“საქართველოს სათბობ-ენერგეტიკის მინისტრის 2001 წლის 11 აპრილის №21 ბრძანებით დამტკიცებული საქართველოს სათბობ-ენერგეტიკის სამინისტროს სახელმწიფო საქვეუწყებო დაწესებულების ენერგოზედამხედველობისა და სათბობის ხარისხის დეპარტამენტის დებულებაში დამატების შეტანის თაობაზე.”

სახელმწიფო სარეგისტრაციო კოდი 010.240.010.11.113.004.893

საქართველოს სათბობ-ენერგეტიკის მინისტრის

ბრძანება №39

2001 3 აგვისტო

ქ. თბილისი

საქართველოს სათბობ-ენერგეტიკის მინისტრის 2001 წლის 11 აპრილის №21 ბრძანებით დამტკიცებულ საქართველოს სათბობ-ენერგეტიკის სამინისტროს სახელმწიფო საქვეუწყებო დაწესებულების ენერგოზედამხედველობისა და სათბობის ხარისხის დეპარტამენტის დებულებაში დამატების შეტანის თაობაზე

„ნორმატიული აქტების შესახებ” კანონის 36-ე მუხლის, „აღმასრულებელი ხელისუფლების სტრუქტურის და საქმიანობის წესის შესახებ” საქართველოს კანონის, საქართველოს სათბობ-ენერგეტიკის სამინისტროს დებულების შესახებ” საქართველოს პრეზიდენტის 1997 წლის 1 დეკემბრის №703 ბრძანებულების შესაბამისად, ვბრძანებ:

საქართველოს სათბობ-ენერგეტიკის მინისტრის 2001 წლის 11 აპრილის №21 ბრძანებით დამტკიცებულ „საქართველოს სათბობ-ენერგეტიკის სამინისტროს სახელმწიფო საქვეუწყებო დაწესებულების ენერგოზედამხედველობისა და სათბობის ხარისხის დეპარტამენტის დებულების დამტკიცების შესახებ” დებულებაში შეტანილ იქნეს შემდეგი ცვლილება და დამატება.

1. დებულების მე-13 პუნქტი ჩამოყალიბდეს შემდეგი რედაქციით:

„13 დეპარტამენტის თავმჯდომარეს ჰყავს ორი მოადგილე (მათ შორის, ერთი პირველი), რომელთაც თანამდებობაზე ნიშნავს და თანამდებობიდან ათავისუფლებს დეპარტამენტის თავმჯდომარე მინისტრთან შეთანხმებით.”.

2. დებულებას დაემატოს შემდეგი შინაარსის IV¹ თავი.

„IV¹. დეპარტამენტის სტრუქტურა

15¹. დეპარტამენტის ცენტრალური აპარატის სტრუქტურაშია:

ა) საორგანიზაციო-საფინანსო სამმართველო;

ბ) ენერგეტიკული სამმართველო;

გ) ტექნიკური სამმართველო;

დ) სერტიფიკაციისა და სათბობის ხარისხის სამმართველო;

ე) იურიდიული სამსახური..

3. ეს ბრძანება ამოქმედდეს გამოქვეყნებისთანავე.

დ. მირცხულავა