ბატონი ივანე მაჭავარიანი                                                                                                  24 ნოემბერი, 2020

ფინანსთა მინისტრი

ფინანასთა სამინისტრო

თბილისი, საქართველო

საკითხი: სასესხო შეთანხმებების ცვლილება

ძვირფას მინისტრ მაჭავარიანს,

ჩვენ შევეხებით სასესხო შეთანხმებებს, საქართველოსა („მსესხებელი“) და რეკონსტრუქციისა და განვითარების საერთაშორისო ბანკს („ბანკი“) შორის, მითითებულს ამ წერილის დანართ 1-ში („სასესხო შეთანხმებები“). ასევე ჩვენ შევეხებით ჩვენს წერილს დათარიღებულს 2020 წლის 31 ივლისით, რომელშიც წარმოდგენილია მოთხოვნილი ცვლილებების დასაბუთებული ახსნა.

LIBOR-ის გარდამავლობის დანერგვიასა და ბანკის მიზნის შესაბამისად, შეინარჩუნოს შესაბამისობა დაფინანსებასა და სესხების გაცემის ხარჯებს შორის, ჩვენ ვადასტურებთ ბანკის თანხმობას შეიცვალოს შესაბამისი დებულებები თითოეული შეთანხმებისთვის ამ წერილის დანართ 1-ში ჩამოთვლილი სესხებისთვის ისე, რომ შეიცვალოს ზოგადი პირობები და სასესხო შეთანხმებები, ისე, როგორც წარმოდგენილია ამ წერილის დანართ 2-ში. ამასთან ერთად ბანკის და მსესხებლის მიზანია შესაბამისი ცვლილების დანერგვა ყველა სასესხო შეთანხმებისთვის, რომელთაც შესაძლოა ჰქონდეთ LIBOR ან EURIBOR, როგორც საბაზისო განაკვეთი, სესხით განსაზღვრული საპროცენტო განაკვეთისთვის. შესაბამისად, თუ ნებისმიერი ასეთი სესხი არ არის დანართ 1-ში შესაბამისი სასესხო შეთანხმება ჩაითვლება შესწორებულად ამ ცვლილების შესაბამისად.

სამართლიანობის, გამჭირვალობის და შესაბამისობის ინტერესების დაცვისთვის ჩვენ ვთავაზობთ იმავე პირობებს ყველა მსესხებელს ბანკის ყველა სესხისთვის. ყველა პირობა არ იქნება შესაბამისი ყველა მსესხებლისთვის. თუმცა, ამ წინადადებაზე ხელმოწერა უზრუნველყოფს, რომ ყველა სასესხო შეთანხმება შეიცვლება ისე, რომ შენარჩუნებული იქნება მსესხებლის ეკონომიკური შეთანხმება ბანკთან სესხების მთლიანი ვადიანობების განმავლობაში.

გთხოვთ, დაგვიდასტუროთ თქვენი თანხმობა აღნიშნულზე, ამ წერილის ხელმოწერით, დათარიღებით და ასლის დაბრუნებით. ცვლილება ეფექტური გახდება ორივე მხარის შესრულებისთანავე.

პატივისცემით,

სებასტიან მოლინეუსი

სამხრეთ კავკასიის რეგიონალური დირექტორი

შეთანხმდნენ:

საქართველო

წარმოდგენილი:

თანამდებობა:

თარიღი:

  დანართი 1

სესხების ჩამონათვალი პროექტის სახელის და ნომრის შესაბამისად

სასესხო შეთანხმებების ცვლილება

დანართი 2

ზოგადი პირობების ცვლილებები შესაბამისი სესხებისთვის

1. მუხლი III, ნაწილი 3.02¹, პუნქტი (გ) შეიცვალოს შემდეგნაირად:

„(გ) თუ საპროცენტო განაკვეთი სესხის ნებისმიერი მოცულობისთვის დაფუძნებულია LIBOR- ზე ან EURIBOR-ზე და ბანკი განსაზღვრავს, რომ (i) ასეთი საბაზისო განაკვეთის კვოტირება შესაბამისი ვალუტისთვის სამუდამოდ შეწყდა, ან (ii) ბანკს აღარ შეუძლია ან აღარ არის ბანკისთვის კომერციულად მისაღები, რომ გააგრძელოს ასეთი საბაზისო განაკვეთის გამოყენება მისი აქტივების და ვალდებულებების მართვის მიზნებისთვის, ბანკმა შესაბამისი ვალუტისთვის უნდა გამოიყენოს სხვა საბაზისო განაკვეთი, მათ შორის, ნებისმიერი შესაბამისი მარჟა, რომელიც შეიძლება გონივრულად განისაზღვროს. ბანკმა დაუყოვნებლივ უნდა შეატყობინოს სესხის მხარეებს სხვა ასეთი განაკვეთის შესახებ და სასესხო შეთანხმებების დებულებებში შესაბამისი ცვლილებების შესახებ, რომელიც ეფექტური გახდება შეტყობინების თარიღისთვის. აღნიშნული უფლებამოსილების აღსრულებისას, ბანკი იმოქმედებს მხოლოდ იმ მიზნით, რომ შეინარჩუნოს და უზრუნველყოს მანამდე არსებული დამოკიდებულება სესხის ხარჯებსა და მის საპროცენტო განაკვეთებს შორის, და არ იქნება მიმართული კომერციული უპირატესობის მიღებაზე.“.

