აუცილებელი საზოგადოებრივი საჭიროებისათვის, საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების - საქართველოს საავტომობილო გზების დეპარტამენტისათვის ექსპროპრიაციის უფლების მინიჭების თაობაზე

საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულება – საქართველოს საავტომობილო გზების დეპარტამენტი (შემდგომში – დეპარტამენტი) ახორციელებს საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის ვაზიანი-საგარეჯოს (კმ4+040-კმ27+840) საავტომობილო გზის მონაკვეთის (ლოტი 1) და საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის თბილისი-ბაკურციხის კმ27+840-კმ35+500 (საგარეჯოს შემოვლითი გზა) საავტომობილო გზის მონაკვეთის (ლოტი 2) მშენებლობის პროექტებს (შემდგომში – პროექტი).

პროექტით გასახორციელებელი სამუშაოების დაფინანსება ხორციელდება სახელმწიფო ბიუჯეტიდან დეპარტამენტისათვის გამოყოფილი ასიგნებების ფარგლებში. საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზა წარმოადგენს თბილისის კახეთის რეგიონთან დამაკავშირებელ საავტომობილო გზას და აზერბაიჯანის რესპუბლიკასთან დამაკავშირებელ ალტერნატიულ გზას. აღმოსავლეთ-დასავლეთის ავტომაგისტრალის გაუმჯობესების პროექტის მთავარი მიზანია საქართველოში საგზაო ინფრასტრუქტურის მდგრადი განვითარების უზრუნველყოფა ეკონომიკური ზრდის, ქვეყნის ინფრასტრუქტურისა და სატრანსპორტო დერეფნების განვითარების ხელშეწყობის მიზნით. აღმოსავლეთ-დასავლეთის ავტომაგისტრალი სტრატეგიული პროექტია, რომელიც უზრუნველყოფს კავშირს ერთი მხრივ, ცენტრალურ აზიასა და შორეულ აღმოსავლეთს შორის და მეორეს მხრივ, თურქეთსა და ევროპას შორის. აღმოსავლეთ-დასავლეთის ავტომაგისტრალის მთავარ სასაზღვრო კვეთის პუნქტებთან დაკავშირება მნიშვნელოვანია საქართველოსთვის, რომელიც აბრეშუმის გზაზე სატრანზიტო ქვეყნის როლს ასრულებს. საპროექტო გზის მონაკვეთი წარმოადგენს თბილისიდან კახეთის მიმართულებით დამაკავშრებელ ძირითად მაგისტრალს და როგორც აღინიშნა, აზერბაიჯანის ჩრდილო-დასავლეთ რეგიონთან დამაკავშირებელ სატრანზიტო კორიდორს. აღსანიშნავია ის ფაქტი, რომ არსებული გზა გადის ისეთ მჭიდროდ დასახლებულ სოფლებსა და ქალაქებში როგორებიცაა, ვაზიანი, სართიჭალა, ნინოწმინდა და საგარეჯო, სადაც დასახლებული პუნქტების სპეციფიკიდან გამომდინარე ხდება ადგილობრივი ავტონტრანსპორტის გამჭოლად გამავალ სარანსპორტო ნაკადებთან შერწყმა-აღრევა, ქვეითად მოსიარულეების მიერ გზით სარგებლობა და ამასთანავე პირუტყვის მიერ სავალი ნაწილის დაკავება, რაც მნიშვნელოვნად აფერხებს ავტოტრასნპორტის გადაადგილებას და საფრთხეს უქმნის როგორც მგზავრთა, ასევე ქვეითთა უსაფრთხოდ გადაადგილებას. ტექნიკურ-ეკონომიკური კვლევის ფარგლებში, ალტერნატიული მიმართულებების და მრავალფუნქციური შედარებების საფუძველზე დადგინდა, რომ ავტოტრანსპორტის პროგნოზირებული ინტენსივობა საშუალო ზრდის ტემპით შემდეგი 20 წლის განმავლობაში გაიზრდება (2040 წლისათვის AADT შეადგენს 33 688-ს) და ახალი 4-ზოლიანი ავტომაგისტრალის მშენებლობა ზემოხსენებული გარემოებებიდან გამომდინარე კრიტიკულად აუცილებელია თბილისი-საგარეჯოს მონაკვეთისათვის, რომლის მარშრუტიც სრულიად აუვლის გვერდს დასახლებულ პუნქტებს, რაც გაზრდის დერეფნის გამტარუნარიანობას, შემცირდება გადაადგილების დრო და ხარჯები, გაიზრდება გადაადგილების სიჩქარეები, საგრძნობლად გაუმჯობესდება საგზაო მოძრაობის უსაფრთხოება და განიმუხტება დასახლებული პუნქტები.

