“საქართველოს ტრანსპორტისა და კომუნიკაციების მინისტრის 2000 წლის 28 დეკემბრის №53 ბრძანებით დამტკიცებულ “საქართველოს რკინიგზის სატარიფო პოლიტიკა 2001 საფრახტო წლისათვის” ცვლილებისა და დამატების შეტანის თაობაზე”

სახელმწიფო სარეგისტრაციო კოდი 310.010.000.11.115.004.842

საქართველოს ტრანსპორტისა და კომუნიკაციების მინისტრის

ბრძანება №60

2001 წლის 3 ივლისი

ქ. თბილისი

საქართველოს ტრანსპორტისა და კომუნიკაციების მინისტრის 2000 წლის 28 დეკემბრის №53 ბრძანებით დამტკიცებულ “საქართველოს რკინიგზის სატარიფო პოლიტიკა 2001 საფრახტო წლისათვის“ ცვლილებისა და დამატების შეტანის თაობაზე

ტვირთის მოზიდვის მიზნით, “სარკინიგზო ტრანსპორტის შესახებ” საქართველოს კანონის მე-6 მუხლის, “ფასებისა და ფასწარმოქმნის საფუძვლების შესახებ” საქართველოს კანონის შესაბამისად, საქართველოს ტრანსპორტისა და კომუნიკაციების მინისტრის 2000 წლის 28 დეკემბრის №53 ბრძანებით დამტკიცებულ “საქართველოს რკინიგზის სატარიფო პოლიტიკა 2001 საფრახტო წლისათვის“ შეტანილ იქნეს შემდეგი ცვლილება:

1. მუხლი 10-ის მე-5 პუნქტში სიტყვები “დადგენილი ტარიფის 15 პროცენტი შეღავათით” შეიცვალოს სიტყვებით “ 7 აშშ დოლარი “.

2. მუხლი 11-ის მე-3 პუნქტის – ნავთობი და ნავთობპროდუქტები “ა” ქვეპუნქტს დაემატოს ახალი აბზაცი შემდეგი რედაქციით: “ერთი წლის განმავლობაში, სადგურ გარდაბნიდან სადგურ ბათუმამდე, 500 ათასი და მეტი ტონა “ ნავთობპროდუქტების “ საერთაშორისო გადაზიდვისას დადგინდეს მოცულობითი ტარიფი – მთელი მოცულობის ერთ ტონაზე დადგენილი ტარიფის 15 პროცენტი შეღავათით”.

3. ბრძანება ძალაში შევიდეს მისი ოფიციალურ ბეჭდვით ორგანოში გამოქვეყნების დღიდან.

მ. ადეიშვილი