“საქართველოს ელექტროენერგიის საბითუმო ბაზრისა და გაზის ტრანსპორტირების კომპანიის მიერ სს “ეი-ი-ეს მტკვარის” და სს “თბილსრესისთვის” ბუნებრივი გაზის მიწოდების ტარიფის დადგენის შესახებ”

 სახელმწიფო სარეგისტრაციო კოდი 300.280.000.14.011.004.863

საქართველოს ენერგეტიკის მარეგულირებელი ეროვნული

კომისიის (სემეკ) დადგენილება №5

2001 წლის 11 ივლისი

 ქ. თბილისი

საქართველოს ელექტროენერგიის საბითუმო ბაზრისა და გაზის ტრანსპორტირების კომპანიის მიერ სს „ეი-ი-ეს მტკვრის“ და სს „თბილსრესისთვის“ ბუნებრივი გაზის მიწოდების ტარიფის დადგენის შესახებ

ზამთრის პერიოდში ქვეყნის ენერგოსისტემაში შექმნილი საგანგებო მდგომარეობას გათვალისწინებით, 2001 წლის დასაწყისში „ეი-ი-ეს მტკვრის“ კუთვნილი მე-9 და მე-10 ენერგობლოკებისათვის ბუნებრივი გაზის მიწოდების აღდგენის ხელშეწყობის მიზნით, საქართველოს პრეზიდენტის 2001 წლის 4 იანვრის №1 „მიმდინარე ზამთრის პერიოდში ქვეყნის თბოელექტროსადგურებისთვის ბუნებრივი გაზის მიწოდების უზრუნველყოფის დროებით ღონისძიებათა შესახებ“ და 2001 წლის 20 მაისის №202 „საქართველოს პრეზიდენტის 2001 წლის 4 იანვრის №1 ბრძანებულებით გათვალისწინებული ღონისძიებების დამატებითი უზრუნველყოფის შესახებ“ ბრძანებულებების შესასრულებლად, 2001 წლის 4 იანვრიდან 9 აპრილამდე, ელექტროენერგიის გამომუშავებისათვის, ბუნებრივი გაზის შესყიდვასა და მიწოდებასთან დაკავშირებით „იტერას“, საქართველოს გაზის საერთაშორისო კორპორაციას, საქართველოს გაზის ტრანსპორტირების კომპანიას, ელექტროენერგიის საბითუმო ბაზარს, „ეი-ი-ეს მტკვარსა“ და სს ”თბილსრესს“ შორის გაფორმებული ხელშეკრულებების პირობების გათვალისწინებით, ”ელექტროენერგეტიკისა და ბუნებრივი გაზის შესახებ“ საქართველოს კანონის მე-5 მუხლის პირველი პუნქტის შესაბამისად, სემეკ-ი ადგენს:

1. დამტკიცდეს საქართველოს ელექტროენერგიის საბითუმო ბაზრისა და საქართველოს გაზის ტრანსპორტირების კომპანიის მიერ სს „ეი-ი-ეს მტკვარისა“ და სს „თბილსრესისთვის“ ბუნებრივი გაზის მიწოდების ტარიფი (ტრანსპორტირების გარეშე), ყოველი 1000 კუბ. მეტრისათვის, აღნიშნული ხელშეკრულებებით განსაზღვრული პირობების გათვალისწინებით 50.0 აშშ დოლარის ეკვივალენტი ეროვნულ ვალუტაში, ანგარიშსწორების მომენტისათვის ეროვნული ბანკის მიერ დადგენილი კურსის შესაბამისად.

2. დადგენილება ძალაშია გამოქვეყნებისთანავე და მისი მოქმედება ვრცელდება აღნიშნული ხელშეკრულებებით გათვალისწინებულ პერიოდზე.

თავმჯდომარე                                                  ელ. ერისთავი