საპროექტო გზის ლოტი 1 იწყება 4+040 ნიშნულზე და მთავრდება 27+840 ნიშნულთან, მისი საერთო სიგრძე დაახლოებით 24 კილომეტრია. საპროექტო გზის მონაკვეთი აღმოსავლეთისკენ მიემართება და გადის ვაზიანის ჩრდილოეთით, უხვევს სამხრეთ-აღმოსავლეთით და გადის არსებულ გზაზე პკ.4+798-თან ახლოს. კონსტრუქციის მშენებლობისათვის, რომელიც ორ დერეფანს ჰყოფს, გათვალისწინებულია არსებული გზის რეკონსტრუქცია. საავტომობილო გზა გრძელდება სამხრეთ-აღმოსავლეთით და ორჯერ კვეთს არსებულ რკინიგზას, პკ6+227 და პკ7+511 სადაც შესაბამისი კონსტრუქციებია გათვალისწინებული ორი სატრანსპორტო დერეფნისათვის (საავტომობილო გზა და სარკინიგზო) მათი ცალ-ცალკე გამოყოფით. შემდეგ საავტომობილო გზა ბრუნდება აღმოსავლეთისკენ, შემდგომ ჩრდილოეთით და არსებული სარკინიგზო ხაზის პარალელურად. პკ14+418-ზე გათვალისწინებულია მოეწყოს სართიჭალის დაგეგმილი გადაკვეთა. საპროექტო საავტომობილო გზა გრძელდება, არსებული რკინიგზის ხაზის პარალელურად. გადის მდინარე იორზე, 6 საავტომობილო გზის ხიდით. მდინარის გადაკვეთის შემდეგ, მაგისტრალი გადის იორის მიტოვებულ ქვესადგურზე და გრძელდება არსებული რკინიგზის ხაზის ჩრდილოეთის პარალელურად. პროექტი ითვალისწინებს არსებული ადგილობრივი საგზაო ქსელის მთლიან აღდგენას, რომელსაც კვეთს ახალი საავტომობილო გზა. გათვალისწინებულია რამდენიმე გვერდითი გზა და ვერტიკალური ადგილობრივი გზა ადგილობრივი სატრანსპორტო მომსახურებისა და მიწებამდე მისასვლელების აღდგენის/უზრუნველყოფის მიზნით. გარდა ამისა, კვანძებზე გათვალისწინებულია მეორეხარისხოვანი გზები ახალი საავტომობილო გზის ადგილობრივ საგზაო ქსელთან დასაკავშირებლად.

საპროექტო გზის ლოტი 2-ის მთლიანი სიგრძე დაახლოებით 8 კმ-ია. იგი კვეთს საგარეჯოს მუნიციპალიტეტის მთავარ დასახლებებს – ქალაქ საგარეჯოსა და სოფლებს: ხაშმს, პატარძეულს, ნინოწმინდას, წყაროსთავს, გიორგიწმინდასა და თოხლიაურს. საპროექტო მონაკვეთი იწყება ნიშნულიდან კმ27+840 და სრულდება კმ35+500 ნიშნულზე. ის აგრძელებს კონსტრუქციულ ლოტ 1-ს. დასაწყისი – კმ27+840 მდებარეობს ნინოწმინდამდე, ლორის რკინიგზის სადგურთან, დასასრული – კმ35+500 მდებარეობს თოხლიაურის კვანძის აღმოსავლეთით. საავტომობილო გზა არსებული სარკინიგზო ხაზიდან პარალელურად მიემართება ჩრდილოეთით, დაახლოებით 30+118 პიკეტამდე, სადაც არსებულ სარკინიგზო ხაზზე, მაგისტრალი გადადის ხიდით. 28+607 პიკეტთან ახლოს, გათვალისწინებულია ნინოწმინდას ახალი საავტომობილო კვანძის მოწყობა. 30+118 პიკეტიდან, საიდანაც რკინიგზის ხაზი იკვეთება, საავტომობილო გზა გრძელდება ჩრდილო-აღმოსავლეთით, რომელიც გაივლის საგარეჯოს სამხრეთით. 34+656 პიკეტთან ახლოს გათვალისწინებულია ახალი თოხლიაურის საავტომობილო კვანძის მოწყობა. თოხლიაურის საავტომობილო კვანძის შემდეგ, საავტომობილო გზა მიდის სამხრეთ-აღმოსავლეთის მიმართულებით, 35+500 პიკეტამდე, სადაც მთავრდება საპროექტო გზაზე (ლოტი 2). გათვალისწინებულია, რამდენიმე შემოვლითი და ვერტიკალური ადგილობრივი გზების მოწყობა, რათა აღდგეს წვდომა კერძო მიწის ნაკვეთებზე. გარდა ამისა, გზაჯვარედინზე გათვალისწინებულია მეორადი გზების მოწყობა, ახალი საავტომობილო გზის, ადგილობრივ საგზაო ქსელთან დასაკავშირებლად. თბილისი-საგარეჯო და საგარეჯო-ბაკურციხის გზის მონაკვეთების გასწვრივ დაბლობებზე გვხვდება ძირითადად ზომიერი კლიმატური პირობები, ხოლო მთიან ტერიტორიებსა და ხეობებში (ჩალაუბანიდან ბაკურციხემდე) კლიმატი უფრო მკაცრია. რელიეფის მნიშვნელოვანი ნაწილი ეკუთვნის მარიამჯვარის სახელმწიფო ნაკრძალის მთების სამხრეთით მდებარე, აღმოსავლეთიდან დასავლეთისაკენ გადაჭიმულ ხეობას. რელიეფი ძირითადად სწორია მხოლოდ მცირე ქანობებით, მაგრამ გვხვდება უსწორმასწორო ბორცვებიც. ხეობას კვეთს რამდენიმე მდინარე, რომლებიც არხებს, თხრილებსა და წყლის ნაკადებს ქმნის.

