“№2 ვაკისა და №52 ბაღდათის ერთმანდატიან საარჩევნო ოლქში ხელახალი არჩევნების ზოგიერთ საარჩევნო ღონისძიების ახალი ვადის განსაზღვრის თაობაზე”

სახელმწიფო სარეგისტრაციო კოდი 010.190.020.13.007.005.003

საქართველოს ცენტრალური საარჩევნო კომისიის

დადგენილება N 9/ 2001

2001 წლის 3 ოქტომბერი

ქ. თბილისი

№2 ვაკის და №52 ბაღდათის ერთმანდატიან საარჩევნო ოლქებში ხელახალი არჩევნების ზოგიერთი საარჩევნო ღონისძიებების ახალი ვადის განსაზღვრის თაობაზე

საქართველოს ორგანული კანონის „საქართველოს საარჩევნო კოდექსის“ 29-ე მუხლის მე-2 პუნქტის ”დ“ ქვეპუნქტის შესაბამისად,

I. საქართველოს ცენტრალური საარჩევნო კომისია ადგენს:

1. არა უგვიანეს 5 ოქტომბრისა:

საუბნო საარჩევნო კომისიის მიერ ამომრჩეველთა სიის გამოქვეყნება.

2. არა უგვიანეს 8 ოქტომბრისა:

ამომრჩეველთა სიებთან დაკავშირებული საჩივრების წარდგენა საუბნო საარჩევნო კომისიაში.

3. არა უგვიანეს 10 ოქტომბრისა:

ამომრჩეველთა სიებთან დაკავშირებული საჩივრის განხილვა საოლქო საარჩევნო კომისიაში.

4. არა უგვიანეს 13 ოქტომბრისა:

ამომრჩეველთა სიების შედგენასთან დაკავშირებული სარჩელის წარდგენა რაიონულ სასამართლოში.

5. არა უგვიანეს 16 ოქტომბრისა:

ამომრჩეველთა სიების შედგენასთან დაკავშირებული სარჩელის განხილვა რაიონულ სასამართლოში.

6. არა უგვიანეს 18 ოქტომბრისა:

სასამართლოსა და საოლქო საარჩევნო კომისიების მიერ ამომრჩეველთა სიებთან დაკავშირებული საჩივრების დაკმაყოფილების შემთხვევაში ამომრჩეველთა საბოლოო სიების გამოქვეყნება (გამოკვრა).

7. არა უგვიანეს 19 ოქტომბრისა:

ა) ამომრჩევლისათვის ამომრჩეველის ბარათის გადაცემა;

ბ) მხარდამჭერთა სიების განადგურება;

გ) გამონაკლის შემთხვევაში შექმნილი საარჩევნო უბნების შესახებ ინფორმაციის გამოქვეყნება;

დ) საარჩევნო სუბიექტების რეგისტრაციიდან მოხსნა;

ე) საარჩევნო ბიულეტენებისა და სპეციალური კონვერტების გადაცემა საოლქო საარჩევნო კომისიისათვის.

8. არა უგვიანეს 20 ოქტომბრის 18 საათისა:

საარჩევნო ბიულეტენებისა და სპეციალური კონვერტების საუბნო საარჩევნო კომისიისათვის.

II. ეს დადგენილება ამოქმედდეს გამოქვეყნებისთანავე.

კომისიის თავმჯდომარე

ჯუმბერ ლომინაძე

კომისიის მდივანი

მამუკა კოპალეიშვილი