„საქართველოს ცენტრალური საარჩევნო კომისიის რეგლამენტის დამტკიცების შესახებ” საქართველოს ცენტრალური საარჩევნო კომისიის 2015 წლის 25 ნოემბრის №54/2015 დადგენილებაში ცვლილებების შეტანის შესახებ

1. მე-2 მუხლის:

ა) 12¹ პუნქტის შემდეგ დაემატოს შემდეგი შინაარსის 12² და 12³ პუნქტები:

,,12². დადგენილებით ამტკიცებს ცესკოს საკონსულტაციო ჯგუფის დებულებას.

12³. განკარგულებით ამტკიცებს ცესკოს საკონსულტაციო ჯგუფის შემადგენლობას არჩევნების დანიშვნიდან 10 დღის ვადაში.“;

ბ) მე-20 პუნქტი ჩამოყალიბდეს შემდეგი რედაქციით:

,,20. საქართველოს ორგანული კანონით „საქართველოს საარჩევნო კოდექსი” დადგენილი წესით განიხილავს არჩევნებთან დაკავშირებულ განცხადებებსა და საჩივრებს და თავისი უფლებამოსილების ფარგლებში იღებს სათანადო  გადაწყვეტილებას, მათ შორის, სათანადო საფუძვლის არსებობისას - გადაწყვეტილებას განცხადების/საჩივრის განუხილველად დატოვების შესახებ;“;

გ) მე-20 პუნქტის შემდეგ დაემატოს შემდეგი შინაარსის 20¹ და 20² პუნქტები:

,,20¹. განკარგულებით განსაზღვრავს საჩივრის ელექტრონული ფორმით შეტანის წესს;

20². განკარგულებით განსაზღვრავს საქართველოს ორგანული კანონის „საქართველოს საარჩევნო კოდექსი” 78-ე მუხლის 1¹ პუნქტით განსაზღვრული ელექტრონული რეესტრის წარმოების წესს;“.

2. მე-3 მუხლის:

ა) პირველი პუნქტი ჩამოყალიბდეს შემდეგი რედაქციით:

,,1. ცესკო შედგება არაუმეტეს 17 წევრისგან, მათ შორის არიან ცესკოს თავმჯდომარე, თავმჯდომარის ორი მოადგილე და ცესკოს მდივანი.“;

ბ) მე-2 პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) ცესკოს თავმჯდომარის ორი მოადგილე;“.

3. მე-4 მუხლის:

ა) 3¹ პუნქტის შემდეგ დაემატოს შემდეგი შინაარსის 3² პუნქტი:

,,3². განკარგულებით განსაზღვრავს საქართველოს საარჩევნო ადმინისტრაციაში შრომითი ხელშეკრულებით დასაქმებულ პირთა რიცხოვნობას;“;

ბ) მე-4 პუნქტი ჩამოყალიბდეს შემდეგი რედაქციით:

,,4. რეგისტრაციაში ატარებს არჩევნებში მონაწილე პარტიებსა და ამომრჩეველთა საინიციატივო ჯგუფებს (ქალაქ თბილისის მერის არჩევნებისათვის), მათ წარმომადგენლებს ცესკოში;“;

გ) 5¹ პუნქტი ამოღებულ იქნეს.

დ) მე-6 პუნქტი ჩამოყალიბდეს შემდეგი რედაქციით:

,,6. სათანადო მოწმობებს აძლევს არჩევნებში მონაწილე პარტიებისა და ამომრჩეველთა საინიციატივო ჯგუფების (ქალაქ თბილისის მერის არჩევნებისათვის) წარმომადგენლებს;“;

ე) მე-9 პუნქტი ჩამოყალიბდეს შემდეგი რედაქციით:

,,9. საქართველოს ახალარჩეული პარლამენტის დროებით სამანდატო კომისიას გადასცემს პარლამენტის წევრთა უფლებამოსილების ცნობისათვის საჭირო დოკუმენტაციას;“;

ვ) 9² პუნქტი ჩამოყალიბდეს შემდეგი რედაქციით:

,,9². განკარგულებით იღებს გადაწყვეტილებას არჩეული პარლამენტისა და თბილისის საკრებულოს წევრების უფლებამოსილების ცნობის შემდეგ, პარტიული სიიდან პარლამენტისა და თბილისის საკრებულოს წევრობის კანდიდატის/კანდიდატების მოხსნის შესახებ, პარტიის ხელმძღვანელი პირის მიერ ხელმოწერილი შესაბამისი განცხადების საფუძველზე;“;

ზ) მე-12 პუნქტი ჩამოყალიბდეს შემდეგი რედაქციით:

„12. საარჩევნო ადმინისტრაციის რეგლამენტის შესაბამისად დავალებას აძლევს თავმჯდომარის მოადგილეებს, კომისიის მდივანს, კომისიის სხვა წევრებსა და კომისიის აპარატის თანამშრომლებს;“;