პროექტის განხორციელება მნიშვნელოვანია ქვეყნისთვის, ვინაიდან აღნიშნული გზის მოწყობა უზრუნველყოფს საქართველოში მოქმედი საერთაშორისო სტანდარტებით აშენებულ საავტომობილო გზაზე მოსახლეობისა და სხვადასხვა სატრანსპორტო საშუალებების უსაფრთხო გადაადგილებას მრავალი წლის მანძილზე და პროექტის ფარგლებში, საჭიროებისამებრ, ასევე განხორციელდება მეორეხარისხოვანი და სხვა, საჭირო შიდა გზების რეაბილიტაცია, რაც ასევე უმნიშვნელოვანესია ადგილობრივი მოსახლეობისთვის და აღნიშნული გზებით მოსარგებლე ნებისმიერი პირისთვის.

პროექტის განხორციელების მიზნით დეპარტამენტის დაკვეთით მომზადდა მიწის შესყიდვისა და განსახლების სამოქმედო გეგმა, რომელშიც გათვალისწინებულია პროექტის ზემოქმედების არეალში მოქცეული უძრავი ქონების მესაკუთრეებისთვის ქონების ღირებულებისა და საკომპენსაციო თანხების ანაზღაურების საკითხი.

უძრავი ქონების ნებაყოფლობითი გამოსყიდვის შესახებ დეპარტამენტის მიერ ვერ იქნა შეთანხმება მიღწეული:

გელა ჩეკურაშვილის (პ/ნ 12001070735), გიორგი ჩეკურაშვილის (პ/ნ 12001073555), იაგო ჩეკურაშვილის (პ/ნ 12001073556) და ლილი ჭიკაიძის (პ/ნ 12001080875) თანასაკუთრებაში არსებული უძრავი ქონების (ს/კ №81.12.15.676) ნაწილის ნებაყოფლობით გამოსყიდვაზე;

თამაზი ბანცაძის (პ/ნ 12002001099) საკუთრებაში არსებული უძრავი ქონების (ს/კ №81.12.21.558) ნაწილის ნებაყოფლობით გამოსყიდვაზე;

რაფაელ აჯამიანის (პ/ნ 01027051262) საკუთრებაში არსებული უძრავი ქონების (ს/კ №81.10.27.856) ნაწილის ნებაყოფლობით გამოსყიდვაზე;

გელა რატიშვილის (პ/ნ 12001032954), ესმა რატიშვილის (პ/ნ 12001054964) და შოთა ბაღდასაროვის (პ/ნ 12001095568) თანასაკუთრებაში არსებული უძრავი ქონების (ს/კ №81.12.19.137) ნაწილის ნებაყოფლობით გამოსყიდვაზე;

ნიკოლოზი მერებაშვილის (პ/ნ 12001070980), ვანო მერებაშვილის (პ/ნ 12001070978), ლიანა მერაბიშვილის (პ/ნ 12001035631), ლიანა მერებაშვილის (პ/ნ 12001031647) მარიამი მერებაშვილის (პ/ნ 12001070979) და მაყვალა მერაბიშვილის (პ/ნ 12001070977) თანასაკუთრებაში არსებული უძრავი ქონების (ს/კ №81.10.28.740, 81.10.28.741) ნებაყოფლობით გამოსყიდვაზე;

