„ავიასპეციალისტთა სერტიფიცირების წესების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2012 წლის 30 აგვისტოს №150 ბრძანებაში ცვლილების შეტანის თაობაზე

1. 29-ე მუხლის:

ა) მე-3 პუნქტს დაემატოს შემდეგი შინაარსის „ვ“ ქვეპუნქტი:

„ვ) სახელმწიფო ავიაციაში მიღებული პრაქტიკული ტექნიკური მომსახურების შესაბამისი გამოცდილება სრულად ჩაითვლება სამოქალაქო ავიაციის საჰაერო ხომალდის ტექნიკური მომსახურების მოწმობის მიღებისთვის მოთხოვნილ გამოცდილებაში, იმ პირობით რომ კანდიდატი  შესაბამის სამოქალაქო საჰაერო ხომალდზე ტექნიკურ ექსპლუატაციას ახორციელებდა:

ვ.ა) A კატეგორიის ოსტატობის შემთხვევაში – არანაკლებ 6 თვე;

ვ.ბ) B1/B2 კატეგორიების ოსტატობის შემთხვევაში – არანაკლებ 1 წელი.

ბ) მე-4 პუნქტის „ვ.ბ“ ქვეპუნქტი ჩამოყალიბდეს შემდეგი რედაქციით:

„ვ.ბ) უკანასკნელი 24 თვის განმავლობაში, შესაბამისი სხ-ის ან მისი ნაწილის დათვალიერებას, მომსახურებას, ან ტექნიკურ ექსპლუატაციას ახორციელებდა არანაკლებ 6 თვის მანძილზე.“.

2. 31-ე მუხლის:

ა) მე-3 პუნქტის „ვ“ ქვეპუნქტი ამოღებულ იქნეს;

ბ) დაემატოს შემდეგი შინაარსის მე-6 პუნქტი:

„6. ეს მუხლი არ ვრცელდება საჰაერო ხომალდის ტექნიკური მომსახურების პერსონალზე.“.