„2021 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2020 წლის 31 დეკემბრის №828 დადგენილებაში ცვლილების შეტანის თაობაზე

1. მე-3 მუხლს დაემატოს შემდეგი შინაარსის „ტ“ ქვეპუნქტი:

„ტ) ახალი კორონავირუსის დადასტურებულ შემთხვევებზე რეაგირებისა და კონტროლის ღონისძიებების ფარგლებში, ჟანგბადის წარმოებისათვის საჭირო აირგენერატორებისა (ჟანგბადის მწარმოებელი გენერატორები, კომპრესორები, თანმდევი ნაწილები) და თანმდევი მომსახურების სახელმწიფო შესყიდვას არა უმეტეს 6,199,000 ლარისა.“.

2. მე-7 მუხლის მე-3 პუნქტი ჩამოყალიბდეს შემდეგი რედაქციით:

„3. პროგრამის მე-3 მუხლის „კ“, „ნ“ და „ს“ ქვეპუნქტების, ასევე „პ.ა“ (გარდა ამავე მუხლის მე-2 პუნქტით განსაზღვრულისა), „პ.გ“ და „ტ“ ქვეპუნქტების განმახორციელებელია სამინისტრო.“.

3. მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 752,389.0 ათასი ლარით.“.

4. მე-9 მუხლს დაემატოს შემდეგი შინაარსის  მე-18 პუნქტი:

„18. პროგრამის მე-3 მუხლის „ტ“ ქვეპუნქტით გათვალისწინებული მომსახურების/საქონლის შესყიდვა ხორციელდება გადაუდებელი აუცილებლობით, ერთობლივი შესყიდვის გზით, საქართველოს ეკონომიკისა და მდგრადი განვითარების სამინისტროსთან ერთად, „სახელმწიფო  შესყიდვების  შესახებ“  საქართველოს კანონის 10¹ მუხლის  მე-3 პუნქტის „ბ“ ქვეპუნქტის ან/და „დ“ ქვეპუნქტის გათვალისწინებით, გამარტივებული შესყიდვის საშუალებით, საქართველოს მთავრობის 2020 წლის 28 იანვრის №164 განკარგულებით დამტკიცებული გეგმის მე-4 მუხლის მე-7 პუნქტის „ე“ ქვეპუნქტის შესაბამისად.“.