გოჩა ფერაშვილის (პ/ნ 12001038992), აკაკი ფერაშვილის (პ/ნ 12001091220) და მარეხი დელიბაშვილის (პ/ნ 01034003726) თანასაკუთრებაში არსებული უძრავი ქონების (ს/კ №81.10.28.793) ნაწილის ნებაყოფლობით გამოსყიდვაზე;

ბადრი ზუმბაძის (პ/ნ 12001072454), გიორგი ზუმბაძის (პ/ნ 12001084878), მზია ზუმბაძის (პ/ნ 12001045572), სალომე ზუმბაძის (პ/ნ 12001084879) და ქეთევან მეკოკიშვილის (პ/ნ 01001026183) თანასაკუთრებაში არსებული უძრავი ქონების (ს/კ №81.12.15.680) ნაწილის ნებაყოფლობით გამოსყიდვაზე;

მერაბ ბეჟიტაშვილის (პ/ნ 36001006261) საკუთრებაში არსებული უძრავი ქონების (ს/კ N55.10.52.049) ნებაყოფლობით გამოსყიდვაზე;

გოჩა ჩერქეზიშვილის (პ/ნ 36001002096) საკუთრებაში არსებული უძრავი ქონების (ს/კ 55.10.52.064)) ნაწილის ნებაყოფლობით გამოსყიდვაზე.

აღნიშნულიდან გამომდინარე, საქართველოს რეგიონული განვითარებისა და ინფრასტრუქტურის სამინისტრომ შუამდგომლობით მომართა საქართველოს ეკონომიკისა და მდგრადი განვითარების სამინისტროს ექსპროპრიაციის პროცედურის დაწყების შუამდგომლობით და საქართველოს საავტომობილო გზების დეპარტამენტისათვის აუცილებელი საზოგადოებრივი საჭიროებისათვის ექსპროპრიაციის უფლების მინიჭება მოითხოვა. 

წარმოდგენილი განცხადებების საფუძვლიანობის შემოწმებისა და ფაქტობრივი გარემოებების შეფასების შედეგად, მიზანშეწონილია დაკმაყოფილდეს საქართველოს რეგიონული განვითარებისა და ინფრასტრუქტურის სამინისტროს შუამდგომლობა და დეპარტამენტს მოთხოვნილ უძრავ ქონებაზე მიენიჭოს ექსპროპრიაციის უფლება შემდეგ გარემოებათა გამო:

დადგენილია, რომ დეპარტამენტის მიერ ხორციელდება საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის ვაზიანი-საგარეჯოს (კმ4+040-კმ27+840) საავტომობილო გზის მონაკვეთის (ლოტი 1) და საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის თბილისი-ბაკურციხის კმ27+840-კმ35+500 (საგარეჯოს შემოვლითი გზა) საავტომობილო გზის მონაკვეთის (ლოტი 2) მშენებლობის პროექტები.

საჯარო რეესტრის ამონაწერით დასტურდება, რომ გარდაბნის მუნიციპალიტეტის სოფელ სართიჭალაში მდებარე 1100 კვ. მეტრი მიწის ნაკვეთის (ს/კ №81.12.15.676) თანამესაკუთრეები არიან: გელა ჩეკურაშვილი (პ/ნ 12001070735), გიორგი ჩეკურაშვილი (პ/ნ 12001073555), იაგო ჩეკურაშვილი (პ/ნ 12001073556) და ლილი ჭიკაიძე (პ/ნ 12001080875).

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა გელა ჩეკურაშვილის, გიორგი ჩეკურაშვილის, იაგო ჩეკურაშვილის და ლილი ჭიკაიძის თანასაკუთრებაში არსებული უძრავი ქონების ნაწილი 135 კვ.მ-ის ოდენობით (ს/კN 81.12.15.676);

საჯარო რეესტრის ამონაწერით დასტურდება, რომ გარდაბნის მუნიციპალიტეტის, სოფელ სართიჭალაში მდებარე 47 321 კვ.მ-ის ფართის მიწის ნაკვეთის (ს/კ №81.12.21.558) მესაკუთრეა თამაზი ბანცაძე (პ/ნ 12002001099);

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა თამაზი ბანცაძის საკუთრებაში არსებული უძრავი ქონების ნაწილი 4077 კვ.მ-ის ოდენობით, მასზე არსებული შენობა-ნაგებობები (მათ შორის, ღობე) და მრავალწლიანი ნარგავები (ს/კ №81.12.21.558);

საჯარო რეესტრის ამონაწერით დასტურდება, რომ გარდაბნის მუნიციპალიტეტის, სოფელ მარტყოფში მდებარე 600 კვ. მ. ფართის მიწის ნაკვეთის (ს/კN 81.10.27.856) მესაკუთრეა რაფაელ აჯამიანი (პ/ნ 01027051262);

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა რაფაელ აჯამიანის საკუთრებაში არსებული უძრავი ქონების ნაწილი – 337 კვ. მ-ის ოდენობით (ს/კ №81.10.27.856).

