ხულოს მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ

,,მუხლი 1. მოქმედების სფერო

 ეს წესი განსაზღვრავს  საქართველოს    კანონის „საქართველოს     ადმინისტრაციული სამართალდარღვევათა   კოდექსი“   125-ე   მუხლის   მე-8  და  მე-12−მე-16  ნაწილებით,   125⁴ და  135¹ მუხლებით  გათვალისწინებულ  შემთხვევებში, ხულოს  მუნიციპალიტეტის  ტერიტორიაზე ვიდეოფირზე ან/და ფოტოფირზე დაფიქსირებულ ადმინისტრაციული სამართალდარღვევის ფაქტზე გამოწერილი საჯარიმო ქვითრის საჯაროდ გამოქვეყნებასთან დაკავშირებულ პროცედურებს, აგრეთვე, ამ წესის აღსრულების მიზნით, ხულოს მუნიციპალიტეტის მერიის არქიტექტურისა და  ურბანული დაგეგმარების სამსახურისა და ზედამხედველობის სამსახურის  (შემდგომ – სტრუქტურული ერთეული) ან პარკირების ორგანიზების უფლების მქონე პირის მიერ განსახორციელებელ ღონისძიებებს”.

2.დადგენილებით დამტკიცებული დანართის მეორე მუხლის პირველი პუნქტი ჩამოყალიბდეს  შემდეგი რედაქციით:

,,1. ხულოს მუნიციპალიტეტის ტერიტორიაზე ვიდეოფირზე ან/და ფოტოფირზე დაფიქსირებულ ადმინისტრაციული სამართალდარღვევის, კერძოდ საქართველოს ადმინისტრაციულ სამართალდარღვევათა კოდექსის 125-ე მუხლის მე-8, მე-12–მე-16 ნაწილებით, 125⁴  და 135¹ გათვალისწინებულ შემთხვევებში, ხულოს მუნიციპალიტეტის მერიის არქიტექტურისა და ურბანული დაგეგმარების სამსახურის და  ზედამხედველობის  სამსახურის  ან  პარკირების ორგანიზების  უფლების  მქონე  პირის  მიერ, საქართველოს  კანონის „ადმინისტრაციულ სამართალდარღვევათა კოდექსი“-ს  290⁴ მუხლის  პირველი ნაწილით  განსაზღვრულ  შესაბამის პირს  (შემდგომ – პირი)  საჯარიმო  ქვითარს  უგზავნის  ფოსტის  მეშვეობით, რეგისტრაციის ადგილის მიხედვით.”