ზოგიერთი საარჩევნო ღონისძიების ვადის განსაზღვრის შესახებ

საქართველოს ორგანული კანონის „საქართველოს საარჩევნო კოდექსი“ მე-14 მუხლის პირველი პუნქტის „გ“ ქვეპუნქტისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:

მუნიციპალიტეტის ორგანოთა 2021 წლის 2 ოქტომბრის არჩევნებისთვის, საქართველოს ორგანული კანონის „საქართველოს საარჩევნო კოდექსი“ 31-ე მუხლის მე-11 პუნქტითა და 34-ე მუხლის პირველი პუნქტით გათვალისწინებული საუბნო საარჩევნო კომისიებისთვის ცესკოს მიერ დამოწმებული ამომრჩეველთა ერთიანი სიის საჯარო ინფორმაციისათვის მიკუთვნებული ვერსიის გადაცემისა და ამომრჩეველთა ერთიანი სიის საჯარო ინფორმაციისათვის მიკუთვნებული ვერსიის (ფოტოსურათების გარეშე) საუბნო საარჩევნო კომისიის შენობაში თვალსაჩინო ადგილას გამოკვრის ახალ ვადად განისაზღვროს კენჭისყრამდე არაუგვიანეს 25-ე დღე (7 სექტემბერი).

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი №64) მისი მიღებიდან 2 კალენდარული დღის ვადაში.

ეს დადგენილება ამოქმედდეს  გამოქვეყნებისთანავე.