საჯარო რეესტრის ამონაწერით დასტურდება, რომ გარდაბნის მუნიციპალიტეტის სოფელ სართიჭალაში მდებარე 1500 კვ.მ ფართის მიწის ნაკვეთის (ს/კ N 81.12.19.137) თანამესაკუთრეები არიან გელა რატიშვილი (პ/ნ 12001032954), ესმა რატიშვილი (პ/ნ 12001054964) და შოთა ბაღდასაროვი (პ/ნ 12001095568);

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა გელა რატიშვილის, ესმა რატიშვილის და შოთა ბაღდასაროვის თანასაკუთრებაში არსებული მიწის ნაკვეთი სრულად (ს/კკ 81.12.19.137);

საჯარო რეესტრის ამონაწერით დასტურდება, რომ გარდაბნის მუნიციპალიტეტის, სოფელ ვაზიანში მდებარე 2400 კვ. მ. ფართის მიწის ნაკვეთის (ს/კN 81.10.28.740) და გარდაბნის მუნიციპალიტეტის სოფელ ვაზიანში მდებარე 2400 კვ.მ ფართის მიწის ნაკვეთის (ს/კ №81.10.28.741) თანამესაკუთრები არიან: ნიკოლოზი მერებაშვილი (პ/ნ 12001070980), ვანო მერებაშვილი (პ/ნ 12001070978), ლიანა მერაბიშვილი (პ/ნ 12001035631), ლიანა მერებაშვილი (პ/ნ 12001031647), მარიამი მერებაშვილი (პ/ნ 12001070979) და მაყვალა მერაბიშვილი (პ/ნ 12001070977;

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა ნიკოლოზი მერებაშვილის, ვანო მერებაშვილის, ლიანა მერაბიშვილის, ლიანა მერებაშვილის, მარიამი მერებაშვილის და მაყვალა მერაბიშვილის თანასაკუთრებაში არსებული უძრავი ქონება სრულად მასზე არსებული მრავალწლიანი ნარგავებით (ს/კ №81.10.28.740) და ასევე უძრავი ქონება სრულად (ს/კN 81.10.28.741);

საჯარო რეესტრის ამონაწერით დასტურდება, რომ გარდაბნის მუნიციპალიტეტის, სოფელ ვაზიანში მდებარე 2000 კვ. მ. ფართის მიწის ნაკვეთის (ს/კ 81.10.28.793) თანამესაკუთრეები არიან: გოჩა ფერაშვილი (პ/ნ 12001038992), აკაკი ფერაშვილი (პ/ნ 12001091220) და მარეხი დელიბაშვილი (პ/ნ 01034003726);

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა გოჩა ფერაშვილის, აკაკი ფერაშვილის და მარეხი დელიბაშვილის თანასაკუთრებაში არსებული უძრავი ქონების ნაწილი - 661 კვ.მ. მიწის ნაკვეთი (ს/კ №81.10.28.793);

საჯარო რეესტრის ამონაწერით დასტურდება, რომ გარდაბნის მუნიციპალიტეტის სოფელ სართიჭალაში მდებარე 2264 კვ. მ. ფართის მიწის ნაკვეთის (ს/კ №81.12.15.680) თანამესაკუთრეები არიან ბადრი ზუმბაძე (პ/ნ 12001072454), გიორგი ზუმბაძე (პ/ნ 12001084878), მზია ზუმბაძე (პ/ნ 12001045572), სალომე ზუმბაძე (პ/ნ 12001084879) და ქეთევან მეკოკიშვილი (პ/ნ 01001026183);

დადგენილია, რომ პროექტის (ლოტი 1) სამშენებლო სამუშაოების განხორციელების არეალში ექცევა ბადრი ზუმბაძის, გიორგი ზუმბაძის, მზია ზუმბაძის, სალომე ზუმბაძის და ქეთევან მეკოკიშვილის თანასაკუთრებაში არსებული უძრავი ქონების ნაწილი - 460 კვ.მ-ის ოდენობით (ს/კ №81.12.15.680);

