგრამის გავრცელების გეოგრაფიული არეალი

პროგრამის, ვეტერინარიისა და ხელოვნური განაყოფიერების მიმართულების გავრცელების გეოგრაფიული არეალია საქართველოს მასშტაბი, ხოლო პროგრამის დანარჩენი მიმართულებების − საქართველოს შემდეგი რეგიონები: ქვემო ქართლი, კახეთი, იმერეთი, რაჭა-ლეჩხუმი და ქვემო სვანეთი, სამეგრელო-ზემო სვანეთი და სამცხე-ჯავახეთი.“.