„საქართველოს თავდაცვის სამინისტროს მოსამსახურეთა შრომის ანაზღაურების, სოციალური დაცვისა და მატერიალური უზრუნველყოფის პირობების დამტკიცების შესახებ“ საქართველოს თავდაცვის მინისტრის 2018 წლის 15 იანვრის №1 ბრძანებაში ცვლილების შეტანის თაობაზე

 1. 31¹-ე მუხლის შემდგომ დაემატოს შემდეგი შინაარსის 31​² მუხლი:

„მუხლი 31​²
სსიპ – დავით აღმაშენებლის სახელობის საქართველოს ეროვნული თავდაცვის აკადემიის „უცხო ქვეყანაში უმცროს ოფიცერთა მოსამზადებელ კურსებზე სსიპ – დავით აღმაშენებლის სახელობის საქართველოს ეროვნული თავდაცვის აკადემიიდან წარგზავნილ მსმენელთა ჯგუფის“ მსმენელებს, რომლებიც სასწავლებლად არიან წარგზავნილნი უცხო ქვეყნის საგანმანათლებლო დაწესებულებებში, ყოველთვიურად მიეცემათ მხოლოდ ფულადი სარგო 276 (ორას სამოცდათექვსმეტი) ლარის ოდენობით.“.

2. 41-ე მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით:

„ა) ყოველთვიურად უწესდებათ მხოლოდ ფულადი სარგო და ამ ბრძანებით ან მინისტრის ინდივიდუალური ადმინისტრაციულ-სამართლებრივი აქტით დადგენილი კრიტერიუმებით განსაზღვრული დანამატები მათი ფაქტობრივი წოდების შესაბამისად, თუ სასწავლებელში ჩარიცხვამდე პირი იმყოფებოდა:

ა.ა) რეზერვისტთა აღრიცხვაზე;

ა.ბ) წვევამდელთა აღრიცხვაზე და სასწავლებელში ჩარიცხვასთან ერთად გახდა საკონტრაქტო სამხედრო მოსამსახურე.“.