საჯარო რეესტრის ამონაწერით დასტურდება, რომ საგარეჯოს მუნიციპალიტეტის, სოფელ თოხლიაურში მდებარე 2 927 კვ. მეტრი ფართის, მიწის ნაკვეთის (ს/კ N55.10.52.049) მესაკუთრეა მერაბ ბეჟიტაშვილი (პ/ნ 36001006261);

დადგენილია, რომ პროექტის (ლოტი 2) სამშენებლო სამუშაოების განხორციელების არეალში ექცევა მერაბ ბეჟიტაშვილის საკუთრებაში არსებული უძრავი ქონება (მიწის ნაკვეთი სრულად, მასზე არსებული შენობა-ნაგებობა (ღობე) და მრავალწლიანი ნარგავები) ს/კN 55.10.52.049;

საჯარო რეესტრის ამონაწერით დასტურდება, რომ საგარეჯოს მუნიციპალიტეტის, სოფელ თოხლიაურში მდებარე 6632 კვ.მ ფართის მიწის ნაკვეთის (ს/კ N55.10.52.064) მესაკუთრეა გოჩა ჩერქეზიშვილი (პ/ნ 36001002096);

დადგენილია, რომ პროექტის (ლოტი 2) სამშენებლო სამუშაოების განხორციელების არეალში ექცევა გოჩა ჩერქეზიშვილის საკუთრებაში არსებული მიწის ნაკვეთის ნაწილი 3 894 კვ. მ-ის ოდენობით, მასზე არსებული შენობა-ნაგებობა (ღობე) და მრავალწლიანი ნარგავები (ს/კ N55.10.52.064).

საკუთრების უფლების, ისევე როგორც სხვა ძირითადი უფლებების, სამართლებრივ გარანტიას, წარმოადგენს კონსტიტუცია. უშუალოდ საკუთრების უფლების კონკრეტული კონსტიტუციური გარანტია ასახულია კონსტიტუციის მე-19 მუხლში, რომლის პირველი პუნქტის თანახმად, „საკუთრება და მემკვიდრეობის უფლება აღიარებული და უზრუნველყოფილია". საკუთრების, როგორც ძირითადი უფლების გარანტია, პირველ რიგში, ნიშნავს თითოეული მესაკუთრის უფლებას თავი დაიცვას სახელმწიფოს გაუმართლებელი და სხვა პირების ნებისმიერი ჩარევისგან. თუმცა საკუთრების უფლება არ არის აბსოლუტური უფლება.

საქართველოს კონსტიტუციის მე-19 მუხლი ითვალისწინებს საჯარო ინტერესებისათვის ამ უფლების შეზღუდვას კანონით განსაზღვრულ შემთხვევებში და დადგენილი წესით. ამავე მუხლის მე-3 პუნქტის თანახმად, „აუცილებელი საზოგადოებრივი საჭიროებისათვის საკუთრების ჩამორთმევა დასაშვებია კანონით პირდაპირ გათვალისწინებულ შემთხვევებში, სასამართლოს გადაწყვეტილების ან ორგანული კანონით დადგენილი გადაუდებელი აუცილებლობისას, წინასწარი, სრული და სამართლიანი ანაზღაურების პირობით. ანაზღაურება თავისუფლდება ყოველგვარი გადასახადისა და მოსაკრებლისგან“. აღნიშნული ნორმით გათვალისწინებულ საკუთრების ჩამორთმევაში იგულისხმება ექსპროპრიაცია, რომლის პირობები და წესი დადგენილია „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონით. „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-2 მუხლის პირველი პუნქტის შესაბამისად, „ამ კანონის მიზანია, განსაზღვროს აუცილებელი საზოგადოებრივი საჭიროებისათვის ექსპროპრიაციის უფლების მინიჭებისა და ექსპროპრიაციის განხორციელების წესი. აუცილებელი საზოგადოებრივი საჭიროებისათვის ექსპროპრიაცია ხორციელდება საქართველოს ეკონომიკისა და მდგრადი განვითარების მინისტრის ბრძანების საფუძველზე და სასამართლოს გადაწყვეტილებით, სახელმწიფო ორგანოს ან ადგილობრივი თვითმმართველობის ორგანოს ანდა საჯარო ან კერძო სამართლის იურიდიული პირის სასარგებლოდ, რომელსაც ამ კანონის შესაბამისად ენიჭება ექსპროპრიაციის უფლება.“

ამავე მუხლის მე-2 პუნქტის „ა“ ქვეპუნქტის თანახმად კი, აუცილებელი საზოგადოებრივი საჭიროებისათვის ექსპროპრიაცია ხორციელდება გზისა და მაგისტრალის გაყვანა-მშენებლობისათვის.

