„საქართველოში დასაბრუნებელი მოწმობის შესახებ დებულების დამტკიცების თაობაზე“ საქართველოს მთავრობის 2014 წლის 30 ივნისის №426 დადგენილებაში ცვლილების შეტანის შესახებ

1. მე-2 მუხლის „კ“  ქვეპუნქტი ჩამოყალიბდეს შემდეგი რედაქციით:

„კ) უცხო ქვეყნის შესაბამისი ორგანო – ადგილსამყოფელი ქვეყნის კანონმდებლობის შესაბამისად, ქვეყნის ტერიტორიაზე სამართლებრივი საფუძვლის გარეშე მყოფი პირის დაბრუნების საკითხებთან დაკავშირებით უფლებამოსილი ორგანო/უწყება, ნებაყოფლობითი დაბრუნების პროგრამის განმახორციელებელი  არასამთავრობო  და  საერთაშორისო ორგანიზაციები ან  მათი წარმომადგენლობები ადგილსამყოფელ ქვეყანაში;“.

2. მე-8 მუხლის მე-9 პუნქტი ჩამოყალიბდეს შემდეგი რედაქციით:

„9. დასაბრუნებელი მოწმობის გაცემასთან დაკავშირებით წარდგენილი დოკუმენტები (მათი ასლები) ერთვის საქმის მასალებს.“.

3. მე-10  მუხლის 1¹ პუნქტი ჩამოყალიბდეს შემდეგი რედაქციით:

„1​¹. დასაბრუნებელი მოწმობა ელექტრონული ფორმით გაიცემა მხოლოდ ამ მუხლის პირველი პუნქტის „ა“ და „გ“ ქვეპუნქტებით გათვალისწინებულ შემთხვევებში.“.

4. მე-15 მუხლის მე-2 პუნქტი ჩამოყალიბდეს შემდეგი რედაქციით:

„2. უცხო ქვეყნის შესაბამისი ორგანოს შუამდგომლობა შეიძლება, წარდგენილ იქნეს  დიპლომატიური არხების გამოყენებით, ფოსტით ან/და რეადმისიის მართვის ელექტრონული სისტემით.“.

5. მე-19 მუხლის მე-2 პუნქტს დაემატოს შემდეგი შინაარსის  „დ“ ქვეპუნქტი:

„დ) დასაბრუნებელი მოწმობა გაიცემა უცხო ქვეყნის შესაბამისი ორგანოს შუამდგომლობის საფუძველზე, საქართველოში ნებაყოფლობით დაბრუნების მიზნებისათვის.“.