“საქართველოს ტრანსპორტისა და კომუნიკაციების მინისტრის 2000 წლის 28 დეკემბრის №53 ბრძანებით დამტკიცებულ “საქართველოს რკინიგზის სატარიფო პოლიტიკა 2001 საფრახტო წლისათვის” დამატების შეტანის თაობაზე”

სახელმწიფო სარეგისტრაციო კოდი 310.010.000.11.115.004.987

საქართველოს ტრანსპორტისა და კომუნიკაციების მინისტრის

ბრძანება №83

2001 წლის 27 სექტემბერი

ქ. თბილისი

საქართველოს ტრანსპორტისა და კომუნიკაციების მინისტრის 2000 წლის  28 დეკემბრის №53 ბრძანებით დამტკიცებულ “ ,,საქართველოს რკინიგზის სატარიფო პოლიტიკა 2001 საფრახტო წლისათვის” დამატების შეტანის თაობაზე

ტვირთის მოზიდვის მიზნით, “სარკინიგზო ტრანსპორტის შესახებ” საქართველოს კანონის მე-6 მუხლის, “ფასებისა და ფასწარმოქმნის საფუძვლების შესახებ” საქართველოს კანონის შესაბამისად, საქართველოს ტრანსპორტისა და კომუნიკაციების მინისტრის 2000 წლის 28 დეკემბრის №53 ბრძანებით დამტკიცებულ “საქართველოს რკინიგზის სატარიფო პოლიტიკა 2001 საფრახტო წლისათვის“ შეტანილ იქნეს შემდეგი დამატება:

1. მე-5 მუხლს დაემატოს მე-4 პუნქტი შემდეგი რედაქციით:

“4. აქტაუს საბორნე გადასასვლელის მონაწილეობით გადაზიდული ტვირთების ტრანზიტულად გადაზიდვისას დადგინდეს ქ. სერახსში ოთხი ქვეყნის პრეზიდენტების მიერ ხელმოწერილი “საქართველოს, აზერბაიჯანის რესპუბლიკას, თურქმენეთისა და უზბეკეთის რესპუბლიკას შორის რკინიგზის ტრანსპორტის საქმიანობის კოორდინაციის შესახებ” ხელშეკრულების სატარიფო პირობები.”

2. ბრძანება ძალაში შევიდეს მისი ოფიციალურ ბეჭდვით ორგანოში გამოქვეყნების დღიდან.

მ. ადეიშვილი