ვინაიდან დეპარტამენტის მიერ ვერ ხერხდება უძრავი ქონების გამოსყიდვის თაობაზე კერძო მესაკუთრეებთან შეთანხმების მიღწევა, არსებობს ექსპროპრიაციის გზით საკუთრების უფლების ჩამორთმევის საჭიროება. ამასთან, საექსპროპრიაციო ქონების ღირებულებასთან დაკავშირებით ექსპროპრიატორისა და ქონების მესაკუთრის შეუთანხმებლობის საკითხის განხილვა/გადაწყვეტა არ წარმოადგენს საქართველოს ეკონომიკისა და მდგრადი განვითარების სამინისტროს უფლებამოსილებას. „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-8 მუხლის პირველი პუნქტის მიხედვით, „თუ ექსპროპრიატორი და ქონების მესაკუთრე ვერ თანხმდებიან ქონების საბაზრო ღირებულებასა და საკომპენსაციო თანხაზე ან კომპენსაციის სახით შეთავაზებული ქონების გადაცემაზე, მაშინ თითოეულ მხარეს უფლება აქვს სარჩელი შეიტანოს სასამართლოში განსჯადობის მიხედვით, საქართველოს სამოქალაქო კანონმდებლობით დადგენილი წესით.“

ამდენად, „აუცილებელი საზოგადოებრივი საჭიროებისათვის საკუთრების ჩამორთმევის წესის შესახებ“ საქართველოს კანონის მე-2 მუხლის მე-2 პუნქტის „ა“ ქვეპუნქტის, მე-3 მუხლის პირველი პუნქტისა და საქართველოს ეკონომიკისა და მდგრადი განვითარების მინისტრის 2016 წლის 25 მარტის №1-1/159 ბრძანებით შექმნილი კომისიის 2021 წლის 2 ნოემბრის ოქმის საფუძველზე, ვბრძანებ:

1. საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის ვაზიანი-საგარეჯოს (კმ4+040-კმ27+840) საავტომობილო გზის მონაკვეთის მშენებლობის პროექტი (ლოტი 1) ჩაითვალოს აუცილებელი საზოგადოებრივი საჭიროების მქონე პროექტად და საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულ - სახელმწიფო საქვეუწყებო დაწესებულებას საქართველოს საავტომობილო გზების დეპარტამენტს მიენიჭოს ექსპროპრიაციის უფლება პროექტის არეალში მოქცეულ შემდეგ უძრავ ქონებაზე:

1.1 გარდაბნის მუნიციპალიტეტის სოფელ სართიჭალაში მდებარე გელა ჩეკურაშვილის (პ/ნ 12001070735), გიორგი ჩეკურაშვილის (პ/ნ 12001073555), იაგო ჩეკურაშვილის (პ/ნ 12001073556) და ლილი ჭიკაიძის (პ/ნ 12001080875 თანასაკუთრებაში არსებულ 1100 კვ.მ მიწის ნაკვეთის ნაწილზე - 135 კვ.მ-ის ოდენობით (ს/კ №81.12.15.676);

1.2 გარდაბნის მუნიციპალიტეტის სოფელ სართიჭალაში მდებარე თამაზი ბანცაძის (პ/ნ 12002001099) საკუთრებაში არსებულ 47 321 კვ.მ. ფართის მიწის ნაკვეთის ნაწილზე 4 077 კვ.მ-ის ოდენობით, მასზე არსებულ შენობა-ნაგებობასა (მათ შორის, ღობე) და მრავალწლიან ნარგავებზე (ს/კ №81.12.21.558);

1.3 გარდაბნის მუნიციპალიტეტის სოფელ მარტყოფში მდებარე რაფაელ აჯამიანის (პ/ნ 01027051262) საკუთრებაში არსებულ 600 კვ. მ. ფართის მიწის ნაკვეთის ნაწილზე  337 კვ. მ-ის ოდენობით (ს/კ №81.10.27.856);

1.4 გარდაბნის მუნიციპალიტეტის სოფელ სართიჭალაში მდებარე გელა რატიშვილის (პ/ნ 12001032954), ესმა რატიშვილის (პ/ნ 12001054964) და შოთა ბაღდასაროვის (პ/ნ 12001095568) თანასაკუთრებაში არსებულ 1500 კვ.მ ფართის მიწის ნაკვეთზე სრულად (ს/კ N 81.12.19.137);