2.² მუხლი III, ნაწილები 3.02 ან 3.03, შესაბამისად, შეიცვალოს, ახალი პუნქტის დამატებით შესაბამისი თანმიმდევრობით, შემდეგნაირად:

„(--) თუ ბანკი განსაზღვრავს, რომ (i) LIBOR-ის კვოტირება შესაბამისი ვალუტისთვის სამუდამოდ შეწყდა, ან (ii) ბანკს აღარ შეუძლია ან აღარ არის ბანკისთვის კომერციულად მისაღები, რომ გააგრძელოს LIBOR-ის გამოყენება მისი აქტივების და ვალდებულებების მართვის მიზნებისთვის, ბანკმა შესაბამისი ვალუტისთვის უნდა გამოიყენოს სხვა საბაზისო განაკვეთი, მათ შორის ნებისმიერ შესაბამისი მარჟა, რომელიც შეიძლება გონივრულად განისაზღვროს. ბანკმა დაუყოვნებლივ უნდა შეატყობინოს მსესხებელს ან გარანტორს სხვა ასეთი განაკვეთის შესახებ და სასესხო შეთანხმებების დებულებებში შესაბამისი ცვლილებების შესახებ, რომელიც ეფექტური გახდება შეტყობინების თარიღისთვის.

---------------------------------------------------------------

¹ ეხება სესხებს, რომლებიც რეგულირდება 2010 წლის შემდგომი ზოგადი პირობებით (სესხების ზოგადი პირობები, დათარიღებული 2010 წლის 23 ივლისით; სესხების ზოგადი პირობები დათარიღებული 2012 წლის 12 მარტით; IBRD-ის დაფინანსების ზოგადი პირობები: საინვესტიციო პროექტების დაფინანსება (2017); IBRD-ის დაფინანსების ზოგადი პირობები: განვითარების პოლიტიკის დაფინანსება (2017); IBRD-ის დაფინანსების ზოგადი პირობები: პროგრამები შედეგებისთვის (2017)).

² ეხება სესხებს, რომლებიც რეგულირდება ზოგადი პირობებით, რომელიც მოიცავს „LIBOR”-ის განსაზღვრებას (ზოგადი პირობები სესხებისა და საგარანტიო შეთანხმებებისთვის ფიქსირებული მარჟისთვის, დათარიღებული 1999 წლის 1 სექტემბრით (ასევე, 2004 წლის 1 მაისს შესწორებული ვერსია); სესხების ზოგადი პირობები, დათარიღებული 2005 წლის 1 ივლისით (ასევე, 2007 წლის 17 ოქტომბერს და 2008 წლის 12 თებერვალს შესწორებული ვერსიები)).

3.³ ქვეპუნქტი (გ) დანართში განსაზღვრული ტერმინით „საბაზისო განაკვეთი“, შესაბამისად, შეიცვალოს შემდეგნაირად:

„(გ) თუ ბანკი განსაზღვრავს, რომ (i) LIBOR-ის (USD, JPY და GBP-სთან მიმართებით) ან EURIBOR-ის (EUR-სთან მიმართებით) კვოტირება ამ ვალუტისთვის სამუდამოდ შეწყდა, ან (ii) ბანკს აღარ შეუძლია ან აღარ არის ბანკისთვის კომერციულად მისაღები, რომ გააგრძელოს საბაზისო განაკვეთის გამოყენება მისი აქტივების და ვალდებულებების მართვის მიზნებისთვის, ბანკმა შესაბამისი ვალუტისთვის უნდა გამოიყენოს სხვა საბაზისო განაკვეთი, მათ შორის ნებისმიერ შესაბამისი მარჟა, რომელსაც ბანკი გონივრულად განსაზღვრავს და შეატყობინოს მსესხებელს 3.02 (გ) ნაწილის თანახმად, რომელიც უზრუნველყოფს, რომ აღნიშნული უფლებამოსილების აღსრულებისას, ბანკი იმოქმედებს მხოლოდ იმ მიზნით, რომ შეინარჩუნოს და უზრუნველყოს მანამდე არსებული დამოკიდებულება სესხის ხარჯებსა და მის საპროცენტო განაკვეთებს შორის, და არ იქნება მიმართული კომერციული უპირატესობის მიღებაზე; და “

სასესხო შეთანხმებების ცვლილება⁴

1. გარკვეული სასესხო შეთანხმებების შესაბამისი დებულებები, რომლებიც განსაზღვრავენ სესხის საპროცენტო განაკვეთს, რომელიც დაფუძნებულია LIBOR-ზე, შეიცვალოს ახალი ქვეპუნქტის დამატებით შესაბამისი თანმიმდევრობით, შემდეგნაირად:

„(--) თუ ბანკი განსაზღვრავს, რომ (i) LIBOR-ის კვოტირება შესაბამისი ვალუტისთვის სამუდამოდ შეწყდა, ან (ii) ბანკს აღარ შეუძლია ან აღარ არის ბანკისთვის კომერციულად მისაღები, რომ გააგრძელოს LIBOR-ის გამოყენება მისი აქტივების და ვალდებულებების მართვის მიზნებისთვის, ბანკმა შესაბამისი ვალუტისთვის უნდა გამოიყენოს სხვა საბაზისო

განაკვეთი, მათ შორის ნებისმიერ შესაბამისი მარჟა, რომელიც შეიძლება გონივრულად განისაზღვროს. ბანკმა დაუყოვნებლივ უნდა შეატყობინოს მსესხებელს ან გარანტორს სხვა ასეთი განაკვეთის შესახებ და სასესხო შეთანხმებების დებულებებში შესაბამისი ცვლილებების შესახებ, რომელიც ეფექტური გახდება შეტყობინების თარიღისთვის. აღნიშნული უფლებამოსილების აღსრულებისას, ბანკი იმოქმედებს მხოლოდ იმ მიზნით, რომ შეინარჩუნოს და უზრუნველყოს მანამდე არსებული დამოკიდებულება სესხის ხარჯებსა და მის საპროცენტო განაკვეთებს შორის, და არ იქნება მიმართული კომერციული უპირატესობის მიღებაზე“.