4. მე-5 მუხლი ჩამოყალიბდეს შემდეგი რედაქციით:

,,მუხლი 5. ცესკოს თავმჯდომარის მოადგილეები

ცესკოს თავმჯდომარის მოადგილეები:

1. საქართველოს ორგანული კანონის ,,საქართველოს საარჩევნო კოდექსი“ მე-8 მუხლის 24-ე პუნქტის შესაბამისად ასრულებენ ცესკოს თავმჯდომარის მოვალეობას;

2. ცესკოს თავმჯდომარის განკარგულებით და ცესკოს თანხმობით ახორციელებენ ცესკოს თავმჯდომარის ცალკეულ უფლებამოსილებებს (განკარგულებით ზუსტად უნდა განისაზღვროს მინიჭებული უფლებამოსილების ფარგლები და ვადა).“.

5. მე-6 მუხლის მე-2 პუნქტი ჩამოყალიბდეს შემდეგი რედაქციით:

,,2. განკარგულებით რეგისტრაციაში ატარებს საქართველოს პარლამენტისა და მუნიციპალიტეტის ორგანოთა არჩევნებში მონაწილე პარტიის და ამომრჩეველთა საინიციატივო ჯგუფის (ქალაქ თბილისის მერის არჩევნებისთვის) წარმომადგენლებს საოლქო საარჩევნო კომისიებში და აძლევს მათ სათანადო მოწმობებს;“.

6. მე-11 მუხლის მე-3 პუნქტი ჩამოყალიბდეს შემდეგი რედაქციით:

,,3. იხილავს არჩევნებთან/რეფერენდუმთან დაკავშირებულ განცხადებებს/საჩივრებს და განკარგულებების პროექტებს გადაწყვეტილების მისაღებად წარუდგენს ცესკოს;“.

7. 18¹ მუხლის:

ა) 41-ე პუნქტი ჩამოყალიბდეს შემდეგი რედაქციით:

,,41. უზრუნველყოფს პარტიების, ამომრჩეველთა საინიციატივო ჯგუფებისა და კანდიდატთა არჩევნებში მონაწილეობის უფლების მიღების მიზნით რეგისტრაციის პროცესის ადმინისტრირებას (ამოწმებს, ამზადებს და ინახავს რეგისტრაციისათვის განკუთვნილ მასალებს);“;

ბ) 43-ე პუნქტი ჩამოყალიბდეს შემდეგი რედაქციით:

,,43. უზრუნველყოფს არჩევნებში მონაწილე პარტიებისა და ამომრჩეველთა საინიციატივო ჯგუფების (ქალაქ თბილისის მერის არჩევნებისათვის) წარმომადგენლებისათვის, ქალაქ თბილისის მერობის კანდიდატებისათვის სათანადო მოწმობების დამზადებას;“.

8. მე-20 მუხლის:

ა) პირველი პუნქტი ჩამოყალიბდეს შემდეგი რედაქციით:

,,1. ცესკოს სხდომა მოიწვევა კომისიის თავმჯდომარის მიერ ან საქართველოს ორგანული კანონის ,,საქართველოს საარჩევნო კოდექსი“ მე-8 მუხლის 24-ე პუნქტის შესაბამისად განსაზღვრული თავმჯდომარის მოადგილის მოთხოვნით;“;

ბ) მე-3 პუნქტის შემდეგ დაემატოს შემდეგი შინაარსის 3¹ პუნქტი:

,,3¹. საარჩევნო კომისიის სრული შემადგენლობა არის საარჩევნო კოდექსის შესაბამისად არჩეულ კომისიის წევრთა რაოდენობისა და იმ პარტიების მიერ დანიშნულ კომისიის წევრთა რაოდენობის ჯამი, რომლებსაც ამავე კოდექსის შესაბამისად მოპოვებული აქვთ საარჩევნო კომისიის წევრის დანიშვნის უფლება.“;

გ) მე-6 პუნქტი ჩამოყალიბდეს შემდეგი რედაქციით:

,,6. ცესკოს სხდომას უძღვება თავმჯდომარე, ან მისი დავალებით – საქართველოს ორგანული კანონის ,,საქართველოს საარჩევნო კოდექსი“ მე-8 მუხლის 24-ე პუნქტის შესაბამისად განსაზღვრული თავმჯდომარის მოადგილე;“.

9. 21-ე მუხლის მე-4 პუნქტი ჩამოყალიბდეს შემდეგი რედაქციით:

,,4. ცესკოს სხდომაზე საკადრო საკითხები წყდება ცესკოს სრული შემადგენლობის უმრავლესობით, თუ საქართველოს ორგანული კანონით ,,საქართველოს საარჩევნო კოდექსი“ სხვა რამ არ არის დადგენილი.;“.