1.5 გარდაბნის მუნიციპალიტეტის სოფელ ვაზიანში მდებარე ნიკოლოზი მერებაშვილის (პ/ნ 12001070980), ვანო მერებაშვილის (პ/ნ 12001070978), ლიანა მერაბიშვილის (პ/ნ 12001035631), ლიანა მერებაშვილის (პ/ნ 12001031647) მარიამი მერებაშვილის (პ/ნ 12001070979) და მაყვალა მერაბიშვილის (პ/ნ 12001070977) საკუთრებაში არსებულ 2400 კვ.მ. ფართის მიწის ნაკვეთზე სრულად (ს/კ №81.10.28.741) და გარდაბნის მუნიციპალიტეტის სოფელ ვაზიანში მდებარე ნიკოლოზი მერებაშვილის (პ/ნ 12001070980), ვანო მერებაშვილის (პ/ნ 12001070978), ლიანა მერაბიშვილის (პ/ნ 12001035631), ლიანა მერებაშვილის (პ/ნ 12001031647) მარიამი მერებაშვილის (პ/ნ 12001070979) და მაყვალა მერაბიშვილის (პ/ნ 12001070977) საკუთრებაში არსებული 2400 კვ.მ. ფართის მიწის ნაკვეთზე სრულად და მრავალწლიან ნარგავებზე (ს/კ N 81.10.28.740);

1.6 გარდაბნის მუნიციპალიტეტის სოფელ ვაზიანში მდებარე გოჩა ფერაშვილის (პ/ნ 12001038992), აკაკი ფერაშვილის (პ/ნ 12001091220) და მარეხი დელიბაშვილის (პ/ნ 01034003726) საკუთრებაში არსებულ 2000 კვ. მ. ფართის მიწის ნაკვეთის ნაწილზე 661 კვ.მ-ის ოდენობით (ს/კ №81.10.28.793);

1.7 გარდაბნის მუნიციპალიტეტის სოფელ სართიჭალაში მდებარე ბადრი ზუმბაძის (პ/ნ 12001072454), გიორგი ზუმბაძის (პ/ნ 12001084878), მზია ზუმბაძის (პ/ნ 12001045572), სალომე ზუმბაძის (პ/ნ 12001084879) და ქეთევან მეკოკიშვილის (პ/ნ 01001026183) თანასაკუთრებაში არსებულ 2264 კვ. მ. ფართის მიწის ნაკვეთის ნაწილზე 460 კვ.მ-ის ოდენობით (ს/კ №81.12.15.680).

2. საერთაშორისო მნიშვნელობის თბილისი-ბაკურციხე-ლაგოდეხის (აზერბაიჯანის რესპუბლიკის საზღვარი) საავტომობილო გზის თბილისი-ბაკურციხის კმ27+840-კმ35+500 (საგარეჯოს შემოვლითი გზა) საავტომობილო გზის მონაკვეთის (ლოტი 2) მშენებლობის პროექტი ჩაითვალოს აუცილებელი საზოგადოებრივი საჭიროების მქონე პროექტად და საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულ სახელმწიფო საქვეუწყებო დაწესებულებას – საქართველოს საავტომობილო გზების დეპარტამენტს მიენიჭოს ექსპროპრიაციის უფლება პროექტის არეალში მოქცეულ შემდეგ უძრავ ქონებაზე:

2.1 საგარეჯოს მუნიციპალიტეტის სოფელ თოხლიაურში მდებარე მერაბ ბეჟიტაშვილის (პ/ნ 36001006261) საკუთრებაში არსებულ 2 927 კვ. მ. ფართის მიწის ნაკვეთზე და მასზე არსებულ შენობა-ნაგებობასა (ღობე) და მრავალწლიან ნარგავებზე (ს/კ N55.10.52.049);

2.2 საგარეჯოს მუნიციპალიტეტის სოფელ თოხლიაურში მდებარე გოჩა ჩერქეზიშვილის (პ/ნ 36001002096) საკუთრებაში არსებულ 6632 კვ.მ. ფართის მიწის ნაკვეთის ნაწილზე-3 894 კვ. მ-ის ოდენობით და მასზე არსებულ შენობა-ნაგებობასა (ღობე) და მრავალწლიან ნარგავებზე (ს/კ N55.10.52.064).

3. ბრძანება შეიძლება გასაჩივრდეს მისი გამოქვეყნების ან ოფიციალური წესით გაცნობის დღიდან ერთი თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში (მის: ქ. თბილისი, დ. აღმაშენებლის ხეივანი N64).

მინისტრი   ნათელა თურნავა