„საჯარო სამართლის იურიდიული პირის – შრომის ინსპექციის სამსახურის დებულების დამტკიცების შესახებ” საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 26 ნოემბრის №01-119/ნ ბრძანებაში ცვლილების შეტანის თაობაზე

1. ბრძანების მე-3 პუნქტს დაემატოს შემდეგი შინაარსის 3¹ პუნქტი:

 „3¹. სსიპ – შრომის ინსპექციის სამსახურს მიეცეს უფლება თავისი უფლებამოსილებების განხორციელების მიზნით, ისარგებლოს სამინისტროს ოფიციალური ვებგვერდით, ვიდრე არ ექნება საკუთარი ვებგვერდით სარგებლობის შესაძლებლობა.

2. ბრძანებით დამტკიცებული „საჯარო სამართლის იურიდიული პირის – შრომის ინსპექციის სამსახურის დებულების“ მე-5 მუხლის მე-2 პუნქტის:

ა) „ბ“ ქვეპუნქტის პრეამბულა ჩამოყალიბდეს შემდეგი რედაქციით:

„ბ) შრომითი უფლებების ზედამხედველობის დეპარტამენტი:“;

ბ) „დ“ ქვეპუნქტის:

ბ.ა) „დ.ა“ ქვეპუნქტი ჩამოყალიბდეს შემდეგი რედაქციით:

„დ.ა) ადამიანური რესურსების მართვის სამმართველო;“;

ბ.ბ) „დ.გ“ ქვეპუნქტი ჩამოყალიბდეს შემდეგი რედაქციით:

„დ.გ) საქმისწარმოების სამმართველო.“;

გ) „ე“ ქვეპუნქტი ჩამოყალიბდეს შემდეგი რედაქციით:

„ე) იურიდიული დეპარტამენტი:

ე.ა) სამართლებრივი უზრუნველყოფის სამმართველო;

ე.ბ) ადმინისტრაციული საჩივრებისა და სასამართლოებთან ურთიერთობის სამმართველო;

ე.ბ.ა) საჩივრების განხილვის განყოფილება.“.